1 aKoranti 2

1roneng, nizen iya mi t b nufe yin i t ka taas yin katsak Adakunom kaya ka ta se nunrng, sang mi b be kuren kanu ka be kutonong kukyem ba. 2Katsak'e, mi shim be riy mi nong i t wobok koakye ikng mi t ren nizen mi ta se mak be yin, ma ke itak natoon aYeso Kiristi be ku kutigak tsek. 3Nizen iya mi ta se mak be yin, mi be agap riy ba ne i be inyim ne ikap kutiim didng. 4Iren iya mi ta ka taas yin ne ikr iya mi ta ka taas yin se be ritseng ka be rif rm rm ba, i se natoon kukyem Kabik Adakunom t tonong, 5fan kunk katsak yin bu se natoon kukyem kuri rife anerawe ba. Amma kayr kukyem Adakunom. 6Gip be anong, yir f yir rif riya ri ta nye rife kukyem kuri rife ner tan kyem nerawe nabik sang kuri rife gwm kazatse ka kuri kufe ner izam na ya a tana wei ba. 7Wayo, yir f yir itak kukyem Adakunom kuya ku ta se nunrng, kuya anerawe ta ren ba, kuya Adakunom t tsang a sak kum ni imsng'e nong as yir tin s yir kuyiik. 8Akak kayr gwm izam iyu kyem a ren kukyem'me ba, ke fa f ye ba ren ke ba tigak Agwm gwm yir a ta se yiik ba. 9Kyndi i ta se ni izibir ye, Akak kun di ba, akak kun fok ba, akak kun t riy wu ikng iya Adakunom ta nye kanyk'e kamok fe a tu ku shim ba. 10Amma Adakunom be Kabik wu ne a ti tonong yir ikr na. Kabik'e ne ka yrk koakye, be ikr ife Adakunom i ta se tsik gip. 11Angan ta kyem a ren kutrng ku ta se kayr riy akak sang ke kabik aner'e ba ? Anong gip, akak ta kyem a ren kutrng ku ta se kayr riy Adakunom ba, ma ke Kabik Adakunom'me tsek. 12Yir n shan yir Kabik kaya ka t n nufe Adakunom, sang kafe kazatse na ba, nong as ta ren yir ikr Adakunom tin nk yir na awarak. 13Yir ta taas yin ikr na sang be irem ife a tin bsp yir'e be kukyem rinerawe ba, amma yir f yir ikng ife Kabik tin bsp yir'e, ne i f yir natoon ikr iya i ta nye ife kabik ife katsak be ya a ta nye fe kabik. 14Aner aya a be Kabik Adakunom ba, a ta shim ikr i ta nye ife Kabik ba kamok ikr Kabik'e sor rifunam nufu. A ta kyem a ren ikng Kabik'e tin f ba, kamok aner aya a ta be kabik tsek ne a ta kyem a ren. 15Aner aya a ta nye afe kabik t natoon koakye, akak ra ren riy wu ba. 16Rif Adakunom f ye, Angan ren kutrng Adakunom, a tana ku nk itabak ? Amma yir be yir kutrng kyndi kufe aKiristi.

will be added

X\