VAKATAKILA 17

1Sa qai lako mai vei au e dua vei iratou na agilosi e le vitu ka tiko vei iratou na sedre e vitu ka kaya vei au, “Lako mai me'u na vakatakila vei iko na cudruvi ni yalewa dautagane ka vakaitikotiko e na bati ni wai levu. 2O koya ka sa dau cala kei ira na tui kei vuravura, ka ra sa vakamatenitaki e na waini ni nona dautagane ko ira na kai vuravura” 3Sa qai vakasinaiti au na Yalo Tabu, ka sa kauti au na agilosi ki na veikau, ka'u sa qai raica e dua na yalewa sa vodo tiko e na dua na manumanu damudamu. Sa vitu na ulu ni manumanu oqo ka tini na kena i leu, ia sa robo e na yagona e na veiyaca vakasisila sa vosa vakacacataki kina na Kalou. 4Sa vakaisulu na yalewa oqo e na i sulu lokaloka kei na i sulu damudamu, ka sa vakaiukuuku e na koula, na veivatu talei kei na mataniciva. Sa taura tu e ligana e dua na bilo koula sa sinai e na veika vakasisila ka duka veluvelu ni nona dautagane. 5Sa volai toka e yadrena e dua na yaca vuni: “Ko Papiloni Levu, na tinadra na yalewa dautagane kei na veika vakasisila kei vuravura” 6Ia au sa raica na yalewa ni sa mateni e na nodra dra na yalododonu kei na nodra dra era sa vakamatei e na vuku i Jisu. Ia ni'u sa raici koya, au sa kurabui vakaIevu sara. 7A sa kaya vei au na agilosi, “A cava ko sa kurabui kina? Au na tukuna vei iko na i baIebaIe vuni ni yaIewa, kei na manumanu uIuivitu ka tini na kena i Ieu ka vodo tiko kina. 8Na manumanu ko a raica ni a bula e Iiu ka sa sega ni buIa tiko oqo, e na Iako cake mai na qara sa sega ni katumi rawa na kena titobu ka na Iako sara me Ia'ki vakarusai. Ia ko ira sa tiko e vuravura, ko ira sa sega ni voIai tu na yacadra e na i voIa ni buIa mai na i vakatekivu kei vuravura, era na kurabui ni ra raica na manumanu, ni a sa bula tu mada, ka sa qai sega tale, ka na qai lako tale mai. 9“Oqo e ganita na vakasama vuku. Na ulu e vitu koya e vitu na delana sa dabe toka kina na yalewa. 10O iratou tale ga oqo e vitu na tui. E lima e ratou sa bale oti, sa tiko e dua e daidai, na kena ka dua e sa bera ni lako mai. Ia ni sa na lako mai e na tiko vakadede vakalailai ga. 11Ia me baleta na manumanu ka a bula e liu ka sa qai sega tale, sa i koya na i ka walu ni tui e dina ga ni dua vei iratou na lewe vitu ko koya, ka sa na lako sara me la'ki vakarusai. 12“Ia na i leu e tini ko a raica koya e tini na tui ka sa sega ni soli vei ira na nodra kaukauwa vakatui e na gauna oqo, ia e na qai soli vei ira na kaukauwa me ra tui vata kei na manumanu me dua na aua. 13E ratou sa lomavata ko iratou na lewe tini oqo ka ratou solia vua na manumanu na nodratou kaukauwa kei na nodratou lewa. 14E ratou na valuta na Lami; ia na Lami kei ira sa tiko kaya, era sa kacivi, ka digitaki ka loma dina, e na rawai ira; ka ni sa nodra Turaga na turaga ka nodra Tui na tui ko koya!” 15Sa qai kaya tale vei au na agilosi, “Na veiwai ko a raica ni vakaitikotiko kina na yalewa dautagane koya ko ira na veimataqali tamata, kei na veiumatamata, kei na veimatanitu kei na veimataqali vosa. 16Na tini na i leu ko a raica, ko ira oqori kei na manumanu, era na cata na yalewa dautagane. Era na kauta Iaivi na veika kece sa tu vua ka Iaivi koya me Iuvawale tu. Era na kania na lewena ka vakamai koya e na bukawaqa. 17Ni sa vakacuruma ki lomadra na Kalou na gagadre me ra vakayacora kina na lomana, me ra lomavata kina me ra solia vua na manumanu na nodra kaukauwa vakatui, me yacova ni sa na vakayacori na vosa ni Kalou. 18“Ia na yalewa ko a raica sa i koya na koro levu sa lewai ira na tui kei vuravura”

will be added

X\