WAHEBELANIYA 8

1Ale ne nghani mbaha yono cikuyilonga nha yoyi: Ase cina u Mukohani Muwaha we nhavivi, mono yali ku wulanga mono yekaye ku muwoko wo kulume we ligoda lyo wuwaha lyo Mulungu u Mudaha vyose. 2Mwene ketumaga u mulimo wo Wukohani Muwaha i Hanhu Hono Helile muno, nha cinji, mugati ye lihema lililya lye mbeka lyono lyazengwa no Muwaha, hamba si na munhu yaye. |78A.tif|span|||U mukohani muwaha (8:1-2) | 3Hambi u Mukohani Muwaha wo wose, nha yakuwikwa ho yamulavizye u Mulungu vilavya ne makumbiko, holeka no Mukohani wetu Muwaha yimunojeye nayo yawe ne cinhu co kulavya. 4Holeka u Mwene mhali yawe munya baha hono'nze, si yali yasume kuwa mukohani hamba hadodo, hambi nha kowali wakohani wanji, wono wakulavya vilavywa mu nzila yo Wulajilize. 5No witumami wawo wuwo wo wukohani, co cihwani du no muzizi wa azilya zono zili ku wulanga. Na vyo yali na kuli Musa. Lono yali yeza behi no kunoza i lihema lililya, u Mulungu yamulonjela yakatya, “Wunoze zose ziwe nhe hwani yono walajilwa kwi'tunda.” 6Alu ninga Yesu, yakondya kupegwa u witumami we cikohani, wuswanu wucizize si nha wawo, nha vyono yacikangaza i cilagane ciswanu cicizize muli wanhu no Mulungu, hambi u musinji wayo nha wuli mu wihuwizo mu zinghani ziswanu zicizize muno. 7Hambi i cilagane cicilya i cilongozi mhali ciwe cisina yilema, nha mhali kuwe kusina soko ye cilagane ce kejete. 8Ninga u Mulungu yawahosa wanhu wakwe lono yalonjela yakutya: “Langa ta, i vilo vyolokuza yakutya u Muwaha, lono nolonozeza i cilagane cipya ne wanhu wa Isilayeli, hamonga na womulango wa Yuda. 9Ne cilagane cico si cowa cihwanile ne cilagane acilya lono nawebatila muwoko niwahamye mu yisi ya Misili. Hambi nha si wekalaga mu cilagane cangu. Holeka nane sinawalanga, yakutya u Muwaha. 10Ne cilagane cono nonoza ne wanhu wa Isilayeli mu vilo vyono vikuza nha cocino, nologenjiza i malajilizo gangu mu mahala gawo, kanyhi nologandika mu zinhumbula zawo. Nane nolowa Mulungu wawo nawo wolowa wanhu wangu. 11Hasina kanyhi munhu mono kolomwijiza u muyagwe. Hamba mono kolomutya u nduguye yatye, ‘Wumumanyaje u Muwaha.’ Hambi wanhu wose i wadodo ne wawaha nha wolomanya nene. 12Nane nolowanenela u wubi wawo hamba si nowukumbucila kanyhi yaye.” 13Na muwulonje wa muli ze cilagane cipya, u Mulungu yakondya kucisakaza acilya i cilongozi, na muli co cose cono cikusakala no kuhumapa, cokwajilila mbela.

will be added

X\