MARIKA 7

1Ia ni ra sa soqoni vata yani vei Jisu na Farisi kei ira e so na daunilawa ka ra lako mai Jerusalemi, 2era qai raica ni ratou sa kana tiko e so vei iratou na nona tisaipeli ka sega tu ni savasava na ligadratou, oya ni ratou a se sega ni vuluvulu mada e liu. 3Ko ira na Farisi kei ira kece na Jiu era na sega ni kana kevaka era sa sega mada ni vuluvulu, me vakamuri kina na nodra i vakavuvuli na qase; 4ni ra lesu mai na rara ni veivoli, era na sega ni kana kevaka era sa sega mada ni vuluvulu ka vakasavasavataki ira; ka vuqa tale na ka era sa mai taura ka muria, me vaka na i deredere ni bilo, kei na kuro, kei na dari varasa kei na i davodavo. 5Era sa qai tarogi koya na Farisi kei na daunilawa, ka kaya, “Na cava e ratou sega kina ni muria na nomu tisaipeli na nodra i vakavuvuli na qase, ni ratou sa kana ka sega mada ni vuluvulu?” 6Sa qai kaya vei ira ko koya, “E a sa tukuni kemuni vakavinaka sara ga na dauveivakaisini oqo ko Aisea, ni sa vola tu, ʻEra sa vakarokorokotaki au na tamata oqo e na tebenigusudra, ia na yalodra sa yawa sara mai vei au. 7Sa sega ni yaga na nodra qaravi au, ni ra sa vakatavuvulitaka na i vakavuvuli ni tamata, me vaka era sa i vunau ni Kalou.ʼ 8Ko ni sa biuta na i vakaro ni Kalou, ka taura matua na i vakavuvuli ni tamata.” 9Sa qai kaya vei Ira ko Jisu, “Ko ni sa rui maqosataka na nomuni biuta vakatrkitiki na i vakaro ni Kalou me rawa kina na nomuni taurivaka fiko ga na nomuni i vakavuvuli makawa! 10Ni a vakarota vaka oqo ko Mosese, ʻVakarokoroko vei rau na tamamu kei na tinamu, ka a kaya tale ga, ʻKo koya e vosa vakacacataka na tamana se na finana, me vakamatei.ʼ 11Ia ko ni sa kaya, ʻKevaka e kaya e dua na tamata vua na tamana se finana, Na verka e noqu ka a nanumi mo taura me yaga vei rko e sa Koripani' (a kena i balabale, e a sa soli tu vua na Kalou), 12ko ni sa qai tarovi koya kina me kakua ni cakava tale e dua na ka me yaga vua na tamana se tinana. 13Ko ni sa vakatawayagataka kina vaka oqo na vosa ni Kalou e na vuku ni nomuni i vakavuvuli makawa, ko ni se vakadewataka fiko ga mai me yacova mai oqo, ka sa vuqa tale na verka vakaoqo ko ni sa cakava” 14Sa qai kacivi ira tale yani na tamata ki vua ko Jisu, ka kaya vei ira, “Ni rogoci au kece mada, ka mo ni kila: 15e sega ni dua na ka e curu ki na loma ni tamata me rawa ni vakadukadukalitaki koya, na veika ga e lako mai lomana, koya ga na ka e vakadukadukalitaki koya. 16Kevaka e dua na tamata e vakadaligana me rogoca kina, me rogoca sara.]” 17Ia ni sa laivi ira na tamata sa curu ki vale; e ratou sa qai tarogi koya na nona tisaipeli me baleta na vosa vakatautauvata koya. 18Sa qai kaya vei iratou ko koya, “Oi kemudou tale ga, dou sega ni kila rawa, ne? Dou sega tiko li ni kila ni ka kece ga e curu ki na loma ni tamata e sega ni rawa ni vakadukadukalitaki koya? 19Ka ni sega ni curu ki yalona e curu wale ga ki ketena, ka na la'ki lako sara ki tuba.” Sa vakaraitaka kina vakaoqo ko Jisu ni sa savasava na kakana kece ga. 20Sa qai kaya ko koya, “Na ka e lako mai na loma ni tamata sa i koya na ka e vakadukadukalitaki koya. 21Ni sa dau lako mai loma, mai na yalo ni tamata, na veivakanananu ca, na dauyalewa, na daubutako, na daulaba, na veibutakoci, 22na kocokoco, na i valavala velavela, na veivakaisini, na gagano ca, na vuvu na vosa vakacaca, na viavialevu, na i valavala lialia. 23Era lako mai loma na veika ca kece ga oqo, ka ra vakadukadukalitaka na tamata.” 24Sa qai cavutu mai kea ko Jisu ka lako ki na yasayasa vaka-Taia kei Saitoni. E a mani la'ki curu ki na dua na vale, ka sega ni vinakata me dua e kila; ia, sa dredre ga me vunitaki koya rawa. 25A sa rogoca na kena i tukutuku e dua na yalewa ka curumi yalo velavela tiko na luvena goneyalewa. Sa qai lako na yalewa koya ka la'ki cuva sara e yavana. 26E yalewa ni Fonisia mai Siria ko koya, ka kai matanitu tani. Sa qai vakamasuti Jisu na yalewa koya me vakasava tani na tevoro mai vua na luvena. 27Sa qai kaya vua ko Jisu, “Me ra mamau mada e liu na gone, ni sega ni dodonu me tauri na kedra kakana ka soli vei ira na koli .” 28Ia e a qai sauma ko koya ka kaya, “Io, sa dina saka oqori; ia ko ira sara tale mada ga na koli ka ra tiko e na ruku ni teveli era dau kania na meme ni kedra kakana na gone” 29Sa qai kaya vua ko Jisu, “E na vuku ga ni vosa oqori, mo lesu tale; sa biuta na luvemu na tevoro.” 30Sa qai lako na yalewa ki na nona vale, ka raica na gone ni davo koto e na i davodavo, ka sa yali vua na tevoro. 31Sa qai biu^a na yasayasa vaka-Taia ko Jisu me lako ki Kalili e na sala vaka ki Saitoni kei na VeIkoro e Tini. 32Era a qai kauta mai vua e dua na tamata didivara ka dredre tu ni vosa, ka ra kerei koya me tara. 33Ia ni sa kauti koya tani vakatikitiki mai vei ira na lewe vuqa ko Jisu, sa qai tara na daligana ruarua e na nona i qaqalo, ka kasivi, ka tara na yamena. 34Sa qai tacake ki lomalagi, ka sa vutugu na yalona ka kaya vua, “Efaca” oya “Mo rogo rawa!” 35Sa qai rogo rawa sara na daligana ka tasere na yamena, ka sa macala na nona vosa. 36Sa qai vakaroti rra ko Jisu me ra kakua ni tukuna vua e dua na tamata; ia na kena levu ga ni nona vakatabuya, na kena levu tale ga ni nodra veitukuniyaka. 37Era sa kurabui vakalevu sara ko ira kece ga era rogoca, ka ra kaya, “Na ka kece ga e cakava e caka vakavinaka! Era sa bau mai rogo rawa na didivara ka ra vosa na galu e na nona cakacaka!”

will be added

X\