MARIKA 10

1Sa mani cavutu mai kea ko Jisu ka lako ki na yasayasa vaka-Jutia ki na tai kadua ni Joritani. A ra sa baci soqoni vata tale yani vua na lewe vuqa, ka sa vakavulici Ira tale ko koya me vaka ga na nona i valavala. 2Era sa qai lako vua e so na Farisi ka via vakatovolei koya, ka kaya, “Sa tara li vua e dua na tagane me veisere kei na wafina?ʼʼ 3Sa qai sauma vei Ira ko koya, ka kaya, “Na cava e a vakarota vei kemuni ko Mosese?” 4Era sa qai kaya, “E a vakadonuya ko Mosese vua na tagane me vola e dua na i vola ni veisere, ka qai vakatala na watina” 5Sa qai kaya vei rra ko Jisu, “E a vola na i vakaro koya ko Mosese e na vuku ga ni nomuni yalo kaukauwa. 6Ia mai na i vakatekivu, ʻSa buli rau na Kalou me dua na tagane ka dua na yalewa.ʼ 7ʻE na vuku ni ka oqo sa na biuti tamana krna kei finana na tagane ka kabita na wafina, 8ka rau sa na yaco me dua bauga. E rau sa sega gona kina ni lewe rua tiko, e rau sa dua bauga. 9Na ka sa vauca vata na Kalou, me kakua ni tawasea na tamata” 10Ia ni ratou sa trko tale e vale e ratou sa qai tarogi koya tale na nona tisaipeli e na ka koya. 11Sa qai kaya vei iratou ko koya, “O koya sa sereka na watina ka la'ki vakawati tale kei na dua na yalewa, sa dauyalewa ka sa cala kina vei watina; 12ia kevaka sa sereka na watina na yalewa ka la'ki veiwafini kei na dua tale na tagane, sa dautagane ko koya” 13Era sa qai kauti ira yani e so na gone lalai vei Jisu e so na tamata me bau tarai ira ko koya, ia e ratou a qai karalaki ira ko iratou na tisaipeli. 14Ia ni sa raica ko Jisu sa cudru sara, ka kaya vei iratou, “Dou laivi ira na gone lalai me ra lako mai vei au! Kakua ni tarovi ira; ni sa nodra na matanitu ni Kalou ko ira era sa vaka oqo. 15Au sa kaya vakaidina vei kemudou, ko koya yadua e sega ni ciqoma na matanitu ni Kalou me vaka e dua na gone lailai e na sega ni curu kina.” 16Sa qai keveti ira na gone ko koya, ka tabaki ira e ligana, ka vosa vakalougatataki ira. 17Ia ni sa lako tiko ko koya e gaunisala, sa qai cici mai e dua na tamata ka mai tekiduru vua, ka tarogi koya, “Na i Vakavuvuli vinaka, na cava e dodonu me'u cakava me'u taukena kina na bula tawa mudu?” 18Sa qai kaya vua ko Jisu, “Na cava ko vakatokai au kina me'u vinaka? E sega tale e dua e vinaka, na Kalou duadua ga. 19Ko sa kila na i vakaro: ʻKakua ni laba, kakua ni ia na veibutakoci, kakua ni butako, kakua ni veibeitaki vakailasu, kakua ni kocokoco, dokai rau na tamamu kei na tinamu” 20Ia sa qai kaya vua ko koya, “Na i Vakavuvuli, na veika kece oqo au sa dau muria tiko mai na gauna ni noqu gone me yacova mai oqo” 21Ni sa vakaraici koya ko Jisu, sa lomana sara, ka sa kaya vua, “Sa vo tiko vei iko e dua na ka; mo la'ki volitaka na ka kece ga e tu vei iko, ka solia na kena i lavo vei ira na dravudravua, ko na qai vakaiyautaki mai lomalagi. Ia mo lako mai, ka muri au” 22Ia ni sa rogoca na vosa koya ko koya sa rarawa na matana ka sa lako e na lomabibi; ni sa ka levu sara na nona i yau. 23Sa qai rai wavoki vei iratou na nona tisaipeli ko Jisu, ka kaya, “Sa dredre vei ira na vutuniyau me ra na curu ki na matanitu ni Kalou!” 24E ratou sa kurabui na tisaipeli e na vuku ni nona vosa. Ia sa qai kaya tale vei iratou ko Jisu, “Ragone, sa ka dredre dina me ra curu ki na matanitu ni Kalou ko ira era sa dau vakararavi ki na i yau. 25Sa rawarawa cake vua na kameli me curuma na mata ni cula ka dredre vua na tamata vutuniyau me curu ki na matanitu ni Kalou” 26E ratou sa kurabui vakalevu sara, ka veikayaka vakai iratou, “Ia ko cei ga e na qai vakabulai rawa?” 27Sa qai rai vei iratou ko Jisu, ka kaya, “Na ka oqo sa sega sara ga ni rawata na tamata, sa rawata na Kalou; ni sa rawata na Kalou na ka kece ga .” 28Sa qai vosa ko Pita, ka kaya vua, “Ni raica mada, o i keitou oqo keitou sa biuta na ka kece ga ka muri kemuni.” 