Itomong manzo 20

1Nizen iya kuren'e t gang, ne aBulus yis fikuus. Nama a t ku tsesek ba ne a ku nye ba atat a t dorok a tseng na aMakidoniya. 2A tsang a gorok koak kayr kaben'e ne a tsesek nerawe didng. Ni igang'e a n niben aGiris, 3a t te ifn itaar azong. Nizen iya a tsr a t n nukpara ashi nong a ta tseng na aSuriya ne a fok ye ner aYahuda tsr a t ku fr. Iyong a kpa aMakidoniya a t ku bun. 4aSopata a t nye arm aPirus aya a t nye ner aBiriya su ku tsaa mak be Aristakus ne aSekundus t nye ner aTasalonika, be aGayus a ta nye aner aDarbe ne aTimoti gip, be aTikikus ne aTurofimus a t nye aner Asiya. 5Ba tseng nashn ta se ni tor yir na aToruwas. 6Amma yir n yir nukpara ashi i t dorok yir na aFilipi nama a t nye Riy Rikan Kuya aBiredi dar ayisti. Nama inom itoon yir se s yir ribir'e na aToruwas nong i t te yir Asate azining azong. 7Katuk imsng na asate, yir nyim yir nar kazining nong i t ya yir abiredi. aBulus taas nerawe Rif Ritek didng, kamok a t ren wu t dorok nayatson'e, yong a ya kashn be rif ma natite katuk. 8Irng tuse whr nutu katoon'e kuya yir tin nyim yir kayr'e. 9Acam akak riyerek wu t nye aYutikus se nusonong na awindo. Izen iya ife aBulus ta yiir kuf kanu iyong ida yiir aYutikus ame ma a n natoon kutu kufe ataar a t kpa kaben. A t ku sok an te kukom'me. 10Amma aBulus tiik kaben a ta se tiguum nukom acam'me a t ku kunung ne a f ye, Sang tu daam yin ba, a ru nye atser. 11Iyong aBulus t bun nutu katoon'e ame a ta se tsng abiredi a ta ya. A f kanu ma kadiding karak, yong a dorok a t tseng. 12nerawe sok acam ame ta tseng be wu kari be kutser, ay ba karp acik'e ba. 13Yir se n yir nukpara ashi i ta tseng yir kashn i be yir na Asos nong tase sok yir aBulus azong. aBulus f be yir ye yir ra sen tseng yir kamok wu ta tseng azong be atak. LB00217b.tif Horace Knowles; The British & Foreign Bible Society Kukpara ashi kayr ashi be ikng kuruk 14Nizen iya aBulus'e ti s yir na Asos, yong yir t ku sok yir nukpara'me i t tseng yir na aMitilin. 15Kaya katson'e, yir n yir nukpara ashi i ta dorok yir azong nong i t tseng yir na aKiyos. Nunom kufe afa'me ne i tar yir i ta n yir na aSamos, ne i bun i wesek yir na aMilitus 16aBulus tsang a nye kanyk a t wesek na Afisa nukpara ashi'me fan a bu beseng izen na Asiya, kamok wu a se agbashak nong a ta n na aUshalima, ke Adakunom shim ne a se n katuk aPentakos. 17Izen iya aBulus ta se na aMilitus, a tom ye a ru ku yis kk kashn fikuus Afisa. 18ta fa b ba ne a f be ba ye, Yin ren yin kuri kusor kuya mi ta sor nizen iya mi ta se be yin kum katuk kaya mi t n niben Afisa. 19Mi nye Agwm gwm itomong kayr kumees rice didng be nanyisi rice gip be risam mi ta s nubk ner aYahuda. 20Yin ren yin ye mi ti yrk be ku ka taas yin ikng iya i tana ka s yin mo ba. Mi ta bsp yin'e kanang ne i ns ninasa nerawe. 21Mi n taas ner aYahuda be ner aHeleni ye ra shishing kuse ba tu ku bun nufe Adakunom dim ne ni nk katsak na Agwm gwm yir aYeso. 22Kyrna, Kabik min sak ye i ra tseng na aUshalima. Mi ren ka aky ne i tin s azong ba. 23Igak ikng iya mi ta ren nye, Kabik Kazhl'e min t ye kayr koakye agbang kuwp kuya mi t ku sor, mi ta s risam didng ne a ni rosom itsm. 24Amma gip be anong, mi sok ye kutser'i nye ikng ikak ba. Kum ke mi kyem i gang ikng iya mi tan sak nashn ne i gang itomong iya Agwm gwm yir aYeso ta min nk (itomong kutaas nerawe ritek Adakunom) iwr'e yong. 25Kyrna mi ren ye sang akak kayr yin ya mi tan tsang i gorok ne i ka taas yin itak rigwm Adakunom t ba ni di baba ba. 26Kamok anong, mi shim ta ka tak yin katuur, rinn akak kuse natoon rice mi ba. 27Kamok sang mi ti yrk be ku ka taas yin koakye ikng iya Adakunom ta shim ke a nye ba. 28Ni sak yin riy rice yin, ne kukpara kuya Kabik Kazhl'e ta ka sak yin'e nong ta sor yin kk kashn. Ya yin kashn be kufek fikuus Adakunom ya wu t shan be nask Igon wu. 29Mi ren ye nama mi tana tseng, amaan gabu t b n kayr yin nong tin kpa nukpara'me. 30Kayr yin gip, kak t dorok nong ta buruk katsak'e nong as fikuus akak t ka kuus ba. 31Kamok anong, sak yin riy. Yiring yin, mi n te ay ataar ne i ka nyesek yin itabak katuk be kunom be nanyisi rice. 32Kyrna, mi ta won yin nubk Adakunom. Ritek wu se mak be yin. Wu ta sak yin tin barang yin kukpa agap ne a ka nk kutse kayr ner aya wu ta sak an te zhl. 33Mi kun min te riy nitsm ka ares akak ba. 34Yin be rice yin gip, yin ren yin ye mi n nye itomong be ibk'i na i tin ss ikng iya mi tin sor mak be ner aya ta se be mi. 35Kayr koakye ikng mi t nye, mi ta ka tonong yin ye be kunye itomong ana dar karuur ne i s yir ner aya a ta agap dim. Yiring yin be rif Agwm gwm yir aYeso a t f ye, Aner kunk ikng be riy rikan ne a nar aya a tu ku nk. 36aBulus t fa f anong ne a tigbok akuur mak be ba cicr a t nye aduwa. 37tos cicr ba ne a naka kur, ne a ku nye atat. 38A nye riy riwe didng be kuri rif a t f ye sang ta ba ku di nigaan'e ba. Ayong se te aBulus niren a ta se n nukpaar ashi a t tseng.

will be added

X\