LUKE 9

1Sa qai kacivi iratou vata na lewe tinikarua ko Jisu, ka solia vei rratou na kaukauwa mana kei na lewa me ratou rawai ira kece ga na tevoro, ka vakabula tale ga na veimataqaIi mate. 2Sa qai talai Iratou yani me ratou vunautaka na matanitu ni Kalou, ka veivakabulai. 3Sa qai kaya vei Iratou, “Dou kakua ni kauta e dua na ka e na nomudou i lakolako; me kua na i titoko, se na taga, se na kakana, se na i lavo, se me yarua na nomudou sote. 4Na vale kece ga dou sa curu krna, dou tiko ga kina, ka yacova ni dou sa cavutu tale mo dou lako. 5Ia na verkoro kece ga era sega ni vakacegui kemudou, dou kuretaka laivi kina na kuvu ni qele mai na yavamudou ni dou sa biuta na koro koya, me vakaraitaki kina vei rra ni ra sa cala.” 6E ratou sa qai cavutu ka vakalakova na veikoro kece ga ka vunautaka kina na i Tukutuku Vrnaka, ka ia na veivakabulai e na veivanua kece ga. 7Sa qai rogoca na i liuliu ko Eroti na ka kece ga sa yaco trko, ka sa kidroa kina na yalona, ni ra sa tukuna e so ni sa tucake tale mai na mate ko Joni, 8ka so tale ni sa rairai tale mai ko Ilaija, ka so tale, ni sa tucake tale e dua vei rra na parofita e liu. 9Sa qai kaya ko Eroti, “Au a tamusuka na ulu i Joni, ia ko cei beka au sa mai vakarogoca fiko oqo na kena i tukutuku?” Ka sa saga sara me raici koya. 10Ia ni ratou sa lesu tale yani na i apositolo, e ratou sa tukuna vei Jisu na veika e ratou a cakava. Sa qai kauti iratou ko koya ka lako vakatikitiki ki na koro ko Peciseita. 11Ia ni ra sa rogoca na ka koya na lewe vuqa era sa qai muri koya, ka sa vakacegui ira ko koya, ka vunautaka vei ira na veika ni matanitu ni Kalou, ka vakabulai ira era via vakabulai. 12Ia ni sa kala na siga, e ratou sa qai lako na lewe tinikarua ka kaya vua, “Ni vakatalai ira mada oqo me ra lako ki na veikoro kei na veitikotiko voleka me ra moce ka qara kina na kedra, ni da sa tiko oqo e na vanua lala.” 13Sa qai kaya vei iratou ko koya, “Dou solia e so na ka me ra kania.” E ratou sa qai kaya, “E tu wale ga vei keitou e lima na i buli madrai kei na rua na ika. Ko ni vinakata me keitou la'ki voli kakana me baleti ira kece oqo?” 14(Ni rauta tiko ni ra lewe lima na udolu na tagane.) Sa qai kaya vei iratou na nona tisaipeli, “Kaya vei ira me ra dabedabe yalimasagavulu” 15E ratou sa mani cakava vaka kina, ka ra sa dabe kece na tamata. 16Sa qai taura ko koya na i buli madrai e lima kei na ika e rua, ka sa qai tacake ki lomalagi, ka vakavinavinakataka ka dovia, ka solia vei ira na tisaipeli me ra tauca vei ira na lewe vuqa. 17Era sa qai kana ka mamau kece ga. A ra sa kumuna vata na veika sa vo ka sa sinai e tinikarua na sova. 18E na dua na gauna e a masu taudua tiko kina ko Jisu, ka ratou sa qai lako yani vua na tisaipeli. Sa qai tarogi iratou ko koya, ka kaya, “O cei beka era kaya tiko na tamata ni ko i au?” 19E ratou sa qai sauma ka kaya, “Ko Jom na Dauveipapitaisotaki; e so era kaya, ni ko Ilaija; ka so tale, ni sa tu cake tale mai e dua vei ira na parofita e liu.” 20Sa qai kaya vei iratou ko koya, “Ia ko cei ga ko dou kaya ko i kemudou ni ko i au?” Sa qai sauma ko Pita, “Ko i kemuni na Karisito ni Kalou.” 