Amatie 1

1Azezi n de Adavidi yɩɩŋa, la Abraham yɩɩŋa yaabdõma n wãna: 2Abraham n dↄgɛ A'izakɩ, tɩ A'izakɩ dↄgɛ Azakↄbɩ, tɩ Azakↄbɩ dↄgɛ Azuda, la a kẽendõma, la a yɩbsɩ. 3Tɩ Azuda la a pↄga Atamaarɩ dↄgɛ Afarɛsɩ la Azara, tɩ Afarɛsɩ dↄgɛ A'ɛsrↄm, tɩ A'ɛsrↄm dↄgɛ Aram, 4tɩ Aram dↄgɛ Aminadabɩ, tɩ Aminadabɩ dↄgɛ Anaasõ, tɩ Anaasõ dↄgɛ Asalmõ. 5Tɩ Asalmõ la a pↄga Arahabɩ dↄgɛ Aboozɩ, tɩ Aboozɩ la a pↄga Aruti dↄgɛ A'obɛɛdɩ, tɩ A'obɛɛdɩ dↄgɛ Azese. 6Tɩ Azese dↄgɛ naba Adavidi. Tɩ Adavidi daan di A'uuri pↄkõorɛ, tɩ ba dↄgɛ Asalomõ. 7Tɩ Asalomõ dↄgɛ Aroboam, tɩ Aroboam dↄgɛ Abiya, tɩ Abiya dↄgɛ Aza. 8Tɩ Aza dↄgɛ Azozafatɩ, tɩ Azozafatɩ dↄgɛ Azoram, tɩ Azoram dↄgɛ A'oziasɩ. 9Tɩ A'oziasɩ dↄgɛ Azↄtam, tɩ Azↄtam dↄgɛ Akaazɩ, tɩ Akaazɩ dↄgɛ A'ezekiasɩ. 10Tɩ A'ezekiasɩ dↄgɛ Amanase, tɩ Amanase dↄgɛ Amõ, tɩ Amõ dↄgɛ Azoziasɩ. 11Tɩ Azoziasɩ dↄgɛ Azekoniyasɩ la a yɩbsɩ. Wakat-ẽŋa tɩ ba yõgɛ Ɩsrayɛlɩ dõma tarɩ sẽŋɛ Babilↄnɩ. 12La ban paagɛ Babilↄnɩ na poorʋm, tɩ Azekoniyasɩ dↄgɛ Asalatɩyɛlɩ, tɩ Asalatɩyɛlɩ dↄgɛ Azorobabɛlɩ. 13Tɩ Azorobabɛlɩ dↄgɛ Abiyuudɩ, tɩ Abiyuudɩ dↄgɛ A'eliakim, tɩ A'eliakim dↄgɛ Azↄↄrɩ. 14Tɩ Azↄↄrɩ dↄgɛ Asadↄkɩ, tɩ Asadↄkɩ dↄgɛ Akim, tɩ Akim dↄgɛ A'eliyuudɩ. 15Tɩ A'eliyuudɩ dↄgɛ A'eleazaarɩ, tɩ A'eleazaarɩ dↄgɛ Amatã, tɩ Amatã dↄgɛ Azakↄbɩ. 16Tɩ Azakↄbɩ dↄgɛ Azozɛfʋ n de Amaari sɩra la. Amaari ẽŋa n dↄgɛ Azezi tɩ ba wi'iri Krisi la. 17Lan pı̃'ilum na Abraham wa paagɛ Adavidi, de la zamãana pia la anaasɩ. Lan sẽŋɛ la Adavidi wa paagɛ ban yõgɛ Ɩsrayɛlɩ dõma sẽŋɛ Babilↄnɩ na, de la zamãana pia la anaasɩ. Ban yõgɛ Ɩsrayɛlɩ dõma sẽŋɛ Babilↄnɩ wa paagɛ Krisi la, de la zamãana pia la anaasɩ. 18Azezi-krisi dↄka daan ẽŋɛ la wãna: A ma Amaari daan yetɩ a ele la Azozɛfʋ, la ba daan nãn ka gã'arɛ la taaba, dee tɩ a tara pʋʋrɛ, la de la Nawẽnnɛ Sɩa n botɩ a tara pʋʋrɛ la. 19La Azozɛfʋ n daan yetɩ a di ẽ na de la nẽr-sõŋↄ, a ka boorɩ tɩ a ẽŋɛ ẽ yãnnɛ nẽrba nifum, a daan tẽ'esɛ mɛ tɩ a basɛ ẽ sı̃m. 20La ẽn daan tẽ'esrɩ bɛla la, tɩ Zuudãana Nawẽnnɛ malɛka wa'am wa puke a mẽŋa pa'alɛ ẽ zãasŋↄ pʋam yele ẽ yetɩ: "Azozɛfʋ, Adavidi yɩɩŋa, da zoe dabeem, di Amaari tɩ a dɛna fʋ pↄga, pʋʋrɛ la tɩ a tarɩ la de la Nawẽnnɛ Sɩa n bↄ ẽ. 21A wʋn dↄgɛ la budibla, tɩ fʋ sɩ a yʋ'ʋrɛ tɩ Azezi, la de ẽŋa n wʋn fãagɛ a nẽrba la ba tõon-be'ero pʋam basɛ." 22Bõn-bãma wuu ẽŋɛ mɛ tɩ Zuudãana Nawẽnnɛ n yʋʋn botɩ a nõtↄ'ↄsa la yele se'em na n ẽŋɛ. A yʋʋn yetɩ: 23"Bɩsɛ-ya, pugla n nãn ka mi bʋraaga wʋn yõkɛ pʋʋrɛ dↄgɛ budibla, tɩ ba wi'ira a yʋ'ʋrɛ tɩ A'emanuwɛlɩ." A võorɛ de la Nawẽnnɛ boe la tɩ lɛ. 24Tɩ Azozɛfʋ nẽegɛ, ẽŋɛ wʋ Zuudãana malɛka la n yele ẽ se'em na, di a pↄga la. 25La a daan ka gã'arɛ la ẽ, halɩ tɩ a wa dↄgɛ budibla la, tɩ a sɩ bia la yʋ'ʋrɛ tɩ Azezi.

will be added

X\