aMarkus 6

1aYeso won kar kayong nong a t ku bun nuwp wu mak be limazhiri wu. 2Kunom Asabar t fa nye ayong a san kubsp nerawe'me kayr kutu aduwa. nerawe whr b nong a t ku foos, azhing t ku yiir ba ayong fe ye, Aner na s ikr iyu aky? Aky kuri kuren ikng ne a tu nk, nong a tin nye ikr azhing ? 3Ayu ne a nye akapinta a? Ayu ne a nye igon aMarya aa? Aronyining aYakub be aYusufu ne aZhud be aSiman aa? ngasnyining se aze mak be yir aa? Ayong riy ba beseng be wu. 4Ayong aYeso f be ba ye, Aner kuzarap be kuyiik koakye, amma kayr kasa wu ne kayr fe iri wu be kayr kuwp wu tsek ne a be kuyiik ba. 5aYeso kyem a nye ikng azhing azong ba, ma ke a tin saas ibk natoon nerawe cik nong t te atser. 6A te zhing kamok kuwon dar kunk katsak ba. 7Ayong a yis limazhiri wu kusk be afa ame nong a t ku tom ba afufa afufa ne a ku nk ba kukyem kuturung amaan nabik. 8Ne a f be ba ye, Sang tu sok yin ikng ikak kamok kutseng yin'e ba, t be yin naya, ka ishika, ka itsm kayr ishika ares yin ba. 9Tes yin akpatak amma sang t be yin akpiin afa ba. 10Izen iya ne yin n yin nasa kakak, sor yin azong ma izen iya yin tana won yin kuwp'e. HK00232b.tif Horace Knowles; The British & Foreign Bible Society Nasa kayr kuwp 11Ke ner kar'me t shan yin ba, ka t fok yin kuto ba, ne yin rng yin iwur atak yin nizen afe yin tana won yin azong nong i ta sor asheda natoon ba. 12Anong ne dorok nong t se taas anerawe ye ru shishing kuse ba. 13turung maan nabik didng ne ni kon name na fe irk whr ne ka sak ba, t te atser. 14Ayong aHiridus fok itak'e, kamok riyerek aYeso tsang ri tseng koak. Ma kak f ye, aYohana aner abatisma ne a bun an dorok be kutser. Iyong ne i sak kukyem kunye ikr azhing ta se be itomong. 15kak f ye, Aner'e nye Iliya. Ne kak f ye, Aner'e nye aner kuzarap akak zr kayr ner kuzarap agbugbang'e. 16Amma nizen iya aHiridus t fok anong, ayong a f ye, Aner'e nye aYohana, aya mi t tn rice wu, ne a mo ku dorok nurk! 17aHiridus be rice wu tsang a nk Itsi ye, a ra yiir aYohana nong a t ku te ni itsm. A nye anong kamok aHiridus nye kuwnng be aHirudiya, abining aronyining wu, aFilibus. 18Kamok aYohana tsang a yiir kuf be aHiridus, ye, I nye rinn, wan tana sok abining aronyining wan. 19Ayong aHirudiya a yiir be aYohana riy, a shim nong a t ku fr. Amma a kyem ba. 20Kamok aHiridus fok inyim aYohana, ne a ren ye a nye aner a t be katsak ne a se zhl. Ayong a t fek, nizen aHiridus t fok rif aYohana ne a n nudaam didng, gip be anong a shim a t ku fok. 21Ni igang'e aHirudiya s izen makong. Nizen kunye riy rikan kutes aHiridus, a nye naya kamok gbang ner ne kk kashn sozha, be ya a t nye ritek kayr kuwp aGalili. 22Nizen iya angas aHirudiya'me t n nong a t to nato, a karp aHiridus riy be tsen wu ame. Ayong agwm ame f be kanamang'e ye, Ni rip koakye ikng iya wan t shim. Mi t ka nk. 23Ne a shu ye, Ikng iya wan t rip, mi t ka nk, ko ribir kaben'i. 24Ayong a wuruk nufang nong a ta se rip anyining wu ye, Aky ne mi ta rip ? Anyining'e f be wu ye, Rice aYohana aner abatisma. 25Kanamang ame tseng nufe agwm zizirik nong a ta se f ye, Mi shim rice aYohana aner abatisma kyrna kayr kures. 