21Ia e a vakadreta ka vakarota vei iratou ko Jisu me ratou kakua ni tukuna na ka koya vua e dua, 22ka kaya, “Sa kena dodonu ga me na sota kaya mada na veika rarawa e vuqa na Luve ni Tamata, ka me ra na sega ni via vakabauti koya ko ira na qase, kei ira na bete levu, kei ira na daunilawa ka me na vakamatei, ka qai vakaturi cake tale e na i katolu ni siga.” 23Sa qai kaya vei ira kece ga na tamata, ko koya, “Kevaka e dua sa via muri au, me kakua ni muria na lomana, ia me colata ga na nona kauveilatai e na veisiga; ka muri au. 24Ni ko koya yadua e via maroroya na nona bula e na vakayalia, ia ko koya yadua e vakayalia na nona bula e na vukuqu e na maroroya. 25Na cava na kena yaga vua na tamata kevaka e rawati vuravura taucoko ka vakayali koya kina vakai koya? 26Ni ko koya yadua e na maduataki au kei na noqu vosa, e na maduataki koya na Luve ni Tamata, ni sa lako mai e na nona lagilagi, kei na lagilagi i Tamana, kei na nodra na agilosi yalosavasava. 27Ia au kaya vakaidina vei kemudou, era tucake tu oqo e so era na sega mada ni mate, me yacova ni ra sa raica na matanitu ni Kalou.” 28Ia ni sa oti e walu beka na siga na kena a tau na veivosa koya, sa qai kauti Pita kei Joni kei Jemesa ko Jisu, ka lako cake ki na ulunivanua me masu kina. 29Ia ni sa masu tiko, sa qai tavuki na i rairai ni matana, ka sa vulavula lumilumisa na nona i sulu. 30Ka ratou qai kurabui e rau sa veivosaki tiko kei koya e lewe rua na tamata: ko Mosese kei Ilaija. 31E rau a vakaiserau tu ko i rau ka ratou veivosakitaka na i lakolako ni nona vakarau biuti vuravura kina ko Jisu, me vaka sa lesia oti tu na Kalou me na yaco mai Jerusalemi. 32A sa biti Pita vakalevu kei rau na tiko kaya na via moce, ia e ratou a yadra tiko ga, ka ratou a raica kina na i serau i Jisu kei rau na rua ka ratou tu vata tu. 33Ni rau sa takali tiko yani mai vei koya, sa qai kaya ko Pita vei Jisu, “Turaga, sa daumaka dina na nodatou tiko e ke, me keitou tara mada e tolu na vakatunuloa, e dua me nomuni, ka dua me nei Mosese, ka dua me nei Ilaija.” Ia sa sega tiko ni kila na ka e kaya. 34Ni sa vosa tiko ga vaka koya, sa lako yani e dua na o ka vakarurugi iratou, ka ratou sa rere ni sa solegi iratou na o. 35Sa qai rogo mai e dua na domo mai na o ka kaya, “Oqo na noqu Gone ni Toko, dou rogoci koya.” 36Ia ni sa rogo oti na domo, sa qai laurai duadua ga ko Jisu. E ratou sa qai vunia voli ga na ka e ratou a raica ka sega ni bau tukuna vua e dua e na gauna koya.” 37E na siga ka tarava, ni ratou sa lako sobu mai na ulunivanua, era a sota kei koya e dua na i lala levu. 38Ka raica, sa kaci e dua vei ira na lewe vuqa ka kaya, “Na i Vakavuvuli, au masuti kemuni, mo ni raica mada na luvequ tagane, ni sa i koya na luvequ e dua bau; 39ka raica, e dau curumi koya tiko e dua na yalo, ka mai bitabitalaki koya yani me yacova ni sa vuso mai na gusuna, ka vakamavoataki koya ka dredre me dau laivi koya. 40Au sa vakamasuti iratou oti na nomu tisaipeli me ratou vakasava tani, ia e ratou a sega ni rawata.” 