1 Yelebiŋ'a 14

1Tire naba Hiram daa ton nɛreba David zen'an na la mɔlɔsonɔ tiihe la kpa'areba la kugumɛteba te ba mɛ yire bo en. 2Bala te David baŋɛ te Na'ayenɛ daa loe en te a dɛna Israel naba ge behera a sɔ'ɔlomkantɛ soŋa a nɛreba la zuo. 3Yerusalem poan, te David di la pɔgɔhe kekeko ge dɔgɛ dayɔɔhe la pɔyɔɔhe pa'ahɛ. 4Kɔmsɛba te a dɔgɛ pa'ahe Yerusalem poan dela Samua la Sobab la Natan la Solomon la 5Ibhar la Elisua la Elpelet la 6Noga la Nepeg la Yapia la 7Elisama la Beeliada la Elipelet. 8Pilistidoma la n daa wom te ba bobe David na'am la, ba pɛɛntɛɛnreba daa yehe na te ba eere en. David n wom bala, a yehe mɛ te a to'ohe ba. 9Te Pilistidoma la daa keŋɛ sige Arepaim bɔ'ɔ la poan ta fan' bini. 10David soke Yene yeti, N zabɛ la ba yoi? Ho wan soŋɛ mam? Te Na'ayenɛ lebehe en yeti, Keŋɛ paɛ ba ge ho wan nyaŋɛ. 11Te ba la to'ohɛ Pilistidoma wa Baal Perazim teŋa poan nyaŋɛ ba bilam, ge David nya yeti, Yenɛ tare la mam tanhe n diŋdoma wo ko'om n tanhɛ uura se'em na la. Bala te ba' yi'ira zen'an la Baal Perazim. 12David nya bo' nɔɔrɛ te ba nyɔ' baga la te Pilistidoma la zɔ gee bahɛ la. 13Le yɛ'ɛha Pilistidoma daa le ta keŋɛ sige fan' Arepaim bɔn'ɔrɔ la na. 14David le maan soke Yenɛ yeti, N wan eŋɛ la wane? Te Yenɛ yeti, Da doohe ya ba poore, kae ya ba mum la ya pɔhɛ tuntuuro la n boe zen'an la. 15Ya han ta wom kinkima tuntuuro la zuto, ya paɛ zabɛ la ba. Se'ere n sɔe la n wan keŋɛ tole nɛŋa ta nyaŋɛ Pilistidoma la bo' ya. 16David dekɛ la Yenɛ nɔɔrɛ wa seren nyaŋɛ ko' Pilistidoma wa kɔ'ɔn ze'ele Gibeon ta paɛ Gezer. 17Bilam te David yu'urɛ yehe, te Na'ayenɛ bahɛ te dabeem saan'ɛ teŋhe la zan'an.

will be added

X\