aMatiyu 21

1Nizen iya aYeso be limazhiri wu tEtseng kayr kuwp aBatafazhi nar a tEyis ye, kawhanang Nafar bubarak be aUshalima. aYeso tom limazhiri wu afa ye, 2Tseng yin nabuwp kya kashn yin, yin tEdi yin azhaki nurosom be igon wu azong. Bisik yin nong ta b tin nk yin. 3Ke akak f ikng ikak be yin, ne yin f yin be wu ye, Atekasa ne a tsr.EA tEka nk yin zizirik.E 4Iyu se anong, nong a ta shining ikng aner kuzarap tEf ye, 5Tak yin ngas aUshalima ye, Di, yin agwm yin saase nufe yin. A se whiwh, an ngarak natoon igon azhaki.EE 6Iyong limazhiri'me tseng EtEse nye kyndi aYeso tEtsang a f be ba. 7A bn azhaki'me be igon'e ne Eni saas ares ba natoon'e nong aYeso tin sonong. 8nerawe whr tarak ares ba niren ne kak bs fumung Eta saas niren'e. 9Rigwm nerawe Eta se nashn aYeso'me fe a tu ku kuus nama tang kut naza ye, Nakerek nye nafe Igon aDauda! Aner riy rikan ne a nye afe a ta b kayr riyerek Agwm gwm! Nakerek nye nafe aya a ta se naza!E 10Nizen aYeso tEn kayr aUshalima'me nerawe wor Ete titak ne Erisim ye, Angan na ?E 11Iyong fe a ta sen kuus aYeso'me f ye, Ayu ne a nye aYeso aner kuzarap Adakunom a ta ne na aNazaret niben aGalili.E 12Ayong aYeso n kayr kubang agbang kutu kuya Adakunom iben nong a tEro fe EtEsen rs ikr ne fe kushashang cicr. A gaas ikr fe kushishing itsm ne sik afe kurs bp. 13Ne a f be ba ye, I se ni izibir ye, A tEyis kasa mi ye, kasa aduwa,Eamma yin n sok yin i ta min nye yin kutas gbang kpatang.E 14kpatn be kun bs nufu kayr kubang agbang kutu kuya Adakunom iben'e ne wu ku sak ba Eta te atser. 15Amma nizen gbang atsi ne ner kubsp Itsi ta di itomong azhing wu tEnye, ma inoon tang it naza kayr kubang agbang kutu kuya Adakunom iben ame ye, Nakerek nye nafe Igon aDauda,EAyong ay ba beseng. 16Ne Erip aYeso ye, Wan fok ikng inoon na ta sen f'me aa?E aYeso f be ba ye, Ei, aser, yin kun fa yin kayr rif Adakunom ye; EWan ne i sak acam be inoon nakashak'e tEka kerek aaEE 17Ne aYeso ku won ba nong a tEbe nuwp aBetani a ta se ks azong. 18Naya katson'e, bop nadiding nizen iya aYeso ta se ni iren a sen kubun nuwp'e, a fok izong. 19Ayong a di ritin atafo nukim iren, ne a tseng ritin'e ko a ra s agbang'e ba, ma awan fumung tsek. Ayong a f be ritin atafo'me ye, Sang wan ta ba tes agbang nigaan'e ba.ENizen izining ritin atafo'me wor ri koor. 20Nizen iya limazhiri wu tEdi anong Ete zhing yong Erip ye, Aky sak ritin atafo na wor ri koor nizen izining ?E 21aYeso f be ba ye, Katsak'e ne mi ta ka tak yin, yin gip ke yin nk yin katsak sang ke riy yin se gak ba, yin ta kyem i nye yin ikng iya i ta nar iya mi tEnye be ritin atafo na, yin ta kyem f yin be rifan na ye, Dorok ta se kpa kayr agbang kudung,Eku tEnye anong. 