VAKATAKILA 7

1Ni sa oti na veika oqo au sa qai raica e va na agilosi e ratou tu e na tutu i vuravura e va, e ratou sa tarova tu na cagi kei vuravura e va, me kakua ni liwava na vuravura, se wasawasa, se liwava e dua na vunikau. 2Au sa qai raica e dua tale na agilosi ni sa lako sobu mai na i cabecabe ni matanisiga, sa taura tu na i tuki ni drega i vakatakilakila ni Kalou bula. Sa qai kaci vakadomoilevu ko koya ka kaya vei iratou na agilosi e va, ko iratou e a sa soli tu vei iratou na kaukauwa me ratou vakacacana kina na vuravura kei na wasawasa, 3ka kaya, “Dou kakua mada ni vakacacana na vuravura se na wasawasa se na veivunikau me yacova ni keitou sa vakatakilakilataka na yadredra na bobula ni noda Kalou.” 4Sa qai tukuna vei au ni kedra i wiliwili era sa vakatakilakilataki era sa le l 44,000 mai na nodra veiyavusa kece ga na Isireli. 5Vei ira na yavusa i Juta era sa vakatakilakilataki e 12,000 . Vei ira na yavusa i Rupeni e 12,000 . Vei ira na yavusa i Kata e 12,000 . 6Vei ira na yavusa i Aseri e 12,000 . Vei ira na yavusa i Nafitalai e 12,000 . Vei ira na yavusa i Manasa e 12,000 . 7Vei ira na yavusa i Simione e 12,000 . Vei ira na yavusa i Livai e 12,000 . Vei ira na yavusa i Isikari e 12,000 . 8Vei ira na yavusa i Sevuloni e 12,000 . Vei ira na yavusa i Josefa e 12,000 . Vei ira na yavusa i Penijamini e 12,000 . 9Ia ni sa oti oqo au sa qai rai yani ka raica, e dua na i vavakoso levu, sa sega ni dua na tamata e wilika rawa na kedrai wiliwili! Era sa lako mai na veimatanitu, na veiyavusa, na veimataqali tamata kei na veimataqali vosa kece ga. Era sa wavutu e na mata ni dabedabe vakatui kei na mata ni Lami, ka ra sa vakaisulu e na i sulu vulavula, ka ra tauri taba ni nuinui tu e na ligadra. 10A ra sa kacivaka tiko e na domo levu “Na noda vakabulai sa mai vua na noda Kalou, o koya sa tiko e na i dabedabe vakatui; mai vua tale ga na Lami.” 11Era sa tu wavokita na i tikotiko vakatui ko ira kece na agilosi kei ira na qase kei iratou na ka bula e va ka ra sa cuva vakatoboicu e na mata ni tikotiko vakaturaga ka vakarokorokotaka na Kalou, 12ka ra kaya, “Emeni! Me nona mada ga na noda Kalou na vakamolimoli, kei na lagilagi, kei na vuku, kei na vakavinavinaka, kei na vakarokoroko, kei na kaukauwa kei na qaqa ka tawa mudu! Emeni!” 13Sa qai vosa mai vei au e dua vei ira na qase, ka kaya, “O eei beka ko ira ka ra vakaisulu vulavula tu oqo, ka ra sa lako beka mai vei?” 14Au sa qai kaya vua, “Ko ni sa kila saka ga ko i kemuni.” Sa qai kaya vei au, “Sa i rra oqo era sa bula mai na veivakararawataki levu; era sa savata na nodra i sulu ka vakavulavulataka e na dra ni Lami. 15Oqo na vuna era sa tu kina e na mata ni tikofiko vakaturaga ni Kalou ka qaravi koya e na siga kei na bogi e na loma ni vale tabu. Ia ko koya sa trko e na i tikotiko vakaturaga e na taqomaki rra e na nona trko e na kedra maliwa. 16Era na sega ni via kana se via gunu tale. E na sega tale ga ni kati rra na siga se dua tani tale na mataqali katakata. 17Ni na kedra i vakatawa na Lami sa tiko e na loma ni trkotrko vakaturaga, ka na liutaki Ira ko koya ki na vurevure ni wai ni bula; ka na tavoya laivi kece ga na Kalou na wai ni mata mai na matadra”

will be added

X\