aRom 12

1Kamok anong, roneng, mi ta nye yin akusuk kayr kur riy Adakunom ye i ra nk yin irm yin kyndi asidaka atser, azhl'e, kuri aya Adakunom a tana fok kusas'e. Iyong ne i nye iren kuya Adakunom iben kufe katsak. 2Sang tu ba kuus yin kuse kuri kufe kazatse na ba, amma won yin Adakunom ta ka shishing yin kutrng yin. Be anong ne yin ta shan yin ikng iya Adakunom ta shim, ikng iya i ta nye itek, iya wu tana fok kusas'e ne ikng wu ta shim dim. 3Kamok ritek Adakunom tin nye'me na, mi f be koangan yin ye sang akak tu sok rice naza ye wu nye ikng ikak ba, a ra ban a mees rice wu ingya, a ra mees rice wu tr be kuri kunk katsak Adakunom t ku nk. 4Kyndi kurm ta be ikap zr zr, ne cicr ikap'e nye itomong kuri kuzining ba, 5anong ne i se kayr aKiristi, i se yir whr kayr kurm kuzining be afudang yir fikuus. 6Yir be yir kunang iriri'me titr be ritek Adakunom tin nk yir. Ke kunang akak nye kunang kuzarap, a rin nye kuzarap'e tr be kunk katsak wu ta be. 7Ke kunang'e nye kunye nerawe itomong, a ra nye itomong'e gyr, ke kunye kubsp nerawe'me, a ra bsp gyr. 8Ke kunye kutsesek nerawe, a ra sor afe kutsesek nerawe'me. Ke kunye kunang kutobok fe a ta se nutser, a ra nk washak. Ke kunang'e nye kukk kashn, won a tu nye kayr katsak. Ke ku nye kur riy, a ra nye be riy rikan. 9Kushim ra se kayr katsak. Rayin ikng iya i ta nye imaan'e, amma yiir yin ikng iya i ta nye itek. 10Naka shim yin kyndi aner be aronyining. Koangan ra sok afudang yiik ne a nar rice wu. 11Sang tu se yin dar ifeng ba, be yin ifeng kayr ay yin ne i nye yin Adakunom itomong. 12Nye yin riy rikan natoon ikng iya yin ta min te yin riy, naka tsesek yin kayr risam yin ne i yiir nye yin aduwa koakye izen. 13Kasap yin ikng yin ta be yin be ner Adakunom ya a ta se kayr kutser. Shim yin kushashang tsen. 14Te yin ya a ta ka tabak yin kuc kutek, ku te yin ba kuc kutek sang tu ku fiming yin ba ba. 15Nye yin riy rikan be ya a ta sen nye riy rikan, nye yin riym be ya a ta se kayr riym. 16Sor yin caang be afudang yin. Sang tu kok yin rice naza ba, amma gung yin rice be ya a tu ku di ba kyndi ikng ikak ba. Sang tu sok yin rice yin ye yin ren yin koakye ba. 17Sang tu ku karang yin anyas be anyas ba. Sak yin riy nong ta nye yin ikr i ta se gyr nashn koangan. 18Nye yin ikng iya yin tana kyem i nye, ke ta kyem yin, t, ne i sor yin caang be koangan. 19Ar, tu sor yin aner a tu ku karang imaan'e ba, won yin Adakunom'me. Kamok i se ni izibir ye, Kukarang ikng nye kunaan, mi t ku karang, Agwm gwm f anong. 20Rif Adakunom bun ri f ye, Ke amudn wan fok izong, ku nk naya, ke a fok kut kukoor ne i ku nk ashi a ta s. Ke wan nye anong, i ta se kyndi wan tu ku korok atsn kurng rice. 21T, tu won yin anyas ta ya agap yin ba, ya yin agap anyas be kunye kutek ingya.

will be added

X\