26Agwm'me daam didng, amma kamok wu ta tsang a ya kushu nashn tsen'e, a shim a tu ku roon ne ba. 27Ayong a tom ya a ta nye itomong azong zizirik nong t b be rice aYohana. ner ame tseng nong ta se tn rice aYohana nitsm, 28nong t bn'e nures. A nk kanamang'e, ne kanamang'e nk ang wu. 29Nizen iya limazhiri aYohana t fok anong, yong b t be sok kubir kurm'e nong ta se nr. 30manzo aYeso ame t ku gorok nong t ku taas ikr iya ba t nye ne iya ba t bsp cicr. 31Kamok nerawe t mak whr, bs ne bun ku burung, ma manzo'me kyem s izen nong t yas ba, yong aYeso f be ba ye, B yin, a wan yin nong ta be yir nar ka ta se yu nong ta song yir azong. 32Ayong n kayr kukpara ashi nong t tseng nar kakak wu zr. 33Amma nerawe whr ya a t di ku dorok ba, tu ren ba, yong dorok be itsi nong ta se tsang ku kuus. 34Nizen aYeso t wuruk kayr kukpara ashi'me, a di nerawe whr, yong a fok kur riy ba, kamok a se kyndi itsamang dar afek. Ayong a san ku kabsp ba ikr whr. 35Izen'e se nabas kawheshirim yong limazhiri wu b nufu nong ta f be wu ye, Yir se yir katse, izen m b kar. 36Kamok anong won nerawe'me nong ta se tsr naya kayr iwp iya i ta se bubarak nong ta shan ikng ikak ife kuya. 37Amma aYeso f be ba ye, Ku nk yin ba ikng ikak nong ta ya. Ba f be wu ye, Iyu ta sok itsm ifn ikara aner aya a ta nye itomong! Yir ta sok yir itsm anong, nong ta se fr yir natoon abiredi nong tu ku nk yir ba nong ta ya a? 38Ayong aYeso t ku rip ba ye, aBiredi amang ne yin be yin ? Tseng ta se yrk yin. Nizen ba t di ayong f ye, gbang abiredi atoon be izos ifa. 39aYeso f be limazhiri wu ye, ra sak nerawe'me cei nong t sosok nagwm isk itutoon natoon agam ashirim. 40Ayong a sak nerawe'me t sosok nagwm, kak kusk inyak ne kak isk itoon. 41aYeso sok gbang abiredi atoon be zos ifa ame. Ne a sok rice naza a t tonong riy rikan be Adakunom. A tsng abiredi ame, a t nk limazhiri wu nong t saas nerawe'me. aYeso bun a t kasap ba izos ifa ame. 42Cicr ba ya ma whas, 43ne limazhiri'me tusung ribir ribir'e cip ma derse kusk be ifa. 44ner a t kuya abiredi'me kuse atek izungu itoon. 45Gbashak ne aYeso wor a sak limazhiri wu t n kayr kukpara ashi nong t tseng na aBatseda nashn wu, nong wu t ra ma kute nerawe'me ni iren. 46Nama a t ku te ba niren'e ne a ngarak natoon kawhanang nong a ta se nye aduwa. 47Kawheshirim t fa nye ne kukpara ashi se natite kudung, aYeso rusek wu zr natoon rigung'e. 48aYeso t fa di limazhiri ta sen s risam nong ta gor be kukpara ashi ba'me, kamok kuwun tu zim ba. Nabas itsm itaar natuk, yong a ti wuruk niba natoon ashi. A tseng kyndi a t ku gor ba. 49Amma izen t ku di a t sen tseng natoon ashi'me, ba sor ye itseng, yong a tang ikun, 50kamok cei ba t di, inyim t r ba. Ayong aYeso f be ba gbashak ye, Na ka tsesek yin. Sang tu fok yin inyim ba. Aner'e nye mi. 51Ne a n nukpara ashi'me mak be ba ne kuwun ame nyeseng. Iyong te ba azhing, 52kamok ba ren ikng ife agbang abiredi ame t sor ba, kamok ikng'e tu se ba whi kayr ay. 53aYeso be limazhiri wu t fa tar agbang kudung'e, tiik ba niben aGenesaret, a rusom kukpara ashi ba ame azong. 54Kum be kuwuruk ba kayr kukpara ashi ame, nerawe wor ren ye aYeso'ong. 55Ayong nerawe nes niben'e zr zr be itsi nong t bs'e be fe irk natoon ikr kameneng ba, koakye kar ba t fok ye aYeso t ku se. 56Koak ne aYeso n, ni iwp izhizhk'e be igbang'e ne ife ikim'me, a ss fe irk nerawe tan meres na nar rizhik. t nye izong ye, a ru ku won ba nong a ta ras kanu kukpiin wu, ne ya a ta ras cicr te atser.

will be added

X\