LUKE 22

1Sa voleka mai na gauna ni Kanavata ni Madrai Sega ni Vakaleveni, ka vakatokai na Lakosivia. 2Era a vakasaqara fiko na bete levu kei Ira na daunilawa e dua na sala me ra vakamatei Jisu kina; ni ra rerevaki ira tiko na tamata. 3Sa qai curu ko Setani ki na loma i Jutasa, o koya ka yacana tale ga ko Isikarioti, ka dua vei Ira na lewe finikarua. 4A lako ko koya ka veivosaki kei ira na bete levu kei ira na i liuliu ni ovisa ni Valenisoro se me na vakatakilai Jisu vakacava vei ira. 5Era sa marau sara ko ira koya ka ra yalataka vua na i lavo. 6Sa mani vakadonuya ko koya, ka sa vakasaqara e dua na gauna vinaka, ni ra yali tu na lewe vuqa, me na vakatakilai Jisu kina vei Ira. 7Sa qai yaco mai na siga ni Kanavata ni Madrai Sega ni Vakaleveni, na gauna ka dau vakacabori kina na lami me baleta na Lakosivia. 8Sa qai talai Pita kei Joni ko koya, ka kaya, “Drau la'ki vakarautaka na kakana ni Lakosivia me datou kania.” 9E rau sa kaya vua, “E vei ko ni vinakata me keirau la'ki vakarautaka kina?” 10Sa qai kaya vei rau ko koya, “Drau raica, ni drau sa curu ki na koro, drau na sota kaya e dua na tamata e cola tiko e dua na saqa wai; drau muri koya ki na vale e la'ki curu kina. 11Ka mo drau kaya vua na i taukei ni vale, ʻE tukuna mai na i Vakavuvuli, me tukuni vei kemuni e vei na tiki ni vale me keitou kania kina na kakana ni Lakosivia kei iratou na noqu tisaipeli?ʼ 12E na qai vakaraitaka vei kemudrau e dua na rumu levu e na i taba vale e cake sa vakaiyaya tu; drau la'ki vakarau kina.” 13E rau sa mani lako ka raiea me vaka sa tukuna ko koya vei rau, ka rau a vakarautaka sara na kakana ni Lakosivia. 14Ia ni sa yaco mai na kena gauna, sa tiko sobu ko Jisu, kei iratou na i apositolo me ratou kana. 15Sa qai kaya vei iratou, “Au sa gadreva vakalevu me'u kania vata kei kemudou na kakana ni Lakosivia oqo ni bera ni'u vakararawataki: 16ni'u sa kaya vei kemudou, au na sega ni kania tale me yacova ni sa vakaraitaki e na matanitu ni Kalou.” 17Sa qai taura e dua na bilo, ni sa vakavinavinaka oti sa qai kaya, “Taura oqo ka vota vei kemudou. 18Ni'u sa kaya vei kemudou, me tekivu oqo au na sega tale ni gunuva na vua ni vaini me yacova ni sa lako mai na matanitu ni Kalou” 19Sa qai taura e dua na i madrai, ka vakavinavinaka vua na Kalou, dovia, ka solia vei iratou, ka kaya, “Oqo na yagoqu [sa soli e na vukumudou. Dou dau cakava tiko oqo mo dou vakananumi au kina.” 20Sa vaka tale ga kina na bilo ni sa oti i vakayakavi, sa kaya ko koya, “Na bilo oqo na veiyalayalati vou ni Kalou sa caka e na noqu dra, na dra ka sa liviraki e na vukumudou.] 21“Ia raica, keirau sa tiko vata e na teveli oqo kei koya e na vakatakilai au vei ira na noqu meca. 22Sa na lako na Luve ni Tamata me vaka sa lewa oti tu na Kalou, ia sa kalouca ga na tamata ka na vakatakilai koya vei ira na nona meca!” 23E ratou sa qai veitarotarogi vakai iratou se ko cei mada e na cakava na ka koya. 24E a qai tubu e dua na veiba e na kedratou maliwa, se ko cei vei iratou me na okati me ka levu duadua. 25Sa qai kaya vei iratou ko koya, “Era dau vakacola sau na nodra tui na kai veimatanitu tani ki vei ira na nodra tamata, ka ra sa vakatokai ko ira na nodra dau veiliutaki me ra Dauloloma. 