LUKE 23

1Era sa qai cavu tu kece sara ka kauti Jisu ki na mata i Pailato. 2Era sa vakatekivu me ra beitaki koya, ka kaya, “Keimami sa kunea na tamata oqo ni sa vagolei ira vakatani na noda lewe ni vanua, ka sa tarova me keimami soli i vakacavacava vua na Sisa, ka kaya voli ni sa i koya ga na Karisito, na Tui” 3Sa qai tarogi koya ko Pailato, ka kaya, “Sa i iko li na nodra Tui na Jiu?” Sa qai sauma ko koya vua, ka kaya, “Ko sa kaya vaka kina.” 4Sa mani kaya ko Pailato vei ira na bete levu kei ira na lewe vuqa, “Au sega ni raica e dua na cala vua na tamata oqo.” 5Ia era sa qai cike matua ga ka kaya, “Sa vakayavalati ira tiko na tamata e Jutia taucoko ko koya e na nona i vakavuvuli, mai Kalili ka yaco sara mai ki na vanua oqo.” 6Ni sa rogoca koya ko Pailato, sa mani taroga sara se sa kai Kalili ko koya se sega. 7Ia m sa rogoca ni lewe ni yasana e veiliutaki kina ko Eroti ko koya, sa mani vakauti koya sara vei Eroti, ka ni fiko voli sara ga ko koya e Jerusalemi e na gauna koya. 8Ia ni sa raici Jisu ko Eroti sa marau sara, ni sa dede na gauna e via raici koya fiko kina. E a sa dau rogoca voli ga ko Eroti na ka e baleti koya, ka nuitaka tale ga me na raici koya ni cakava e so na caka mana. 9E a mani vakatarogi koya krna vakabalavu, ia e a sega ga ni bau sauma e dua na ka ko Jisu. 10Era a tu voleka tu e kea na bete levu kei Ira na daunilawa, ka beitaki koya vakaukauwa. 11Era sa qai vakasewasewani koya ka vakalialiai koya, ko Eroti kei rra na nona sotia, ka ra vakasuluma e na dua na i sulu totoka, ka vakauti koya tale vei Pailato. 12A mani yaco me rau sa qai veivinakati tale ko Eroti kei Pailato e na siga koya, ka ni rau a veicati tu e liu. 13Sa qai soqoni ira vata na bete levu ko Pailato, kei ira na i liuliu kei ira na tamata, 14ka kaya vei ira, “Ko ni kauta mai vei au na tamata oqo me vaka e dua e vagolei ira vakatani na tamata, ia ni'u sa vaqaqai koya oti e na matamuni, mo ni kila, ni'u a sega ni raica ni cala na tamata oqo e na dua na ka ko ni beitaki koya kina. 15E a sega tale ga ni kunea vaka kina e dua nona cala ko Eroti, ni sa vakauti koya tale mai vei au. Mo ni kila, ni sega na ka e cakava ko koya ka dodonu me mate kina. 16O koya gona oqo au sa na vakanakuitataka ga kina ka sereka.” [ 17Sa dodonu me dau sereka vei ira ko koya e dua na tamata e na veigauna ni Kanavata ni Lako Sivia.] 18Era sa qai kaila keee ka kaya, “Mc kau tani na tamata oqori, ka me sereki mai vei keimami ko Parapa!” 19Ko Parapa oqo, na tamata ka a biu ki na valeniveivesu e na vuku ni dua na veisei ka a tubu e na koro levu koya, kei na dua tale ga na laba. 20Ia ni sa gadreva tiko ko Pailato me sereki Jisu sa vosa tale kina vakadua vei ira ko koya. 21Ia era sa qai kaila ga ka kaya, “Vakota ga ki na kauveilatai! Vakota ga ki na kauveilatai!” 22Sa qai kaya tale vei ira ko Pailato e na i katolu ni gauna, “A ca cava e kitaka ko koya? Au sega ni kunea vua e dua na ka sa dodonu me mate kina. O koya gona au sa na vakanakuitataki koya ga kina ka sereka.” 23Ia era a cikevi koya matua e na domolevu, ka kerea me lauvako ga ko Jisu e na kauveilatai. Sa mani rogoci na domodra. 24Sa qai lewa ko Pailato me sa vakayacori ga na ka era kerea na tamata. 25A sa sereka ko koya na tamata era a kerea; ko koya ka a biu ki na valeniveivesu e na vuku ni veisei kei na laba, ia sa soli Jisu vei ira me ra cakava vua na ka e lomadra. 26Ia ni ra sa kauti Jisu tiko, era sa qai tauri Saimoni, e dua na kai Kirini, (ni a se qai lako tiko mai loma ni vanua me curu ki na koro,) ka vakataqara vua na kauveilatai, me colata ka muri Jisu. 27Era sa qai muri Jisu e dua na i lala tamata levu; era a tagi ka veiosivaki koya e so na yalewa era a tiko kina. 28Ia e a qai vuki ko Jisu ka kaya vei ira, “O i kemudou na yalewa ni Jerusalemi, dou kakua ni tagicaki au, dou tagicaki kemudou ga kei ira na luvemudou. 