29Sa qai kaya ko Jisu, “Au sa kaya vakaidina vei kemudou, e sega ni dua e sa biuta na nona vale kei iratou na tacina se na tuakana se na ganena, se tinana se tamana, se ko iratou na luvena, se tiki ni qele, e na vukuqu kei na vuku ni tukutuku vinaka, 30me na sega ni saumi vua e na bula oqo. E na vakadrautaki vua na veivale, na tacina, na ganena, na tinana, na luvena, kei na tiki ni qele e so, kei na veivakacacani tale ga, ia e na gauna mai muri e na qai taukena na bula tawa mudu. 31Ia e lewe vuqa vei rra na liu era na muri, kei ira na muri era na liu” 32E ratou sa mani ia yani e gaunisala e na nodratou i lakolako ki Jerusalemi, ka sa liu tiko vei iratou ko Jisu. E ratou a kidroa ka rere ni ratou sa muri voli. Sa qai kauti iratou vakatikitiki na lewe tinikarua ko koya, ka tukuna vei iratou na ka sa vakarau yaco vua. 33A sa kaya, “Raica, e datou sa lako cake tiko ki Jerusalemi; ka na la'ki soli na Luve ni Tamata vei ira na bete levu, kei ira na qasenivuli ni lawa, ka ra na beitaki koya me vakamatei, ka soli koya vei ira na kai tani. 34Era na vakalialiai koya ka kasiviti koya, ka vakanakuitataki koya ka vakamatea sara. Ia e na qai tu cake tale ni sa oti e tolu na siga.” 35E rau sa qai lako vei Jisu ko Jemesa kei Joni, ko i rau na luve i Sepeti, ka kaya vua, “Na i Vakavuvuli, keirau gadreva mo ni vakayacora vei keirau na ka ga keirau kerea vei kemuni .” 36Sa qai kaya vei rau ko koya, “Na cava ko drau vinakata me'u cakava vei kemudrau?” 37E rau sa qai kaya, “Ni solia vei keirau me keirau tiko e na nomuni serau, e dua e na ligamuni i matau, ka dua e na ligamuni i mawi” 38Sa qai kaya vei rau ko Jisu, “Drau sa sega ni kila na ka drau sa kerea. Drau sa rawata li mo drau gunu e na bilo au na gunu kina, ka papitaisotaki e na papitaiso au na papitaisotaki kina?” 39E rau sa qai kaya vua, “Keirau rawata” Sa qai kaya vei rau ko Jisu, “Drau na gunu e na bilo au na gunu kina, ka papitaisotaki e na papitaiso au na papitaisotaki kina. 40Ia me dua e tiko e na ligaqu i matau se ligaqu i mawi, e sega ni noqu me'u solia. Ni sa i koya na Kalou ka na solia na i tutu oqo vei ira sa vakarautaka ko koya me nodra.” 41Ni ratou sa rogoca na lewe tini, e ratou sa cudruvi rau sara ko Jemesa kei Joni. 42Sa qai kacivi iratou ko Jisu ka kaya vei iratou, “Dou kila ni ko ira era veiliutaki vei ira na veimatanitu tani era lewai ira sara tu ga na nodra tamata, ia ko ira na nodra turaga lelevu era dau vakacolasau vei ira. 43Ia me kakua ni vaka kina vei kemudou. Ko koya e vinakata me veiliutaki vei kemudou me nomudou dauveiqaravi, 44kei koya vei kemudou e via turaga, me nomudou bobula. 45Ni a sega ni lako mai na Luve ni Tamata me qaravi, ia me dau veiqaravi ga, ka me solia na nona bula me kedra i voli na lewe vuqa” 46E ratou sa qai yaco ki Jeriko. Ia ni ratou sa biuti Jerrko tale, ko Jisu kei rratou na nona tisaipeli, kei Ira tale ga na lewe vuqa, a dabe toka e yasa ni sala e dua na daukerekere mataboko; a yacana ko Patimeo, na luve i Timeo. 47Ni sa rogoca ko koya ni sa i Jisu na kai Nasareci, sa kaci ka kaya, "Jisu, na Luve i Tevita, ni lomani au mai!” 48Era sa qai karalaki koya na lewe vuqa ka kaya vua me fiko lo, ia sa qai kaci vakadomoilevu cake ga ko koya, ka vaka “Na luve i Tevita, ni lomani au mai!” 49Sa tu vakadua ko Jisu, ka kaya, “Dou kacivi koya mai” Era sa mani kaciva na mataboko, ka kaya vua, “Kua ni yalolailai, tu cake, sa kacivi Iko fiko mai ko koya” 50Sa qai biuta laivi na nona i ubi balavu, ka lade cake, ka lako sara vei Jisu. 51Sa qai kaya vua ko Jisu, “Na cava ko vinakata me'u cakava vei Iko?” A mani kaya na tamata mataboko vua, “Kemuni na i Vakavuvuli, me'u rai rawa.” 52Sa qai kaya vua ko Jisu, “Mo lako ga; sa vakabulai iko na nomu vakabauta” A sa rai rawa vakasauri na matana, ka mai muri Jisu sara yani e gaunisala.

will be added

X\