22Ke yin nk yin katsak, koakye ne yin ta rip yin kayr aduwa a tEka nk yin.E 23aYeso tEn kayr kubang agbang kutu kuya Adakunom iben ame, nizen iya a ta sen ibsp nerawe'me gbang atsi ne shn aner aYahuda b nufu Etu ku rip ye, Be aky kuri kukyem ne wan ti nye ikr na ? Angan ta nk iren kunye ikr na ?E 24Ayong aYeso f be ba ye, Mi ta ka nye yin kurip kuzining tsek. Ke yin ti shim yin ne mi ta ma ka tak yin kuri kukyem mi tin nye itomong na. 25aYohana s iren kunye abatisma wu ak ? A s naza ka nufe anerawe ?E Iyong Esan ibrng awan ba ne Ef ye, Ke yir f yir ye, I ne naza,Ea tin rip yir ye, T, aky sak yir ti nk yir katsak ni wu ba ?E 26Ke yir f yir ye, A n nufe anerawe,Eyir tEfok yir inyim ikng nerawe tanin nye yir'e kamok nerawe cicr sok ye, aYohana nye aner kuzarap Adakunom.E 27Ne ba f be aYeso ye, Yir ren yir ba.EIyong wu ma f be ba ye, T, mi ta ka tak yin be aky kuri kukyem ne mi ti nye ikr na ba.E 28Kyrna iyong yin di yin an ? Aner akak tuse a ta be inoon atek'e nafa. A tseng nufe kafe imsng'e a tEf be wu ye, Igon'i, tseng ta sen inye itomong rik anap katuur.E 29Ne igon'e f ye, Mi tEtseng ba,Eamma nama a shishing riy wu a tEtseng. 30Ayong atek ame tseng nufe igon kafe afa'me a tEf ikng wu tEtseng a f be igon kafe imsng'e. Igon'e f ye, Mi tEtseng, ada,Eamma a ra tseng ba. 31T, kayr ba afa'ong angan ne a nye ikng ada ba tEshim ?E Iyong Ef ye, Kafe imsng'e.E aYeso f be ba ye, Katsak'e ne mi ta ka tak yin, fe kushashang itsm iben ne yak agwm ta ka tsang yin kayr rigwm Adakunom. 32Kamok aYohana b nong a tEka tonong yin iren katsak, yin ti nk yin katsak ni wu ba. Amma ner fe kushashang itsm iben ne yak gwm Eti nk katsak. Yin tEdi yin ikr'ong ka yin shishing yin kuse yin nong i tin nk yin katsak ba.E 33aYeso f be ba gbak ye, Fok yin kumaas kukak: Aner ikap akak tuse a ta tuus a kakon anap; a tEgorok rik'me ne a ta ribong a tanin fi ashi anap'e, a nye kar garang nong aner kutor rik'me tin sor. Ne a nk aner akak rik'me nong Etu ku ras mo ikng ikak ne a be nutseng nuwp kukak. 34Nizen iya ishamang tEnye, a tom sam kak ye Era ku shan kanu kafu nufe ner ame. 35fe itomong rik'me yiir sam wu ame nong EtEtsor azining ne Efr akak, EtEbarak afe ataar'e be ata. 36Ayong a bun a tom sam kak gbak, ya a ta nar fe imsng nufu ba, ne fe itomong'e bun Enye be ayong kyndi EtEnye be fe imsng ame. 37Ni igang'e makong, a tom igon wu nufu ba ne a t riy wu ye, ta te yiik igon'i.E 38Amma fe a tEkbk rik ame tEfa di igon'e, Enye ibrng ye, Ayu ne a nye aya kutse wu, i ku fr yir nong ta ya yir kutse'me.E 39Iyong EtEyiir EtEfr ne Ebarak nama rik'me. 40Kamok anong, izen iya ne atek rik'me b, a ta nye an be fe a ta kbk rik'me ?E 41Ne ba f be aYeso ye, A tEfs maan aner'ong ne a nk kak itomong'e, ya a tana ku nk kanu kafu nizen ishamang.E 42aYeso f be ba ye, Aser, yin fa yin kayr rif Adakunom aa? EKuta kuya fe rink tEraba kuyong ne ku te itsik ribor'e. Adakunom ne a nye anong. Iyu nye ikng azhing nufe yir.E 43Kamok anong, won ta ka tak yin, a tin shan rigwm Adakunom nufe yin nong a tEnk ya a tana nye kunye kutek. 44Aner aya ne a tikpa natoon kuta na, a tEte ikpis'e, aya ne kuta'me tikpa ni wu ku tEku mrsh.E 45Nizen gbang tsi ne ner aFarisi tEfok kumaas'e, yong Eren ye aYeso ti f niba. 46Iyong Etsr iren nong Etu ku yiir, amma EtEfok inyim nerawe kamok nerawe'me shim ye aYeso nye aner kuzarap.

will be added

X\