MACIU 19

1Ni sa vosataka oti ko Jisu na veika oqo, sa qai biuti Kalili ka yaco yani ki na yasayasa vaka-Jutia na tai kadua ni Joritani. 2Era sa lewe vuqa sara sa muri koya, ka sa vakabulai ira mai ke ya ko koya. 3Era sa qai lako mai vei koya ko ira na Farisi ka vakatovolei koya, ka kaya vua, “Sa tara li vua na tagane me veisere kei na watina kevaka e vuna e dua ga na ka?” 4A sauma ko koya ka kaya, “Dou sa sega beka ni wilika ni sa buli rau ga me dua e tagane ka dua e yalewa ko koya na Dauveibuli mai na i vakatekivu, 5ka kaya, ʻE na vuku ni ka oqo sa na biuti tamana kei tinana kina na tagane ka kabita na watina, ka rau sa yaco me duabau ga na lewe rua?' 6E rau sa qai sega ni lewe rua tiko ga, e rau sa duabau ga. Na ka sa vauca vata na Kalou me kakua ni tawasea na tamata ” 7Era sa qai kaya vua, “Na cava ga e a qai vakarota kina ko Mosese me solia ga vua na i vola vakadinadina ni veisere, ka qai sereki koya?” 8Sa qai kaya vei ira ko koya, “E na vuku ga ni nomudou yalo kaukauwa, e a vakatarai kemudou kina ko Mosese mo dou veisere kei na watimudou, ia e a sega tu ni vaka kina mai na i vakatekivu. 9Ia, au sa kaya vei kemudou, o koya sa veisere kei na watina, kevaka e sega ni vuna na dautagane, ka la'ki veiwatini kei na dua tale, sa dauyalewa.” 10E ratou sa qai kaya vua na nona tisaipeli, “Kevaka sa vaka oqo na ka e yaco vua na tagane kei na watina, e vinaka cake me sa kakua ga na vakawati.” 11Sa qai kaya vei iratou ko koya, “E sega ni ra na vinakata na tamata kece na vosa oqo, ia ko ira ga sa soli vei ira. 12Ni ra sa tu ga e so sa sega ni vakawati ni ra a sucu vaka kina mai na kete i tinadra, e so sa sega ni vakawati ni ra tarovi ira vaka kina na tamata, ka so sa sega ni vakawati ni ra sa lewa vaka kina e na vuku ni matanitu vakalomalagi. O koya sa rawata me muria oqori, me muria 13Era sa qai kau mai vua na gone lalai me tabaki ira ko koya e na ligana, ka masulaki ira. Era sa qai karaci ira na tamata na tisaipeli. 14Ia, sa qai kaya ko Jisu, “Dou laivi ira na gone lalai me ra lako mai vei au; ka kakua ni tarovi ira; ni sa nodra na vaka oqo na matanitu vakalomalagi ” 15Sa qai tabaki ira e na ligana, ka lako tani mai kea. 16Sa qai lako mai vei koya e dua ka kaya, “Vakavuvuli, na cava mada na ka vinaka me'u cakava me noqu kina na bula tawa mudu?” 17Sa qai kaya vua ko koya, “A cava ko tarogi au kina me baleta na ka vinaka? Sa Dua ga ko koya e vinaka. Ia, kevaka ko via curu ki na bula, muria ga na i vakaro ” 18Sa qai kaya vua na cauravou, “A cava soti?” Sa qai kaya ko Jisu: “Mo kakua ni laba, mo kakua ni dauveibutakoci, mo kakua ni butako, mo kakua ni veibeitaki vakailasu, 19dokai rau na tamamu kei na tinamu, mo lomana na kai nomu me vakataki iko .” 20Sa qai kaya vua na cauravou, “Au sa dau muria mai na veivakaro kece ga oqo. Na cava tale e sa vo tiko vei au?” 21Sa qai kaya vua ko Jisu, “Kevaka ko vinakata me sa vinaka sara, mo lako, ka volitaka na nomu i yau ka solia vei ira na dravudravua, ko na qai vakaiyau mai lomalagi, lako mai ka muri au.” 22Ia, ni sa rogoca na vosa oqo na cauravou, sa lako yani e na yalo rarawa; ni sa ka levu sara na nona i yau. 23Sa qai kaya vei ira na nona tisaipeli ko Jisu, “Au sa kaya vakaidina vei kemudou e na dredre vua na tamata vutuniyau me curu ki na matanitu vakalomalagi. 24Au sa kaya vei kemudou, e rawarawa cake vua na kameli me curuma na mata ni cula, mai vua na tamata vutuniyau me curu ki na matanitu ni Kalou.” 25Ia, ni ratou sa rogoca na tisaipeli, e ratou sa kurabui sara, ka kaya, “O cei ga e na qai vakabulai rawa?” 26Sa qai rai yani vei iratou ko Jisu, ka kaya vei iratou, “Sa dredre sara vei ira na tamata, ia sa rawa vua na Kalou na veika kece ga.” 27Sa qai sauma ko Pita ka kaya vua, “Ni raica mada, keitou sa biuta na ka kece ga ka muri kemuni; na cava keitou na rawata kina?” 28Sa qai kaya vei rratou ko Jisu, “Au sa kaya vakaidina vei kemudou, ni sa trko na Luve ni Tamata e na nona i tikotiko lagilagi, e na vuravura vou, dou na qai trko tale ga ko i kemudou ka muri au voli e na i trkotrko vakaturaga e tinrkarua, ka lewai rra na mataqali e tinikarua ni IsrreIi. 29O koya ga sa biuta na nona veivale, kei rratou na tacina kei na tuakana kei na ganena, se na tamana se tinana, se ko Iratou na luvena, se fiki ni qele, e na vuku ni yacaqu e na yadrau sara tale na ka e taura kina, ka na taukena tale ga na bula tawa mudu. 30Ia, e lewe vuqa vei rra sa liu era na muri, kei Ira na muri era na liu.

will be added

X\