VAKATAKILA 6

1Au sa qai raica tale ni sa cecega na Lami e dua vei ira e vitu, ka'u rogoca e dua vei iratou na ka bula e va, ni kaya, e na domo e vaka na kurukuru, “Lako mai!” 2Au sa qai rai yani ka raica e dua na ose vulavula. Ko koya ka vodoka tiko sa taura tiko e dua na dakai titi; ka sa qai soli vua e dua na i sala vakatui, ka sa lako yani ko koya me ravuravu ka qaqa tiko. 3Ia ni sa cecega na i karua ni drega na Lami, au sa rogoca na i karua ni ka bula ni kaya, “Lako mai!” 4Sa qai lako mai e dua tale na ose; e ka damu. A sa soli vei koya ka vodoka tiko me kauta tani e vuravura na sautu; me ra veiraravui tiko ga kina na tamata. Sa qai soli vua e dua na i seleiwau levu. 5Ia ni sa cecega na i katolu ni drega na Lami, au sa rogoca na i katolu ni ka bula ni kaya, “Lako mai!” Ka'u sa qai rai, ka raica e dua na ose loaloa ka sa taura tiko e dua na i vakarau ni bibi ko koya ka vodoka tiko. 6Au sa qai rogoca e dua na ka e vaka na rorogo ni domo e na kedratou maliwa na lewe va na ka bula ni kaya tiko, “Me i sau ni dua ni lita na witi na i sau ni dua na siga, ka tolu na lita na pali na i sau ni dua na siga. la me kakua ni vakacacani na waiwai kei na waini!” 7Ia ni sa cecega na Lami na i ka va ni drega, au sa rogoca na domo ni ka va ni ka bula ni kaya, “Lako mai!” 8Ka'u sa qai rai yani ka raica, e dua na ose vulaci. Na yaca i koya sa vodoka tiko ko Mate ka sa muri koya tiko ko Etesi. Sa soli vei rau me rau rawa na dua na i ka va kei vuravura, me rau veivakamatei e na i seleiwau, e na via kana, e na mate ca, kei na manumanu kila kei vuravura. 9Ia ni sa cecega na Lami na i ka lima ni drega, au sa raica e na ruku ni cabocabo ni soro na yalodra era a vakamatei e na vuku ni vosa ni Kalou kei na nodra yalodina e na nodra vakadinadina. 10Era sa kaci e na domo levu ka kaya, “O i kemuni na Turaga kaukauwa sara, savasava ka dina, a cava soti na dede ni gauna ka mo ni na qai veilewaitaka ka sauma kina na neimami dra vei ira era sa tiko mai vuravura” 11Sa qai soli vei ira yadudua e dua na i sulu balavu, vulavula ka tukuni vei ira me ra vakacegu vakalailai tale mada, me yacova ni sa qai rauta na kedra i wiliwili taucoko na nodra i tokam kei ira na wekadra, ko ira me ra na vakamatei me vakataki ira. 12Ia ni sa cecega na Lami na i ka ono ni drega, au sa rai yani ka raiea, sa yaco e dua na uneune kaukauwa sara; ka sa yaco me butobuto loaloa sara me vaka na i sulu loaloa na matanisiga, ka sa damudamu sara na vula me vaka na roka ni dra. 13Era sa qai qeqera ki vuravura na kalokalo ni lomalagi me vaka na lolo sa qeqera na vuana ni sa sega ni dreu, ni sa kurea na cagi kaukauwa. 14Sa takali na lomalagi, me vaka e dua na i vola vivigi tu, ka ra sa kau tani mai na kedra i tutu na ulunivanua kei na yanuyanu kece ga. 15Era sa qai vunitaki ira e na veiqara vatu kei na veiuluvatu e na veiulunivanu ko ira na tui kei vuravura, kei ira na turaga lelevu, kei ira na i liuliu vakaivalu, kei ira na vutuniyau kei ira na kaukauwa, kei ira kece ga sa bobula kei ira era galala. 16Era sa kaya ki na veiulunivanua kei na veiuluvatu, “Lutuki keimami mai ka vunitaki keimami mai na matai koya sa dabe tiko e na i dabedabe vakatui, kei na cudru tale ga ni Lami. 17Ni sa qai yaco mai na siga dina ni nona cudru; ia ko cei e na yatedei me tu dei rawa kina?”

will be added

X\