LUKE 3

1E na i katinikalima ni yabaki e a veiliutaki tiko kina na Tui ko Tiperiu, a kovana tiko mai Jutia ko Ponitio Pailato, ka i liuliu mai Kalili ko Eroti, ka i liuliu mai Ituria kei na vanua ko TIrakoniti ko Filipi na tacina, ka i liuliu mai Apilini ko Laisenia, 2donuya ni rau bete levu tiko ko Anasa kei Kaiafa, sa qai yaco na vosa ni Kalou vei Joni na luve i Sakaraia e na vanua lala. 3Sa qai lako ko koya ki na veivanua taucoko e tiko volekata na Joritani, ka vunautaka voli me ra papitaiso ko ira sa veivutuni me bokoci kina na i valavala ca, 4me vaka sa volai tu e na i vola i Aisea na parofita, “Na domona e dua sa kacikaci voli e na loma ni vanua lala: Ni caramaka na sala ni Turaga, cakava me dodonu na nona gaunisala. 5E na bulutaki cake na veiqakilo kece ga, ka na talaraki sobu na veiulunivanua kei na veidelana kece ga. Ka na vakadodonutaki na veika veve, ka na vakalogalogavinakataki na veisala sukusukura; 6era na raica tale ga na veivakabulai ni Kalou na tamata kece ga.” 7Sa qai kaya kina ko Joni vei ira na lewe vuqa ka ra lako yani me papitaisotaki ira ko koya, “Oi kemuni na kawa ni gata, ko cei sa qai vakasalataki kemuni mo ni dro tani mai na cudru sa bera tiko mai? 8Ni vakaraitaka na nomuni veivutuni, e na nomuni cakacaka ka kakua ni tekivu mo ni veikayaka vakai kemuni, ʻNa tama i keimami ko Eparaama.ʼ Ni'u sa kaya vei kemuni, sa rawa vua na Kalou me vakatubura na luve i Eparaama mai na veivatu oqo. 9Sa toka sara ga oqo na matau e na veivunikau; ka sa tatalaki sobu tiko kina na kau kece ga era sega ni vuataka na vua vinaka, ka ra biu ki na bukawaqa” 10Era sa qai tarogi koya na lewe vuqa ka kaya, “Ia na cava me keimami cakava?” 11Sa qai sauma ka kaya vei ira, “Ko koya e rua na nona sote me solia e dua vua e sega na nona; ko koya e tu vua na kakana me kitaka vaka tale ga kina .” 12Era sa qai lako tale ga yani na daukumuna na i vakacavacava me ra papitaisotaki, ka ra kaya vua, “Na i Vakavuvuli, na cava me keimami cakava?” 13Sa qai kaya vei ira ko koya, “Ni kakua ni taura na ka e levu cake mai na ka e vakaroti vei kemuni.” 14Ko ira tale ga na sotia era sa tarogi koya, ka kaya, “Na cava me keimami cakava?” Sa qai kaya vei rra ko koya, “Ni kakua ni taura vakaukauwa na i lavo mai vua e dua na tamata se beitaki koya vakailasu. Ni kakua tale ga ni didivaka na kemuni i sau” 15Sa tubu cake na nodra vakanuinui na tamata, ka ra vaqaqa e lomadra na ka e baleti Joni se sa i koya na Karisito se sega. 16Sa qai vosa ko Joni ka kaya vei Ira kece ga., “Au papitaisotaki kemuni fiko e na wai, ia sa lako tiko mai ko koya e levu cake vei kerrau, ka sega mada ni rauti au me'u sereka na wa ni nona i vava. E na papitaisotaki kemuni ko koya e na Yalo Tabu kei na buka waqa. 17Sa taura tu e ligana na nona i sivi ni sila, me samaka kina na nona buturara ni caka sila. E na binia vata na sila ke na nona lololo, ka na qai vakama na qana e na buka waqa e sega ni bokoci rawa.” 18A vunautaka na i Tukutuku Vrnaka ko Joni e na vuqa na sala, ka vakauqeti rra kina na tamata me ra veivutuni. 19Ia ko Eroti, na i liuliu, o koya ka a vunauca ko Joni e na vuku i Erotiasa na wati Filipi na tacina, kei na vuku ni verka ca kece ga sa cakava oti ko koya; 20sa qai vakuria sara na nona ca e na nona biuti Joni ki na valeniveivesu. 21Ni ra sa papitaisotaki na tamata, sa papitaisotaki tale ga ko Jisu. Ia ni sa masu trko ko koya sa qai wase rua na lomalagi, 22ka sa lako sobu mai vua na Yalo Tabu, me vaka na ruve, ka sa rogo mai e dua na domo mai lomalagi, ka vaka, “Ko Iko na noqu Gone ni Toko ka'u sa dau vrnakati Iko vakalevu.” 23Ni sa tekivutaka na nona cakacaka ko Jisu, sa yabaki tolusagavulu, ka a kainaki voli ni ko koya e luve i Josefa, na luve i Ili, 24na luve i Macati, na luve i Livai, na luve i Meliki, na luve i Janai, na luve i Josefa, 25na luve i Mataceia, na luve i Emosi, na luve i Neumi, na luve i Esili, na luve i Nakai, 26na luve i Maaci, na luve i Mataceia, na luve i Semei, na luve i Josefa, na luve i Juta, 27na luve i Joanani, na luve i Risa, na luve i Serupepeli, na luve i Salacieli, na luve i Niri, 28na luve i Meliki, na luve i Ati, na luve i Kosami, na luve i Elimotama, na luve i Eri, 29na luve i Josua, na luve i Iliesa, na luve oi Jorima, na luve i Macati, na luve i Livai, 30na luve i Simione, na luve i Jutasa, na luve i Josefa, na luve i Jonami, na luve i Elaiakimi, 31na luve i Melea, na luve i Menani, na luve i Mataca, na luve i Necani, na luve i Tevita, 32na luve i Jese, na luve i Opeti, na luve i Poasa, na luve i Salimoni, na luve i Nasoni, 33na luve i Amenatave, na luve i Atamini, na luve i Erami, na luve i Eseroma, na luve i Veresi, na luve i Juta, 34na luve i Jekope, na luve i Aisake, na luve i Eparaama, na luve i Tera, na luve i Neori, 35na luve i Seruka, na luve i Rekau, na luve i Peleki, na luve i Eperi, na luve i Sela, 36na luve i Keinani, na luve i Arivakisati, na luve i Semi, na luve i Noa, na luve i Lemeki, 37na luve i Maciusela, na luve i Inoke, na luve i Jereti, na luve i Malelili, na luve i Kenana, 38na luve i Inosi, na luve i Seci, na luve i Atama, na luve ni Kalou.

will be added

X\