1 aYohana 1

1Yir sen ka zibir yin rif na natoon aYeso Kiristi aya a ta nye Rif Kutser. A tuse kum nizen iya a t nye kazatse. Yir fok yir rif wu ne yir ku di yir, yir t ku yrk yir be anyisi yir ne yir ku ras yir be ibk yir. 2Wu ne a nye aya a ta nyesek kutser, a b nufe nerawe, yir t ku di yir. Kamok anong yir sen ka taas yin rif na natoon wu aya a ta nyesek kutser kufe izen izen. A se mak be Adakunom a ta nye Ada'me, amma Adakunom sak yir t ku di yir. 3Yir sen ka taas yin rif natoon aya yir t di yir ne yir ku fok yir, nong as yir t te yir kyndi aner azining ne kusor yir se kuzining be Adakunom a ta nye Ada'me ne Igon wu aYeso Kiristi. 4Yir t zibir yin kufumung na nong as riy rikan yir t shining mumak didng. 5Rif yir t fok yir nufu ne yir sen ka taas yin ye; Adakunom nye akanang, awhi kuse kayr wu, ko cik ba. 6Kamok anong, ke yir f yir ye yir n gung yir rice be wu amma ne yir ra bun i sor yir kyndi fe awhi, i nye ye yir be yir abs, i be yir katsak ba. 7Amma ke yir tseng yir na akanang kyndi Adakunom ta nye akanang, ne i gung yir rice be koangan afikuus, ne nask Igon wu aYeso ni kusu yir rinn yir nong t te yir zhl. 8Ke yir f yir ye yir be yir rinn ba, i nye ye yir wk yir rice yir, katsak kuse kayr yir ba. 9Amma ke yir taas yir Adakunom rinn yir, a tin rng yir'e kamok wu be katsak ne a be kuse kutek, ne a ni kusu yir kayr koakye ikng imaan'e. 10Ke yir f yir ye yir n nye yir rinn ba, i nye ye yir sok yir ye Adakunom be abs ne rif wu kuse kayr ay yir ba.

will be added

X\