MARIKA 12

1Sa qai vakatekivu me vosa vei ira ko koya e na vosa vakatautauvata: “E a tea e dua na loga ni vaini e dua na tamata ka viribai wavokita, ka kelia e dua na i keli ni loba waini, ka tara na vale ni kena i vakatawa, ka lisitaka vei ira e so tale na dauteivaini ka sa qai lako ki na dua na vanua tani. 2Ni sa yaco mai na gauna me tau kina na vaini sa tala sara ko koya e dua na dauveiqaravi vei ira na dauteivaini, me la'ki kauta mai e so na vaini. 3Era sa qai tauri koya ka mokuta, ka vakatalai koya lesu wale tale. 4Sa qai tala tale ko koya e dua na dauveiqaravi, ia era sa qai vakamavoataka na uluna, ka vakayacora vua na i tovo veivakamaduataki. 5Sa qai tala tale e dua ko koya, ia era a vakamatea tale ga ka ra kitaka vakakina ki na lewe vuqa tale; e so era mokuta ka so era vakamatea. 6Sa qai vo ga vua e dua, oya, na luvena lomani. Sa qai talai koya duadua sara e muri vei ira, ka kaya, ʻEra na doka na luvequ.ʼ 7Ia era sa qai veikayaka vakai ira na dauteivaini ka vaka, ʻSa i koya oqo e na i sosomi kei tamana e muri. Me da vakamatea, me na qai noda na veika e na taukena.ʼ 8Era sa qai tauri koya ka vakamatea, ka viritaka na yagona ki na taudaku ni veivaini. 9“Na cava beka e na cakava na i taukei ni loga ni vaini? E na lako mai ka vakamatei ira na dauteivaini ka solia na loga ni vaini vei ira tale e so. 10Ko ni sa sega li ni wilika na tiki ni Vola Tabu oqo? ʻNa vatu sara ga era a cata na matai sa qai yaco me i vakadei e na tutu ni vale. 11Oqo na cakacaka ni Turaga, ka sa veivakurabuitaki e matada!ʼ” 12Era sa qai via vesuki Jisu, ni ra sa kila rawa ni a tukuna ko koya na vosa vakatautauvata koya me baleti ira; ia era sa rerevaki ira ga na lewe vuqa, ka ra sa mani biuti koya tu ga e kea ka lako. 13Era sa qai tala vei Jisu e so na Farisi kei na so na i tokani i Eroti me ra coriti koya e na nona vosa. 14Era sa lako ka kaya vua, “Na i Vakavuvuli, keimami sa kila ni ko ni sa dau tukuna na ka dina, ko ni sega ni rerevaka e dua na tamata, ko ni sega ni kauwaitaka na i tutu vakatamata, ia ko ni sa dau vakatavuvulitaka ga na veika dina vakalou; sa dodonu li vakalawa me saumi na i vakacavacava vua na Sisa, se sega? 15Me da sauma se me da kakua ni sauma?” Ia ni sa kila ko koya na nodra veivakaisini, sa qai kaya vei ira, “A ko ni via veretaki au kina? Kauta mai vei au e dua na i lavo siliva, me'u mai raica mada.” 16Era sa qai solia vua e dua na i lavo. Sa qai kaya vei ira ko koya, “Na ulu i cei kei na yaca i cei e tabaki toka oqo?” Era sa kaya vua, “A nona na Sisa.” 17Sa qai kaya vei ira ko Jisu, “Ni solia vua na Sisa na veika sa nona na Sisa, vua tale ga na Kalou na veika sa nona na Kalou” A ra sa kurabuitaki koya vakalevu. 18Era sa qai lako vei Jisu na i tokani i Setoki, ko Ira era kaya ni sega na tu cake tale mai na mate, ka tarogi koya vaka oqo, 19“Na i Vakavuvuli, e a vola tu vei keda ko Mosese ni kevaka sa mate na tuakana se tacina e dua na tagane, ka laiva tu mai na watina, ka sega na luvena,me qai taura na nona yada, me vakaluveni kina, me qai wili na gone vei koya sa mate. 20E dua na mataveitacini tagane e ratou lewe vitu; sa vakawati ko koya e qase duadua, ia sa mani mate ka sega na luvena. 21Sa mani taura na nona yada ko koya ka tarava, ka sa mani mate tale ga, ka sega na luvena; sa vaka tale ga kina vua na kena i katolu, kei Iratou na kena vo. 22E a sega ni dua vei Iratou na lewe vitu me vakaluveni. Sa qai mate duadua sara e muri ko koya na yalewa. 