41Sa qai sauma ko Jisu, ka kaya, “Na i tabatamata tawa vakabauta ka yalo vakatani; a cava soti na dede ni gauna me'u tiko vata voli kina kei kemudou, ka vosoti kemudou tiko? Kauta mai ki ke na luvemu!” 42Ia ni sa lako tiko vua na gone, sa qai baci vaqiqici koya tale na tevoro ka bitabitalaki koya. Sa qai karaca na yalo velavela ko Jisu, ka vakabula na gone, ka soli koya tale vei tamana. 43Era a qoroqoro kece ga e na kaukauwa levu ni Kalou. Ia ni ra se vaqoroqoroya kece tiko ga na veika kece e cakava ko Jisu, sa qai kaya vei iratou na nona tisaipeli, ko koya, 44“Dou nanuma vakavinaka sara tiko na vosa oqo; e na soli yani na Luve ni Tamata ki na ligadra na tamata.” 45Ia e ratou a sega ni kila na i balebale ni vosa koya. E a vunitaki vei iratou, me ratou kakua ni kila, ka ratou a rere tale ga ni tarogi koya kina. 46Sa qai tubu na veiba e na kedratou maliwa se ko cei mada e liu duadua vei iratou. 47Ia ni sa kila ko Jisu na nanuma ni lomadratou sa tubera e dua na gone lailai, ka vakatura e tikina, 48ka qai kaya vei iratou, “O koya yadua e vinakata na gone lailai oqo e na yacaqu sa vinakati au; kei koya yadua e vinakati au, sa vinakati koya e a talai au mai; ni ko koya e lailai duadua vei kemudou kece sa i koya ga e levu duadua” 49Sa qai kaya ko Joni, “Turaga, keitou a raica e dua na tamata ni vakasavi ira tani na tevoro e na yacamuni, ka keitou a via tarovi koya, ni sega ni dua vei kedatou ko koya.” 50Ia sa qai kaya ko Jisu, “Kakua ni tarovi koya, ni ko koya ga e sega ni veimecaki kei kemudou sa to vata kei kemudou.” 51Ia ni sa voleka mai na gauna me kau cake kina ko Jisu, sa vagolea matua na matana me lako ki Jerusalemi, 52ka talai iratou na nona i talai me ratou liu vua. E ratou sa lako ka curuma e dua na nodra koro na kai Samaria me ratou vakarautaki koya kina. 53Ia era a sega ni vakadonuya na lewe ni koro koya me curu kina ni sa matata vinaka vei ira ni lako tiko ki Jerusalemi ko koya. 54Ia ni rau sa raica na nona tisaipeli ko Jemesa kei Joni, e rau sa qai kaya, “Turaga, ko ni vinakata me keirau kaciva na buka waqa me lako sobu mai lomalagi me vakamai ira?” 55Sa qai vuki ga ka vunauci rau, [ka kaya “Drau sa sega ni kila na yalo sa tiko vei kemudrau: 56ni sa sega ni lako mai na Luve ni Tamata me vakamatei ira na tamata, me vakabulai ira ga”] E ratou sa mani lako sara ki na dua tale na koro. 57Ni ratou sa lako tiko e sala, sa qai kaya e dua vei Jisu, “Au na muri kemuni ki na veivanua kece ga ko ni lako kina.” 58Sa qai kaya vua ko Jisu, “Era vaqara na fokisi, ka ra vakasova na manumanu vuka, ia na Luve ni Tamata e sega na nona tikina me vakadavora kina na uluna.” 59Sa qai kaya ko Jisu vua e dua tale, “Muri au.” Ia sa qai kaya ko koya, “Turaga, me'u lako mada, ka buluti tamaqu rawa.” 60Ia sa qai kaya vua ko Jisu, “Laivi ira na mate me ra buluta na nodra mate; ia ko iko mo lako ga ka vunautaka na matanitu ni Kalou.” 61Sa qai kaya e dua tale, “Au na muri kemuni Turaga, ia me'u la'ki veitatau mada kei iratou mai neitou.” 62Sa qai kaya vua ko Jisu, “E sega ni dua sa taura na i siviyara ka qai rai tale tiko ki muri me veiganiti kei na matanitu ni Kalou”

will be added

X\