29Dou kila, sa voleka mai na gauna era na kaya kma na tarnata, ʻSa kalougata ko ira na yava, kei na kete ka sega ni sa sueu mai kina na gone, kei na sucudra ka sega ni sa vakasucuma na gone!' 30Era na tekivu kaya kina ki na veiulunivanua, ʻBaleti keimami mai!' ka kaya tale ga ki na veidelana, ʻUbi keimami mai.ʼ 31Ni kevaka era cakava na veika oqo ni sa drokadroka tu na kau, na cava e na yaco ni sa madu?” 32E lewe rua tale ga na tamata dauvakacaca, e rau a la'ki vakamatei vata kei koya. 33Ni ra sa yaco ki na vanua sa vakatokai Na Qavokavoka era sa mani vakoti koya e kea kei rau na tamata dauvakacaca; e dua e na yasana i matau ka dua e na yasana i mawi. 34Sa qai kaya ko Jisu, “I Tamaqu, ni vosoti ira ga; ni ra sega ni kila na ka era cakava tiko.” Era sa qai vakawiri madigi me ra wase na nona i sulu. 35Era a tu cake tu e kea na tamata, ka vakararai tu; ia ko ira na nodra i liuliu na Jiu, era a vakalialiai koya, ka ra kaya, “E a dau vakabulai ira na tani ko koya, me tei vakabulai koya mada, ke sa i koya dina na Karisito, na lumuti ni Kalou!” 36Era a vakalialiai koya tale ga na sotia, ka ra lako cake yani ka solia vua na wai wiwi, 37ka kaya, “Ke sa i iko dina na nodra Tui na Jiu, vakabulai iko mada!” 38A sa volai toka e cake vua na vosa oqo, “Oqo na nodra Tui na Jiu.” 39Sa qai vosa vakacataki koya e dua vei rau na tamata dauvakacaca ka ratou rube vata tu, ka kaya, “E sega li ni ko iko na Karisito? Vakabulai iko mada kei keirau!” 40Ia sa qai karaci koya ko koya kadua, ka kaya, “Ko sega beka ni rerevaka na Kalou, ni ko sa lewai mo mate tale ga vakataki koya ko iko? 41Sa dodonu na lewa e tau vei kedaru, ni sa rauti kedaru ga na i sau ni nodaru i valavala, ia na tamata oqo e sega na ka ca e a cakava.” 42Sa qai kaya “Jisu, ni nanumi au ni ko ni sa lako yani ki na nomuni matanitu!” 43Sa qai kaya vua ko Jisu “Au sa kaya vakaidina vei iko, edaidai e daru na tiko vata mai Parataisi” 44Sa rauta tiko koya na sigalevu tutu, ka sa butobuto na vanua taucoko me yacova na tolu e na yakavi; 45ka sa kasei rua na i latilati ni Valenisoro. 46Sa qai kaci e na domo levu ko Jisu, ka kaya, “I Tamaqu, au sa solia na yaloqu ki na ligamuni!” Ni sa cavuta oti ga koya, sa cavuka sara na nona i cegu. 47Ia ni sa raica na turaganivalu na veika sa yaco, sa qai vakacaucautaka na Kalou, ka kaya, “Sa dina ga ni a sega ni cala na tamata oqo!” 48Ia ko ira kece na lewe vuqa era a soqo yani ki kea me ra sarava na veika koya, era sa tavia na lomaseredra e na rarawa ka lesu tale. 49Era a tu cake vakayawa tu ga yani ka raica na veika koya ko ira kece na nona veikilai kei iratou na yalewa ka ratou a se tekivu muri koya sara tiko mai Kalili. 50Ko Josefa e dua na lewe ni bose; e tamata vinaka ka dodonu. 51E a sega ni lomavata ko koya kei na nodra i naki kei na ka era cakava ko ira na kena vo. E kai Arimacea ko koya; ko Arimacea e dua na koro e na yasana ko Jutia. A bau waraka voli tale ga ko koya na yaco mai ni matanitu ni Kalou. 52Sa qai lako na tamata oqo vei Pailato ka la'ki kerea na yago i Jisu. 53Sa qai luvata ki ra na yago ko Josefa ka solega e na dua na i sole lineni, ka laʼki vakotora e na dua na i bulubulu ta e na vatu, ka sa bera ni bau vakotori kina e dua e liu. 54Ia na siga koya na siga ni Vakavakarau, ka sa roro sara mai na Siga ni Vakacecegu. 55E ratou a muri tiko ga yani na yalewa ka cavutu mai Kalili, ka raica na i bulubulu, kei na kena vakotori na yago i Jisu. 56E ratou sa mani lesu ka vakarautaka na i saluwaki kei na waiwai boi vinaka. E ratou a vakacegu ga e na Siga ni Vakacecegu me vaka na kena i vakaro.

will be added

X\