26Ia me kakua ni vaka koya vei kemudou, ka me yaco ga ko koya e levu duadua vei kemudou me vaka e gone duadua, kei koya e veiliutaki me vaka e dua ka dauveiqaravi. 27O cei vei rau e levu cake, ko koya e dabe me kana se ko koya e veiqaravi? E sega li ni ko koya e dabe me kana? Ia ko i au, au sa tiko vata ga kei kemudou me vaka e dua e dauveiqaravi. 28“Sa i kemudou ga ko dou a tu vata tu kei au e na veika au a vakatovolei kina. 29Ia me vaka ga sa solia vei au ko Tamaqu e dua na matanitu, au sa solia vaka tale ga kina na matanitu vei kemudou. 30Mo dou kana kina ka gunu e na noqu teveli e na noqu matanitu, ka dabe e na i dabedabe vakatui ka vakatulewa vei ira na yavusa e tinikarua ni Isireli. 31“I Saimoni, I Saimoni, kila, sa sagai kemudou tiko ko Setani, me tauvuloni kemudou me vaka na witi; 32ia au sa masulaki Iko oti me kakua ni malumalumu rawa na nomu vakabauta. Ni ko sa saumaki tale mai, vakaukauwataki Iratou na tacimu” 33Sa qai kaya ko Pita vua, “Turaga, au sa vakarau tu me'u lako vata kei kemuni ki na valeniveivesu kei na mate tale ga!” 34Sa qai kaya vua ko Jisu, “Au tukuna vei iko Pita, ni sa bera ni tagi na toa e na siga edaidai, ko sa na cakitaka vakatolu na nomu kilai au.” 35Sa qai kaya vei iratou ko Jisu, “E na gauna au a talai kemuni wale kina ka sega ni ko ni kauta e dua na taga ni lavo se taga ni vaqa, se na i vava, ko ni a leqa li e na dua na ka?” E ratou sa qai kaya, “E sega sara.” 36Sa qai kaya tale vei iratou ko koya, “Ia oqo ko koya e tiko na nona taga ni lavo me kauta tiko, ka vaka kina na taga ni kakana; kei koya e sega na nona i seleiwau, me volitaka na nona i sulu ka volia kina e dua. 37Ni'u sa tukuna vei kemudou, ni sa na vakayacori dina vei au na tiki ni Vola Tabu oqo, ʻKa sa wili vata ko koya kei ira na tamata talaidredre,ʼ ni ra sa na vakayacori ga na veika sa volai tu me baleti au.” 38E ratou sa qai kaya vua, “Turaga, ni raica, sa tu oqo e rua na i seleiwau” Sa qai kaya vei iratou ko koya, “Sa rauta oqori” 39Sa qai curu ki tautuba ko Jisu, ka lako ki na Delana Veiolive me vaka na nona i vakarau; ka ratou sa muri koya na tisaipeli. 40Ia ni sa yaco ki na tikina koya sa qai kaya vei iratou, “Dou masu mo dou kakua ni rawai e na vere.” 41Sa qai biuti iratou ko koya ka toso vakayawa toka vakalailai, rauta na yawa ni vanua e viritaki rawa kina e dua na vatu, ka sa tekiduru ka masu, ka kaya, 42“I Tamaqu, kevaka sa lomamuni ni kauta tani vei au na bilo oqo; ia me kakua ni yaco na lomaqu, me yaco ga na lomamuni” [ 43Sa qai rairai mai vua e dua na agilosi mai lomalagi, ka mai vakaukauwataki koya. 44Ni sa yaluma vakalevu sara na yalona, sa qai masu vagumatua cake ga kina; ka sa yaco me vaka na titiri ni dra na nona buno ni sa titiri ki na qele.] 45Ia ni sa tu cake mai na masu ko koya, sa lako tale vei iratou na tisaipeli ka raici iratou ni ratou sa moce tu, ni sa bibi vakalevu na lomadratou. 46Sa qai kaya vei iratou, “A cava ko dou moce tiko kina? Dou duri cake ka masu mo dou kakua ni rawai e na vere” 47Ia ni sa vosa tiko ga ko Jisu, era sa tokatu yani na lewe vuqa, ka liutaki ira yani na tamata ka vakatokai ko Jutasa, e dua vei Iratou na lewe tinikarua. A toro voleka yani vei Jisu ko koya ka reguca. 