MACIU 6

1“Qaraunamo dou kakua ni dau kitaka na nomudou i loloma e matadra na tamata me ra raici kemudou kina; kevaka dou cakava vaka kina, sa qai sega na kemudou i sau mai vua na Tamamudou mai lomalagi. 2“O koya gona ni ko sa soli ka ni loloma, kakua ni uvu davui e matamu, me vaka era dau cakava na dauveivakaisini e na veivalenilotu kei na veigaunisala, me ra dokai ira kina na tamata. Au sa kaya vakaidina vei kemudou, era sa taura oti na kedra i sau. 3Ia ni dou sa soli ka ni loloma, me kakua ni kila na ligamu i mawi na ka e cakava tiko na ligamu i matau, 4me ka vunitaki kina na nomu i loloma; ia na Tamamu ko koya sa raica na ka e vuni, e na qai sauma ga vei iko. 5“Ni dou sa masu, mo dou kakua ni vakataki ira na dauveivakaisini; ni ra dau vinakata me ra masu ni ra tu cake tu e na veivalenilotu kei na veitutu ni sala, me raici ira kina na tamata. Au sa kaya vakaidina vei kemudou, era sa taura oti na kedra i sau taucoko. 6Ia ko iko, ni ko sa masu, curu ki na nomu loqi, ka sogota na nomu katuba, ka qai masu vua na Tamamu sa tabogo; ia, na Tamamu ko koya sa raica na ka e vuni e na qai sauma ga vei iko. 7“Ia ni dou sa masu, kakua ni vosa balavu wale ga me vakataki ira na kai veimatanitu tani, ni ra nanuma era na rogoci e na nodra vosa balavu. 8Mo dou kakua ni vakataki ira, ni sa kila tu na Tamamudou na ka e yaga vei kemudou ni bera ni dou kerea vua. 9Mo dou qai masu kina vaka oqo: ʻTama i keimami mai lomalagi, me vakarokorokotaki na yacamuni, 10me yaco mai na nomuni matanitu, me caka na lomamuni e vuravura, me vaka sa caka tiko mai lomalagi. 11“Ni solia mai vei keimami e na siga oqo na kakana e rauti keimami. 12Ni bokoca mada na neimami i valavala ca me vaka keimami sa bokoca oti na nodra era sa i valavala ca vei keimami. 13Ni kakua ni kauti keimami ki na vere; ka mo ni vakabulai keimami mai na ca.’ 14“Ni kevaka dou dau bokoca na nodra cala na tamata, e na bokoca tale ga na nomudou cala ko koya na Tamamudou vakalomalagi; 15ia, kevaka dou sega ni bokoca na nodra cala na tamata, e na sega tale ga ni bokoca na nomudou cala na Tamamudou. 16“Ni dou sa lolo, kakua ni vakaveveku mata me vakataki ira na dauveivakaisini, ni ra dau vukica vakatani na matadra, me laurai vei Ira na tamata na nodra lolo voli. Au sa kaya vakaidina vei kemudou, era sa taura oti na kedra i sau. 17Ia ko rko, ni ko sa lolo, lumuta na ulumu, ka tavoya na matamu, 18me kakua kina ni laurai vei Ira na tamata na nomu lolo voli, vua ga na Tamamu sa tabogo; ia, na Tamamu, ko koya sa raica na ka e vuni, e na qai sauma ga vei iko. 19“Dou kakua ni kumuna vata vei kemudou na i yau e vuravura e na vanua e dau vakacacana na sarasara kei na veveka, ka ra dau curu botea kina na daubutako ka butakoca, 20ia dou kumuna ga na nomudou i yau mai lomalagi e na tikina e sega ni vakacacana kina na sarasara se na veveka, ka sega ni dau curu botea kina na daubutako me butakoca. 21Ni vanua ga e tiko kina na nomudou i yau, e na tiko tale ga kina na yalomudou. 22“Sa cina ni yago na mata. Kevaka e vinaka tu na matamu, e na rarama tu kina na yagomu taucoko; 23ia, kevaka sa ca na matamu, e na butobuto na yagomu taucoko. Ia, kevaka sa butobuto tu na rarama e lomamu, sa wacava na levu ni butobuto ko ya! 24“E sega ni dua na tamata me qarava rawa e le rua na turaga. Ni na cata e dua ka lomana ga e dua, se e na kabita sara e dua ka beci koya ka dua. Dou sega ni qarava rawa na Kalou kei na i yau. 25“Sa i koya au kaya kina vei kemudou, kakua ni dou lomaocaoca me baleta na nomudou bula e na ka mo dou kania, se na ka mo dou gunuva, se me baleta na yagomudou, na ka mo dou vakaisulu kina. E sega li ni bibi cake na bula mai na kakana, kei na yago mai na i sulu? 26Dou vakaraica mada na manumanu vuka: ni ra sega ni dau kakaburaki, se tatamusuki, se kumuna vata ki na lololo; ia, sa vakani ira tiko ga na Tamamudou vakalomalagi. Dou sa sega li ni yaga vakalevu cake sara mai vei ira? 27Ko cei vei kemudou, ni sa lomaocaoca, e na rawa ni vakuria kina vakalailai ga na siga ni nona bula? 28“A cava soti ga dou lomaocaocataka kina na i sulu? Dou vakananuma na viavia ni veikau, na nodra tubu; era sega ni dau cakacaka se tali; 29ia, au sa kaya vei kemudou, ko Solomoni e na nona i ukuuku kece ga e sega ni vakaisulu sara me vaka e dua vei ira. 30Ia kevaka sa vakasuluma vaka oqo na Kalou na co ni veikau, ka bula tu edaidai, ka biu ki na lovo ni mataka, sa na wacava na nona gu vakalevu cake me vakasulumi kemudou sa lailai na nomudou vakabauta! 31“O koya gona mo dou kakua ni lomaocaoca, ka kaya, ʻNa cava eda na kania?' se ʻNa cava eda na gunuva?' se ʻNa cava eda na vakaisulu kina?' 32Ni ra dau vakasaqara na veika kece ga oqo na kai veimatanitu tani, ia sa kila tu na Tamamudou vakalomalagi na yaga ni veika kece ga oqo vei kemudou. 33Ia dou vakasaqara taumada ga na matanitu ni Kalou kei na nona dodonu, ka na soli me kena i kuri vei kemudou na veika kece ga oqo. 34“O koya gona mo dou qai kakua kina ni lomaocaoca me baleta na mataka, ka ni na qai lomaocaocataka ga na mataka na ka e baleta. pa rauta ga na dui siga ua kena leqa.

will be added

X\