2 WAKOLINTO 3

1Alo yiyi yikulajila nha vyono cikwamula kanyhi kwiyilumba co weneco? Hamba cikusaka baluwa zo wulumbwe wetu zizo kwenyu hamba zilawe kwenyu, nhe wanji? 2Ninga anye nyo weneco yo nyenye mono muli baluwa yetu, kanyhi yo baluwa yono nyandikwe mu zinhumbula zetu, ho munhu wo wose yasume kuyiwona no kuyisoma. 3Kanyhi yili calinze, nha vyono anye muli baluwa ya Kilisito yono yaletwa ne miwoko yetu. Ne baluwa yeneco siyandikwe ko wino, aa ng'o, langa nyandikwe ko Muhe wo Mulungu mumi, hamba si nyandikwe mu cibanhi ce'bwe, langa nyandikwe mu zinhumbula ze wanhu. 4Nase cikulonga zizino ku soko yo witumbilo wetu wono cina nawo kuli Mulungu mu nzila ya Kilisito. 5Ninga si vyono ase cosuma kwitumila nghani yinji yo yose mu vilungo vyetu co weneco, langa u wusume wetu wose, wulawaga kuli Mulungu, 6hambi nha yo mweneco du mono yacipela u wusume wo kuwela i wetumami we cilagane Cipya, cono si cilagane co wulajilize wono mwandikwe, langa Cilagane co Muhe. Hambi u wulajilize wono mwandikwe, nha wuletaga yifwa, ningo Muhe, wuwumifyaga. 7U Wulajilize waziza mu mandiko gono gali mandice mu vibanhi vye mabwe. Hamba yiwe u mudumo wayo waweza yifwa, u lukumyo lo Mulungu lukawa lucilile muno muno, sunga ne wanhu wa Isilayeli hamba siwasuma kwidoma no kuwulanga wusu wa Musa ku soko yo wung'alale wayo. Na kumbe u wung'ale wuwo, wali wa cipango cidodo du. Holeka u witumami wa cico cono caleta lifwa, kumbe ciketumilwa mu lukumyo luwaha nhavivyo, 8ale, uwitumami wo Muhe, wo wina ulukumyo lono lucilile muno muno. 9Holeka hono hawe hali howuli lukumyo mu witumami wuwo wono waleta i ning'aniza, ale, yili calinze muno, vyono u witumami wulya wono wukuleta u wuvumilwe hali Mulungu, wowa no lukumyo lono lucilile muno muno. 10Holeka alu, ulukumyo lono lucilile muno muno, lwakondya kusola cilejeho co lukumyo alulya lono lwaza baho ha lulongozi, wono wilumbi wayo luno, wakondya kupuluta. 11Holeka hono ci cilya cono cali ca cipango cidodo du, cali cino lukumyo lwayo, acilya cono cikalaga cibitilila, cowa cina lulumyo lono lucilile muno muno. 12Vyono wo wuwu wo witumbilo wetu, holeka ase cikulonga cisina woga hamba hadodo. 13Kanyhi ase, si cikwituma nha kotya Musa mono yakawa yimunojeye yawufunicize ne citambala wusu wakwe, wanhu wa Isilayeli ho walece kuwuwona u wung'alale wuwulya wono wali weza kufwililicila. 14Ninga i mahala gawo gakamufywa. Sunga na lulu, lono cikusomwa i citabu ce Cilagane Cigwana, i cicitizo cico nha cikali cili baho du. Ne cicitizo cico cosuma kuwuswa du, lono munhu yakondya kwilunza na Kilisito. 15Heya, sunga ne zuwalili du baha, ho hose lono wukusomwa Wulajilize wa Musa, mahala gawo gawezaga magubice. 16Ninga i cicitizo cico cosuma kuwuswa, nha vyono gakutya i mandiko kuli za Musa, “Yali yeza kumupitucila Muwaha, ne cicitizo cakwe cikawa kuwuswa.” 17Na ahano hono yikutya “U Muwaha,” nha cinji wo wutya, “U Muhe,” na ho hose hono ho yuli u Muhe wo Muwaha, baho ho ho wuli no welecele. 18Holeka ase wose mono si cifunicize wusu wetu, cikululajila lukumyo lo Muwaha kotya nha mwi'lole, no lukumyo lulo nalo lono lukulawa kuli Muwaha, mono wo Muhe, wucikawanizaga ho cihwane muno muno ne cihwani cakwe, ku so lukumyo lono lucilile.

will be added

X\