1 Yelebiŋ'a 20

1Yuune la daa ta ki la, saŋsɛka poan te nadoma yɛha pɛɛntɛɛnre la, Yoab daa tara pɛɛntɛɛnreba keŋɛ ta zabɛ sagom Ammon teŋa gum Araba teŋa kae te ba zabɛ la ka ge David bɔna la Yerusalem. Te Yoab nyaŋɛ Araba ge sagom teŋa la zan'an. 2Te David dekɛ ba naba muŋa n vuke a zuo la. Ka daa tebegɛ me la sanlema bɔɔrega, te sanlenkuga golɛ dɛ. Te ba dekɛ vugule David zuo. A vaɛ teŋa lɔgɔseto zan'an yehe teŋa la poan. 3Nɛresɛba zan'an n daa boe teŋa la poan la, a daa tare ba zan'an yehe me na, bahɛ te ba tara so'ahe la piŋgaahe la leehe tona. En ɛnŋɛ Ammon teŋhe wa se'em n ba la ge te enŋa la a nɛreba la lebe Yerusalem teŋa poan. 4Te zaberɛ daa sige Israel la Pilistidoma teŋasoka Gezer teŋa poan. Husat boraa Sibekai la ko' Sipai, n de nɛrewageladoma la buuri, te Israeldoma nyaŋɛ ba. 5Te zaberɛ le malom sige Pilistidoma zuo, te Betlehem boraa Yair dayɔa Elhanan ko' Gat boraa Goliat sɔɔn se'em te a kanɛ zuo kanregɛ ge ana sopi. 6Te zaberɛ daa le ma'an sige Gat teŋa me poan, te nɛra wagelɛ ayema n daa tare nu'dibilihe pia la seyi' la na'dibilihe pia la seyi'! Nɛra wagela la buuri n bala. 7En daa ta zɛɛna Israel, te David sɔɔn Simea dayɔa Yonatan ko' en. 8Nɛra wagela buuri wa n daa boe Gat teŋa poan la, David la a nɛreba la n ko ba zan'an.

will be added

X\