aGalati 2

1Nama ay kusk be anaas mi t bun na aUshalima gbak, nizen iyong mi tseng be aBarnabas, mi bun i sok aTitus nong t tseng yir mak. 2Mi tseng kamok Adakunom ti tonong ye i ra tseng. Mi su ku taas ba Rif Ritek mi t taas ner afe sang a t nye aner aYahuda ba. Amma na kyn mi taas fe a t nye kk kashn'e, kamok mi fok inyim ye kashim itomong iya mi ta sen nye'me be ife mi tan nye ta wei kpdng. 3aTitus gip a ta se mak be mi nye aner aHeleni'me gyrtatan, a ra ku sak a t nye izhak ba. 4Itak na dorok kamok fikuus abs kak ti n ni yir nong as tin farang yir nong ta di kanyk kusor yir ne kusor kutek yir ta s yir kayr aYeso Kiristi, nong a ti sak yir ta te yir sam. 5Amma yir wor i tu ku shim yir ba'me ko cik ba, nong as katsak Rif Ritek aKiristi'me ta se mak be yin. 6Amma ya a t nye kk kashn'e ti barang ikng ikak natoon Rif Ritek mi t ka taas ba ba, mi f anong kamok mi daam be kuyiik akak ba, Adakunom daam ye ka wan nye angan'e ba. 7Ba gip ba di, Adakunom tin nk itomong kunye awazi nufe ya sang t nye ner aYahuda ba, kyndi a t nk aBitrus itomong kunye awazi nufe ner aYahuda. 8Adakunom aya a tin te kubk ni itomong aBitrus ta nye kamok a ta nye amanzo nufe ner aYahuda, wu ne a ti te kubk ni itomong'i nufe ner aya a ta nye ner aYahuda ba. 9aYakub be aBitrus ne aYohana ya a ta sor itsik'e ti shan be aBarnabas ibk ifa nizen iya ba t di ritek Adakunom tin nk yir. shim ye yir ri tseng yir nufe ner aya a ta nye ner aYahuda ba, nong ba ta tseng nufe ner aYahuda. 10Ikng iya ba t f se ye, yir ra yiring yir be fe rizor, iyong ne i nye ikng iya mi ta shim ke mi nye'ong gip. 11Nizen iya aBitrus ta b na Antakiya mi t ku zhr anyisi be anyisi, kamok amaan kunye wu'me se ts. 12Kamok aBitrus'e n m ne a yas be ner aya sang t nye ner aYahuda ba, kum ne ner aya a ta se be aYakub t tsang b ba. Amma ner ta se be aYakub'me t fa b ne aBitrus na ka krk nong a t kam rice wu be ner aya a ta nye ner aYahuda ba, kamok wu fok inyim ner aYahuda ya a ta shim ye, koangan ra nye izhak. 13Anong ne ribir ner aYahuda ya a t nye fikuus kuus kama wu natoon kunr kuse wu, kamok kuse'ong sak aBarnabas taam gip. 14Nizen iya mi t di kunye ba tas ikng iya Rif Ritek aKiristi'me tin tonong yir ba, yong mi f be aBitrus nanyisi ba ye, Wan nye afu aYahuda, amma wan sor kusor wan kyndi ner fe a ta nye aner aYahuda ba. T, aky sak wan ta sak ner fe sang ta nye aYahuda ba, ye ma a ra kuus ign aner aYahuda dim ? 15Yir ya afe i ta nye yir kutes ner aYahuda, sang Aduk ner fe rinn ba. 16Yir ren yir ye sang nerawe te aner azhl'e nashn Adakunom ke a kuus Itsi aMusa ba, amma kamok ku nink katsak wu na aYeso Kiristi. Yir gip yir min nk yir katsak na aYeso Kiristi'me nong ta te yir zhl'e nashn Adakunom. Yir te yir zhl kamok ku ni nk katsak yir na Kiristi, sang kamok ku kuus Itsi ba. Kamok kukuus Itsi ne ku ta sak aner akak ta te azhl'e nashn Adakunom ba. 17Ke i nye ye yir shim ta te yir azhl'e nashn Adakunom nizen iya yir ta te yir azining be aKiristi, (sang kamok kukuus Itsi ner aYahuda ba) amma bun ti yrk yir kyndi fe rinn iyong tonong ye aKiristi ti tk yir nong ta nye yir rinn a? I se anong ba. Ko cik! 18Ke mi bun i san kukuus ikng iya mi ta tsang i won, iyong tonong ye mi taam ni imsng'e. 19Kamok ni itsi aMusa mi te kyndi kukom'e nabik nong Itsi'me tin be ikng ikak natoon'i ba, nong mi ta sor kamok Adakunom. 20A min tigak mak be aKiristi, sang mi ba sor kusor rice mi ba, amma aKiristi ne a sor kayr'i. Kusor mi ta sor kayr kurm, mi sor kamok mi min nk katsak ni Igon Adakunom, afe a tin shim ma a nk rice wu kamok'i. 21Mi ramin ritek Adakunom ba, kamok ke a nye ye nerawe ta te zhl kamok ku kuus Itsi, i nye ye riku aKiristi be itomong ba.

will be added

X\