1 YOHANA 1

1Cikukwandicila zizi so i nghani yo wumi yono yali yili baho ku wulawa mwamulizo. Ase cayihulika no kuyiwona ne meso getu sese co weneco, cayiwona no kuyibata kwe miwoko yetu sese co weneco. 2No wumi wuwo wali weza kwanzalikwa, ase cawuwona, nalu cikulonga, kanyhi cikumulonjelenyi zo wumi wuwo we cibitilila, wono wali ko Sogo yo munhu, hanyuma wukanzalikwa kuli'se. 3Cico cono cawona, na cono cahulika, co cikumwanzizenyi nanye, nanye ho muhanje nase mu wumonga wono cina nawo no Sogo yo munhu no Mwanagwe Yesu Kilisito. 4Cikumwandicilenyi nanye zizi, i nyemo yenyu ho yimemelecele. 5I nghani yono cayihulika kuli Yesu, yono cikumulonjelenyi, nha yoyi, u Mulungu wo wuzelu, na muli mwene, musina hamba citi. 6Holeka hono ciwe kutya cili wumonga nayo, na kuno ho cikwikala mu wutitu, cowa calonga wulambi mu wulonje na mu metumo. 7Langa hono cikale mu wuzelu, nha vyono u mwene yali mu wuzelu, baho langa cowa no wumonga sese kwa sese, ne sakami yakwe Yesu Kilisito u Mwanagwe, yocikwema mu wubi wose. 8Na hono ciwe kutya cisina wubi, cikwikonga co weneco, ne mbeka muli sese musina. 9Langa hono ciwuvumile u wubi wetu, u mwene u Mulungu yo mwihuwilwa, kanyhi yali ling'ani, nayo kocinenela u wubi wetu wose, no kucikwema ne masutya getu gose. 10Na hono ciwe kutya cikali sinetuma wubi, cowa camunoza u Mulungu nha mulambi, ne nghani yakwe yili musina muli sese.

will be added

X\