1 T, nama aFestus ta b nar kaya wu tana kunye rigwm be kuks kutaar, yong a dorok na aKaisariya a t be na aUshalima. 2 Iyong gbang tsi be kk kashn ner aYahuda tseng be kukun aBulus nufu. 3 nye aFestus akusuk ye a ra r riy ba nong a tu ku bun be aBulus na aUshalima kamok ba n nrng niren nong ta fr aBulus'e. 4 aFestus f be ba ye, A n tnng aBulus na aKaisariya. Mi be azong be rice mi kayr inom na gip. 5 Won kk kashn yin kak tin kuus ta tseng yir mak nong t se te yir kukun wu azong ke an nye ikng ikak imaan'e. 6 Nama a ta te kyndi inom ikara ka kusk be ba, ne a wesek na aKaisariya. Kaya katson'e a sonong ni itsik amok a ta sak a t ku bn aBulus. 7 Nizen iya aBulus t b ner aYahuda aya a t ne na aUshalima b t ku gorok. f iriri ikr imaan'e natoon aBulus iya ba ta kyem a tonong ye aBulus nye ikr iyong katsak'e ba. 8 Amma aBulus tor rice wu, a t f ye, Mi bur Itsi ner aYahuda nabas akak ba, ka i nye ikng ikak imaan'e natoon agbang kutu kuya Adakunom iben ka i nye aKaisar rinn ba. 9 Amma aFelis wu t shim a ta karp ner aYahuda riy a f be aBulus ye, Wan ta shim a ta tseng be wan na aUshalima nong a ta se f rif na nashn'i a? 10 Iyong aBulus f ye, Mi se nashn kar kut amok aKaisar, i se gyr a tin t amok aze. Sang mi n nye ner aYahuda rinn ba, kyndi wan be rice wan ta ren. 11 Ke mi n nye rinn rikak riya ri ta kyem a tanin fr, sang mi gaar riku ba. Amma ke ikr ner aYahuda tin te kukun'i nye abs, akak kyem a tin sok a tu ku nk ba ba. Mi nye kukun nufe aKaisar. 12 Nama aFestus t nye ibrng be kk kashn wu kak, ne a f ye, Wan ta f ye a ra tseng be wan nufe aKaisar, t, tseng nufe aKaisar'e. 13 t fa te inom cik ne Agwm Agaribus ne aBanis tseng na aKaisariya t se nye aFestus adazha be kub. 14 Kum i ta se ye ba t te inom gaan azong, yong aFestus t ku tak ba itak natoon aBulus. A f be ba ye, Aner akak kuse aze aFelis tu ku won nitsm. 15 Nizen iya mi t tseng na aUshalima, gbang tsi be kk kashn ner aYahuda te kukun wu nunaan ne f ye a ru ku fr. 16 Iyong mi t ku tak ba ye i nye ign yir ner aRom nong ta tn yir anerawe amok ana tsek, dar ku kunk yir izen nong a ta f kut kufu ba'. 17 Nizen iya ner aYahuda'me t b nunaan, mi beseng izen ba. Mi n nar kut amok'e naya katson'e, i t f ye ra bn be wu. 18 Nizen iya ner ta te kukun wu'me t dorok t f kanu, sang f ye an nye ikng ikak imaan'e iya mi t sor ye mi t fok nufuba ba. 19 ban f ikr ikak natoon iren ba ta kuus be itak aner akak a tan ku a t ku yis ye aYeso aya aBulus t f ye a nye atser. 20 Mi ren ka an ne mi ta t rif kuri riyu ba. Kamok anong, mi t ku rip ye ka wu ta shim a ta tseng na aUshalima nong a ta su ku t amok'e azong ? 21 Amma nizen aBulus'e ta nye izong ye a ra tseng be wu nashn aKaisar yong mi f ye a ru ku won nuwhn ma nizen iya mi tana kyem i tseng be wu nufe aKaisar'e. 22 Iyong Agaribus f be aFestus'e ye, Mi shim ta fok rif aner na be rice mi. Iyong aFestus f be wu ye, Wan tu ku fok natson. 23 Kaya katson'e Agaribus be aBanis ne ritek kak be kusonong kuwp'e b t n na agbang kutu nerawe tu ku nyiis. Nizen iya t n nerawe t ku tiyiik ba didng. Iyong aFestus sak a ta bn aBulus. 24 aFestus f ye, Adagwm Agaribus be ribir nerawe aya ta se aze mak be yir, yin di yin aner na wa? ner aYahuda nye kukun wu nunaan na aUshalima be aze na aKaisariya. A korok ikun ne f ye, aner na tas aner ya a tana ku won be kutser ba. 25 Amma mi ra di a nye ikng i ta taas a tana ku fr ba, mi min sak ye a ta tseng be wu na aRom kamok wu ta te kukun nufe aKaisar. 26 Mi ra be ikng ikak dim iya mi tana zibir adagwm'me natoon wu ba. Kamok anong ne mi n b be wu nashn yin cicr abanang wan Adagwm Agaribus ba, nong as mi ta s ikng iya mi tana zibir natoon wu nama i tan yrk yir rif'me. 27 Mi di ye i se gyr mi tana tom aner aya a tan whn dar kutonong rinn aner'e ba.