48Sa qai kaya vua ko Jisu, “I Jutasa, ko sa vakatakila na Luve ni Tamata vei ira na nona meca e na dua na i regu?” 49Ia ni ratou sa raica na tu volekati koya na ka e na vakarau yaco, e ratou sa kaya sara, “Turaga, me keitou sa vakayagataka na neitou i seleiwau?” 50E dua vei iratou e a mani taya sara na nona tamata na Bete Levu, ka muduka laivi kina na daligana i matau. 51Sa qai kaya ko Jisu, “Kakua! Sa rauta koya!” Sa qai tara na daliga ni tamata koya ka vakabula. 52Sa qai kaya ko Jisu, vei ira na bete levu kei rra na i liuliu ni ovisa ni Valenisoro, kei ira na qase, ka ra a lako yani me ra vesuki koya, “O i au beka na daubutako, mo ni lako tu mai kina vakaoqori kei na nomuni i seleiwau kei na i wau?” 53Ni'u a tiko vata kei kemuni e na siga kei na bogi e na Valenisoro, ko ni a sega ni bau tarai au. Ia sa nomuni kei ira na veiliutaki e na butobuto na gauna oqo.” 54Era sa qai tauri Jisu, ka tubera yani ka kauta ki na vale ni Bete Levu. E a muri tiko yani vakayawa ko Pita. 55Ia ni ra sa vakawaqa na buka e na veimama donu ni buturara, era sa qai tiko wavolita, ka sa dabe vata kei ira ko Pita. 56Ia ni sa raici koya e dua na yalewa dauveiqaravi ni tatalai tiko e na buka, sa mani vakaraici koya matua toka, ka kaya, “Na tamata tale ga oqo e dau tiko vata kei Jisu!” 57Ia e a qai cakitaka ko koya, ka kaya, “Yalewa au sega ni kilai koya!” 58Dede tale vakalailai e a raici koya e dua tale na tamata, ka kaya, “O iko tale ga e dua vei ira!” Ia e a kaya ga ko Pita, “O iko, e sega ni o i au !” 59Ni oti tale e rauta e dua na aua, e a mai vakadeitaka matua tale e dua, ka kaya, “Na tamata oqo e dau tiko vata dina kei Jisu, ni sa kai Kalili ko koya!” 60Ia e a qai kaya ko Pita, “O iko, au sega ni kila na ka ko kaya tiko!” Ia e na gauna sara ga e sa vosa tiko kina ko Pita, sa tagi sara na toa. 61Sa qai vuki na Turaga ka rai vakadodonu sara vei Pita. Sa qai nanuma ko Pita na vosa ni Turaga, ni a kaya vua, “Ni bera ni tagi na toa edaidai, ko sa na cakitaka vakatolu na nomu kilai au.” 62A sa lako ko Pita ki tuba ka tagi vakararawa sara. 63Ia ko ira ka a tauri Jisu era sa vakalialiai koya, ka vakamokuti koya. 64Era a tabonaka tale ga na matana ka taroga, “Parofisaitaka mada se ko cei ka sabaki iko?” 65Era a kaya tale ga e vuqa tale na ka me ra vosa vakacacataki koya kina. 66Ia ni sa siga na vanua, era sa qai soqoni vata ko ira na nodra qase na Jiu, kei ira na bete levu kei ira na daunilawa, ka ra sa kauti koya yani ki na nodra matabose e cake, ka ra kaya, 67“Ke sa i iko na Karisito, tukuna vei keimami” Ia sa qai kaya vei Ira ko koya, “Ke'u tukuna vei kemuni, ko ni na sega ni vakabauta; 68ke'u tarogi kemuni, ko ni na sega ni sauma. 69Ia mai na gauna oqo ka lako yani, sa na fiko na Luve ni Tamata e na liga i matau ni Kalou kaukauwa” 70Era sa qai kaya kece vua, “Oi, sa i rko bagi na Luve ni Kalou?” Sa qai kaya vei Ira ko koya, “Ko ni sa kaya ni sa i au.” 71Era sa mani kaya, “Na i vakadrnadina cava tale e sa vo? Eda sa rogoca sara ga ko i keda mai na tebe ni gusuna!”

will be added

X\