FILIPAI 4

1E na vuku gona ni ka koya kemuni na wekaqu, o i kemuni ka'u sa dau lomana ka gadreva vakalevu, o i kemuni na noqu ka rekitaki, ka noqu i tekiteki, sa dodonu kina mo ni tu dei tiko ga e na nomuni bula vata kei na Turaga. 2Au sa vakamasuti rau ko Iuotia kei Sainitiki me rau yalo vata e na vuku ni Turaga. 3Ko iko tale ga, na noqu i tokani yalo dina, au kerei iko vakabibi mo vukei rau na yalewa oqo ka ni keitou a cakacaka vata sara vakaukauwa e na kena vakatetei na i tukutuku vinaka, ko i keitou vata tale ga kei Kelemedi kei ira kece tale ga na vo ni noqu i tokani sa volai tu na yacadra e na i vola ni bula ni Kalou. 4Ni reki tiko ga e na nomuni sa tu vata kei na Turaga. Au kaya tale: ni reki tiko ga! 5Me laurai vei kemuni na i vakarau ni yalo e malumalumu. Sa na vakarau lako mai na Turaga. 6Ni kakua ni lomaleqataka e dua na ka; ia na ka kece ga ko ni vinakata ni kerea vua na Kalou e na masu kei na vakavinavinaka. 7Ka me na maroroya tiko na yalomuni kei na nomuni vakasama na vakacegu ni Kalou, na vakacegu e uasivita na ka kece ga e kilai rawa, e na vuku i Karisito Jisu. 8Me'u tinia kemuni na wekaqu, ni tugana e na nomuni vakasama na veika kece ga e vinaka ka dodonu me vakacaucautaki; koya na veika e dina, na veika e vakaturaga, na veika e dodonu, na veika e savasava, na veika e totoka ka dau dokai. 9Ni vakayacora na veika ko ni sa vulica ka raica vei au, koya mai na ka au tukuna kei na ka au cakava, ka na tiko vata kei kemuni na Kalou dau veivakacegui. 10Sa ka ni marau dina sara vei au, e na neirau bula vata oqo kei na Turaga, na nomuni vakaraitaka tale na nomuni veikauwaitaki ni sa oti e dua na gauna balavu. Au sega ni kaya ni a sa oti na nomuni kauwaitaki au, ia e a sega ga na gauna mo ni vakaraitaka rawa kina. 11Au sega tale ga ni kaya trko na ka oqo me baleta na noqu dravudravua fiko, ka ni'u sa vulica oti me'u ciqoma e na yalo vakacegu na ka ga sa soli vei au. 12Au sa kila na bula ni dravudravua ka'u sa kila tale ga na bula ni vutuniyau. Au sa kila rawa na ka vuni ka sa rawa kina oqo vei au me'u ciqoma e na marau na ka e soli vei au e na veivanua kei na veigauna kece ga, se'u via kana se'u mamau, dravudravua se'u vutuniyau. 13Au sa rawa ni cakava na ka kece ga e na vuku i Karisito, o koya sa vakaukauwataki au. 14Ia sa vinaka dina na nomuni mai vukei au e na gauna au a leqa tu kina. 15Ko ni sa krla vrnaka tu na kai FIlipai ni sa kemuni ga na i vavakoso lotu ko ni a vukei au ni'u sa biuti Masitonia, koya e na gauna e sa qai tekivu wale ga krna na kena vunautaki na i Tukutuku Vrnaka. Sa i kemuni ga ko ni a vukei au e na verka e curu mai kei na veika e saumi tani. 16Mai Cesalonaika mada ga ko ni a vakauta yani kina vakarua na nomuni ka ni veivuke. 17E sega ni noqu via vaqara i loloma ga, ia e na noqu via raica ga me wili vei kemuni na vua ni nomuni vakabauta. 18Sa tu oqo na veika kece ga au gadreva ka sa sivia na ka e rauti au. Sa tu oqo na ka kece ga au gadreva, na nomuni i loloma e kauta mai ko Epafirotaito. Sa vaka e dua na i soro boi vinaka vua na Kalou, na i madrali sa vakabau ka vakadonuya ko koya. 19Ia e na solia vei kemuni na noqu Kalou, mai na levu ni ka e bini tu vua, na veika kece ga e ganiti kemuni, e na vuku i Karisito Jisu. 20Me ia vua na Kalou na Tamada na veivakalagilagi ka sega ni mudu. Emeni. 21Au sa loloma yani vei ira kece ga era sa nei Karisito Jisu. Era sa loloma yani vei kemuni na noda i tokani era sa tiko vata kei au. 22Era sa loloma kece tale tu ga yani ko ira kece sara na tamata ni Kalou era tiko e ke, vakauasivi ko ira na lewe ni nona vuvale na Sisa. 23Me tiko vata kei kemuni kece sara na loloma ni noda Turaga ko Jisu Karisito.

will be added

X\