23Ni sa yaco na tu cake tale mai na mate, e na qai wati cei vei Iratou ko koya? Ni ratou a sa vakawatitaki koya kece na lewe vitu.” 24Sa qai kaya vei rra ko Jisu, “E sega li ni ka oqo ko ni cala krna; ko ni sa lecava na i Vola Tabu, ka sega tale ga ni kila na kaukauwa ni Kalou? 25Ni ra sa na tu cake tale mai na mate era na sega tale ni vakawati, se vermusumusuki me ra vakawati, era sa na vaka ga na agilosi mai lomalagi. 26Ia e na vuku ni nodra vakaturi cake tale na mate, ko ni sega li ni wilrka e na vosa i Mosese, e na i talanoa me baleta na kau ka a kama trko, na nona a kaya na Kalou vua, ʻO i au na Kalou i Eparaama, na Kalou i Aisake, kei na Kalou i Jekope.ʼ 27O koya, e sega ni nodra Kalou na mate, e nodra Kalou ga na bula. Ko ni sa cala sara ga vakalevu!” 28Sa qai lako mai e dua vei ira na qasenivuli ni lawa ka rogoca ni ra veileti tiko vakai ira; ia ni sa rogoca na vinaka ni saumi taro nei Jisu, sa qai tarogi koya, “Na i vakaro cava e bibi duadua vei ira kece na i vakaro?” 29A sauma ko Jisu ka kaya, “Sa i koya oqo sa bibi duadua, ʻRogoca, Isireli, na Turaga na noda Kalou, na Turaga sa dua bauga 30ka mo lomana na Turaga na nomu Kalou e na lomamu taucoko, kei na yalomu taucoko, kei na nomu nanuma taucoko, kei na nomu kaukauwa taucoko.ʼ 31Na kena i karua oqo, ʻMo lomana na kai nomu me vaka na nomu lomani iko vakai iko.ʼ Sa sega tale ni dua na i vakaro e bibi cake mai vei rau oqo.” 32Sa qai kaya vei Jisu na qasenivuli ni lawa, “Sa donu oqori na i Vakavuvuli. Sa dina na nomu vosa, ni sa dua bauga na Kalou, ka sa sega tale ni dua me rau lewe rua kaya, sa i koya duadua ga; 33ka me da lomani koya e na lomada taucoko, kei na noda vakasama taucoko kei na noda kaukauwa taucoko, ka lomana na kai noda me vakataki keda. Sa bibi cake oqo mai na i soro kama taucoko kei na i soro kece ga” 34Ni sa raica ko Jisu na nona sauma vakavuku sa qai kaya vua, “Ko sa sega ni yawa mai na matanitu ni Kalou.” Ni sa oti koya, sa sega tale ni dua e doudou me taroga vua e dua na taro. 35Ni sa veivakatavulici tiko ko Jisu e na Valenisoro, sa kaya, “Era kainaka rawa ga vakacava na qasenivuli ni lawa ni luve i Tevita na Karisito? 36Ko Tevita mada ga vakai koya e a kaya e na kaukauwa ni Yalo Tabu, ʻSa kaya na Turaga ki vua na noqu Turaga, Mai dabe e na yasaqu i matau, me yacova ni'u sa vakafikori rra na nomu meca me ra i tutu ni yavamu.ʼ 37Ni sa vakatoka vaka koya na Karisito ko Tevita me Turaga; me qai luvena tale vakacava?” A ra sa marau na lewe vuqa ni ra vakarogoci Jisu. 38E na nona veivakatavulici tiko, sa kaya kina vei ira, “Ni qarauni kemuni mai vei ira na qasenivuli ni lawa, era dau vinakata na lako voli e na kote balavu, ka me ra kidavaki vakaturaga e na veivanua ni veivoli, 39na i dabedabe e cake e na valenilotu, kei na veitikotrko vakaturaga e na gauna ni kana magiti. 40Era dau masu balavu e na nodra veivale na yada e ra rawata kina na nodra i yau. Na ka oqo e na bibi vakalevu sara kina na kedra i totogi” 41Ia ni sa dabe tiko ko Jisu taudonuya na kato ni lavo, sa vakaraici ira tiko na lewe vuqa ni ra la'ki biuta krna na nodra i solisoli. E ka levu na i lavo era solia e lewe vuqa na tamata vutuniyau. 42Ia sa qai lako yani e dua na yada dravudravua, ka solia kina e rua na i lavo lalai sara, e rauta ni dua na sede. 43Sa qai kacivi Iratou mai na nona tisaipeli ko Jisu, ka kaya vei iratou, “Au sa kaya vakaidina vei kemudou, e levu cake na ka e solia na yada dravudravua koya mai na ka era solia na kena vo. 44Ko ira kece koya era a soli ka mai na nodra vutuniyau, ia na marama koya, e na dela ni nona dravudravua, a solia na ka kece sara ga e tu vua, me bula kina .”

will be added

X\