1 aKoranti 10

1roneng, mi shim yin tu ren yin ye nizen iya tukop yir t se be kutseng kayr katse, t tar agbang ishng, kunn t fek ba. 2I se kyndi a t nye ba abatisma kayr kunn'e ne kayr agbang ishng'e cicr nong a t te afe ku kuus aMusa. 3Cicr ba ya naya kabik kuri kuzining, 4ne s ashi kabik kuri kuzining. s ashi a t wuruk nuta kufe kabik'e kuya ku ta tseng mak be ba, kuta'ong nye aKiristi. 5Gip be anong, Adakunom fok kusas ikng iya kak ba t nye ba, iyong ne i sak kukap ba t kus kayr katse'me. 6Ikr na t s ba fan yir bu ni te yir ay yir nikr imaan'e kyndi ba t nye. 7Sang tu kuus yin itsi kyndi kak ba t nye ba, kyndi i ta se ni izibir ye, nerawe sosok a ta ya ne a s ne a dorok a ta to nato furin. 8Sang tu nye yir rikuna kyndi kak ba t nye ba, nizen iyong ner izungu isk ifa be ataar kayr ba kus kayr kunom kuzining. 9Sang tu bmng yir Agwm gwm kyndi kak ba t nye ma when t ka fs ba ba. 10Sang tu f yir anyinym kyndi kak ba t nye ma amaleka riku t ka fs ba ba. 11Ikr na t s ba nong i tin tonong yir ikng ikak. A zibir kayr kufumung rif Adakunom nong a tin krk yir kuto, a f ikr na natoon yir i ta se yir nizen igang kazatse. 12Kamok anong, ke wan di ye wan n nyeseng be agap, t, nye tatan fan i bu kpa. 13Kubmng kukak kuse ku ta ka s yin ku tan won dar kun s akak ba. Adakunom shishing ikng wu ta f ba, a t ka won yin t n yin nubmng kuya ku ta nar agap yin ba. Ke yin n yin nubmng'e a t ka nye yin iren ife yin tana kyem i tsesek yin kayr'e. 14Kamok anong roneng aya mi ta shim, sor yin gugk be ikr itsi. 15Mi f be yin kamok yin be yin kutrng kutek. Yrk yin ta di yin ikng mi tin f natoon'e. 16Ke yir sen s yir na akp Azhibi, aya yir tin be yir riy rikan be Adakunom, i nye ye yir te yir zining kayr nask aKiristi aa? Ke yir ya yir abiredi azhibi Agwm gwm'me, i nye ye yir te yir azining kayr kurm aKiristi aa? 17Agbang abiredi'me ta se azining, yir i ta se yir whr, i ta ya yir abiredi azining'e, n te yir azining nurm. 18Yrk yin ner Isarela ta di yin, fe a t ya naya asidaka Adakunom gung rice ba be asidaka'me a ta nye na abagadi aa? 19Sang mi f ye asidaka itsi nye ikng itek ba, ka itsi nye ikng ikak ba. 20Wayo, asidaka furin ta nye, a nye kamok maan nabik sang kamok Adakunom ba. Mi shim yin ta gung yin rice be amaan nabik ba. 21Yin ta kyem i s yin na akp Agwm gwm ne i bun i s yin na akp amaan nabik ba. Yin ta kyem i ya yin nakereng Agwm gwm ne i bun i ya yin nakereng amaan nabik ba. 22Ka yir shim ta ra yir Adakunom riy nong a ta tonong rishishim wu a? Ka yir di yir ye yir tu nar yir agap ? 23Mi ta kyem i nye koakye mi ta shim, sang koakye ne i se gyr ba. Mi ta kyem i nye koakye mi ta shim, sang koakye ne i ta ra bn kuya kashn ba. 24Sang akak tu t rice wu tsek ba, koangan ra t afudang gip. 25Ya yin koakye kuri rinam i ta shan yin nar a ta rs dar kurip fan riy yin bu se gak. 26Kamok rif Adakunom f ye, Kazatse na be ikr i ta se kayr'e cicr nye ife Adakunom. 27Ke afurin akak f be wan ye i ra se yas yin mak, ke riy wan shim ne i tseng nong ta ya koakye kuri naya a tana ka nk dar kurip fan riy wan bu se gak. 28Amma ke akak f be wan ye, Naya na nye nafe itsi. T, tu ya ba, fan aner a t ka tak'e bu daam ne riy se gak gip. 29Mi ti f natoon kutrng kufuan ba, amma kufu. Akak ta kyem a f ye, T, aky tin roon kunye ikng iya riy mi ta shim kamok riy akak ta se gak ? 30Ke mi tonong Adakunom riy rikan natoon naya mi ta s, kamok aky akak ta f ye aw natoon naya mi t min tonong Adakunom riy rikan'e ? 31Kamok anong koakye ne yin ta sen nye yin'e, kayr kuya ka kus yin ayi, nye yin koakye kamok ku tiyiik Adakunom. 32Sang tu sak yin akak ta turuk kutak ba, aner'e tu nye aner aYahuda ka aner aYahuda ba, ka afikuus Adakunom ayi. 33Kyndi mi ta nye nong ta karp koangan riy kayr koakye iren. Mi t rice mi tsek ba, mi t kak gip nong ba ta s kashesh.

will be added

X\