IBS

Audio:

Drama Text Size

Back Forward

Table of Contents

Books

Chapters

Table of Contents

play
pause
stop
min volume
max volume

00:04 / 03:29

JÉM̀Z 4 - Gokana - 1996 Edition - Bible.is - GKNIBS

1 Ãà ní e dénè bé nè kana e a dìí zẹ̀ẹ̀ tení aà e? Bà téní aa ló dénè bọọ tàn ge ié kpéè ló e a kil sĩ́ gè olòó tõoí m bé bé. 2 Nóo láá iei gbò nu e o gé gbĩ́i; ò gboó dií boo bée vó vaá fẹi nen. Nóo láá iei gbò nu e a palà ge tànii gè ié; ò gboó dií boo bée vó kanai kàna vaá bei bé. Nóo íeì nu e o gbĩ́ì, boo bée kọ nóo bĩ́ìnàì kọ Bàrì á neèi. 3 Ò bĩ́ìnàì vaá nóo íèì, boo bée kọ ò túì lọ̀ bùlà bĩimai--ò bĩ́ìnàì nu nyoomai bọọ kpée ló. 4 Boolo, gbò e o bélìì va e bè náa tõo ló dóm! É kọ nóo nyímàì kọ bọọ ge bãà kóò bàlà boo zógè kọ ò dúi gbò ọ́b Bàrì? Nen e a gbĩ́ ge bãà kóò bàlà boo tú a ló naamá nen ọ́b Bàrì. 5 Sẹ̀ be gé à tõoí ló kọ Kpá Káí beè dọ kẽ kọ, “Bàrì palà ge bẹ́ dẽe boo nyómá e a beè nvèèí m?” 6 Sõò Bàrì ólò nè a sàn nyíe bọ̀ọ̀vẹ̀. Boo bée vó ní e Kpá Káí kọ́ tẹlẹ bàlà kẽ kọ: “Bàrì ólò bé gbò dàlà kpá ló boo, sõò à ólò naa sàn gbò kìlmà kpá ló kẽ.” 7 Boo bée vó, tui bọọ ló nveenii kè kẽ Bàrì. Bei Pọ́lọ́ Nyómá, mè à é gboó téá kil kpã́á ààí ló. 8 Tõonii bãí ló Bàrì, mè à é tõo bã̀í ló. Logai bái õonai, e boolo gbò pọ́lọ́, vaá ò lógii bọọ nyíe õonai, e boolo gbò bàà bàà bùlà. 9 Bã̀i nyèm vaá ò tói m bììla nyíe. Tui tṍó e o gá è magàì naamai tṍó e o é bãi nyèm, vaá ò túi tṍó e o gá è õi kaagai naamai tṍó e o é íei kpóó ló bùlà. 10 Kilmai kpá ló kẽ kè sĩ́ Bàrì mè à é dalài boo. 11 Ó gá loi bel ló ene, e pá nà vígà. Nen e a ló bel ló a vígà à bè ge beeláe bel ló gé ló bel ló Log vaá beelá bel ló Log. Be ò gé béélá bel ló Log, ò nyímá kọ nóo gé náa nu e Log kọ́. Tãa vó, ò gé béélá bel. 12 Áá Bàrì ní e a é láá nè log é, vaá áá ẹlẹ ní e a é láá beelá é. Áá ẹlẹ ní e a é láá kùmà à bè ge kyọ̀ sĩ́ é. Olo mée, e o béelà bel ló o vígà, e? 13 Ni pãanei tṍ, e boolo e o kọ́ì kọ, “Nieí à bè sṍóeá boo, è é má sĩ́ bon e a náaí gé tõó kĩé ene gbáá vaá ùlà ki, ié kpègè.” 14 Nóó zẹ́ẹ nyimai bé e sṍóe é bélí naa! Bọọ dùm belí éé? Ò bélìì kpo kéi e a ulà m gbálà ńkem tṍó vaá à zààlà. 15 Nu e o gá è kọi kọlà vóí: “Be à dú bùlà Bàrì, è é dí dùm vaá naa vóí à bè vóí.” 16 Sõò kátogóí o dalai kpá ló boo vaá leelai bọọ bá. Dénè gbò láb e a dì belí vó dú pọ́lọ́. 17 Vóá à naa, kọ̀láá nen e a nyímá ló lé nu vaá náa náa gé sí pọ́lọ́.

Copyright ℗ 2005 Hosanna