aLuka 16

1aYeso tak limazhiri wu ye, Arum akak tuse aya nerawe t ku tak ye aner aya a tin sak riy nikr wu nyn'e kpdng. 2Ayong arum'e yis aner a tin sak riy nikr'me nong a t ku rip ye, Aky kuri rif ne mi foos natoon wan ? Ni tonong itomong wan t nye. Wan t ba ni nye itomong baba ba. 3Aner a tin sak riy nikr ame t riy wu ye, T, mi t ma nye an makong ? Atekasa mi min ro ni itomong. Sang mi ba be agap tin kap ba. Mi fok isum kutsang nye izong nufe nerawe. 4Mi ren ikng iya mi tana nye nong as ke mi dun itomong'i aze, nerawe tin shan ibk ifa ninasa ba. 5Ayong a yis koangan fe atekasa wu t ku kuus kuta. Ne a rip afe imsng'e ye, Atekasa mi ta kuus kuta amang ? 6Ne aner'e f ye, A ti kuus galon name nafar kusk inyak ikara. Aner a tin sak riy nikr ame f ye, Inga kufumung na ni zibir gbashak ye i se inyak isk inaas. 7Ne a rip afe afa ye, Wan ne ? Amang ne a ta kuus ? Ayong a f ye, gbuhu alikama izungu izining. Ayong a f be wu ye, Inga kufumung na ni zibir ye i se isk inyak ikara. 8Atekasa'me kerek aner a tin sak riy nikr ame afe sang a ta be katsak ame ba, kamok a t nye ritsng. Kamok nerawe kazatse na se tsng tsng ninye ikng ba be fe a ta se kyndi ba ne a nar fe a ta se na akanang. 9Mi t ka tak yin ye i rin nye yin itomong be kurum kazatse nong tin s yin ferim, nong as ke kurum'e gang, a t ka shan yin nar kafe izen izen. 10Koangan ne a nye katsak nikng ihiir'e, a t kyem a nye katsak nigbang'e gip. Koangan ne a nye katsak nikng ihiir'e ba, a t nye katsak nigbang'e gip ba. 11Kamok anong, ke yin nye yin katsak nikng kazatse na ba, angan ne a t ka nk yin kurum kufe katsak nong tin sak yin riy ? 12Ke yin nye yin katsak nikr akak ba, angan t ka nk yin ikr ife yin ? 13Akak ta kyem a nye atek kasa afa itomong ba. A ta shim akak ne a rawu akak, ka ne a tiyiik akak ne a zhsh akak. Wan ta kyem i nye Adakunom ne Itsm itomong nizen izining ba. 14ner aFarisi ta shim itsm didng t fa fok anong, ne ni kk acoop na aYeso. 15aYeso f be ba ye, Yin ne i shim yin nerawe ta ka di yin ye yin nye yin ner katsak, amma Adakunom ren ay yin. Ikr nerawe ta di yiik i se fr nufe Adakunom. 16A taas nerawe Itsi aMusa ne rif ner kuzarap Adakunom agbugbang'e ma nizen aYohana aner abatisma. Amma kum a ta taas Rif Ritek natoon rigwm Adakunom, koangan gaas kar nong a ta n kayr'e. 17I ta se wr wr kaza be kaben tana gang, amma ko kaban ikng ikak ihiir'e kayr afumung Itsi na t wei ba. 18Koangan ne a kam be abining wu nong a ta sok akak, i nye ye a nye rikuna be abining'e. Aner aya ne a sok abining aya a t kam be amitek wu, i nye ye a nye rikuna. 19Arum akak tuse afe a t tes ares atek afe itsm, ne a fok kusas kusor yr yr kamok kurum wu t be. 20Aner akak tuse a t ku yis ye aLazarus a t sor nanu kasa arum'e ne a nye izong. A be ifor nurm wu cei. 21A shim ke a ya naya arum'e naya na ta kpas kaben. A se ma gabu bs nong ta rs ifor wu. 22Katuk kakak aLazarus'e ku, yong maleka t sok nong t tseng be wu nufe Ibrahim nar kayiik'e. Arum ame ma ku gip, yong a t nr. 23Arum'e tseng nar kaya ya a t kus t ku tsees, a se n kayr amaan risam azong. A t fa sok rice naza, ne a di Ibrahim mak be aLazarus gugk be wu. 24Ayong a t kut a t yis ye, Ada Ibrahim, r riy mi. Tom aLazarus nong a tin te kabanbk wu kayr ashi nong a t b a tin shu mo kut, kamok mi se na amaan risam kayr kurng. 25Amma Ibrahim f be wu ye, Igon'i, yiring nizen wan t se nazatse, wan s ikr itek, aLazarus s risam. Kyrna a sen fok kusas kusor aze, ne wan ma sen s amaan risam. 26Nama anong, agbang ribong kuse natite yir be wan, fan fe a ta shim ta tar aze nong ta b nufe yin bu kyem tar, fan akak bu ne azong nufe yin nong a ta tar nufe yir aze. 27Ayong arum ame f ye, T, kusuk mi ta nye izong ada, tom aLazarus nong a t tseng nasa ada mi, 28kamok mi be roneng atoon. A ra ka krk ba kuto fan ba gip bu b nar amaan risam na. 29Iyong Ibrahim f be wu ye, Ba be fumung Itsi aMusa be fe ner kuzarap Adakunom. ra foos ikng iya ba t f. 30Ayong arum ame bun a f ye, Wayo, ada Ibrahim, ke akak kayr fe a ta n kus tseng nufuba, t shishing kuse ba. 31Ne Ibrahim f be wu ye, Ke kuus Itsi aMusa ne fok rif ner kuzarap Adakunom ba, ko a fa f ye akak fa dorok kayr fe a ta n kus gip, tin nk katsak ba.

will be added

X\