LUKE 21

1E a tacake ko Jisu ka raici ira na vutuniyau ni ra biuta tiko na nodra i solisoli ki na kato ni lavo. 2A raica tale ga ko koya e dua na yada dravudravua ni biuta kina e rua na i lavo lalai sara. 3Sa qai kaya vei iratou ko koya, “Au sa kaya vakaidina vei kemudou, e levu cake na ka e solia na yada dravudravua koya mai vei ira na kena vo; 4ni ra soli ka ko ira kece koya mai na levu ni ka e bini tu vei ira; ia ko koya e solia na qavu ni ka sara ga e toka vua” 5Ia ni ratou a veitalanoataka tiko na Valenisoro e so vei iratou na tisaipeli, na kena ukutaki tu e na veivatu totoka kei na veimataqali i loloma ka ra tu kina, sa qai kaya ko Jisu, 6“Me baleta na veika dou sa raica tiko oqo, e na yaco mai na gauna e na sega ni vo tale e ke e so na vatu me ra veitaqataqai tu; era na talaraki sobu kece ga.” 7E ratou sa qai tarogi koya ka kaya, “Na i Vakavuvuli, e na yaco e naica na ka oqo, ka na cava na kena i vakatakilakila ni sa vakarau vakayacori?” 8Sa qai kaya ko koya, “Dou qarauna mo dou kakua ni vakacalai; ni ra na lako mai e lewe vuqa e na yacaqu, ka ra mai kaya, ʻSa i au ga ko koya!' ka ra na kaya tale ga, ʻSa i koya oqo na kena gauna!' Dou kakua ni muri Ira. 9Ni dou sa rogoca na veivaluvaluti kei na tiko veisei, dou kakua ni kidroa, ni sa dodonu me ra yaco mada na verka oqori; ia e na sega mada ni se yaco sara mai na i vakataotioti” 10Sa qai kaya vei iratou ko koya, “Era na veivaluvaluti na veivanua, kei na veimatanitu; 11e na yaco na uneune lelevu, kei na dausiga, kei na mate ca e na veivanua e so, ka na rairai na verka vakadomobula kei na i vakatakilakila lelevu e so mai lomalagi. 12Ia ni bera ni yaco na veika koya, era na tauri kemudou ka vakacacani kemudou, ka soli kemudou yani ki na veivalenilotu kei na veivaleniveivesu, ka dou na kau ki na matadra na tui kei na kovana e so e na vuku ni yacaqu. 13Sa i koya oqo na gauna mo dou na tukuna kina na i Tukutuku Vinaka. 14O koya gona mo dou qai vakataudeitaka toka e na lomamudou mo dou kakua ni vakananuma e liu na ka mo dou kaya; 15ni'u na solia vei kemudou na gusu kei na vuku, ka na sega ni dua na nomudou meca me vorata rawa se veiletitaka. 16Ia era na soli kemudou yani na nomudou qase, kei ira na tacimudou, kei ira na wekamudou kei rra na nomudou i tokani, ka ra na vakamatei e so vei kemudou. 17Era na cati kemudou ko ira kece ga na tamata e na vuku ni yacaqu. 18Ia e na sega sara ni bau yali kina e dua na drau ni ulumudou. 19Dou na rawata na nomudou bula dina, kevaka dou sa yalodei tiko. 20“Ia ni dou sa raica ni ra sa vakavoli-voliti Jerusalemi na veimataivalu, dou kila sara ni sa voleka mai na kena vakarusai. 21Me ra qai dro ko ira na tiko e Jutia ki na veiulunivanua; me ra qai laivi mai loma ni koro ko ira era tiko kina, ka me ra kakua tale ga ni qai curu kina ko ira era tu e na veivanua e na kena taudaku. 22Ni sa i koya oya na gauna ni veisausaumi, me vakayacori kina na veika sa volai tu e na i Vola Tabu. 23Sa na dua na gauna vakaloloma dina na gauna koya vei ira na yalewa bukete kei ira ka sa vakasucu gone tiko! Ni na ka vakaitamera na rarawa e na yaco ki na vanua oqo, ka na tau na cudru ni Kalou vei ira na tamata oqo. 24Era na vakamatei e na i seleiwau, ka ra na dau vakabobula ki na veivanua e so; ka ra na buturaki Jerusalemi sobu na veimatanitu tani, me yacova ni sa oti na nodra gauna. 25“E na yaco e so na ka veivakurabui-taki e na matanisiga kei na vula kei na veikalokalo. E vuravura, era na veilecayaki na veivanua, ka ra na kidroa e na vakadomobula ni vadugu ni wasawasa kei na biau. 26Era na kaniyatedra na tamata e na rere ni ra sa waraka tiko na veika sa voleka ni yaco e vuravura, ni ra na kuretaki na veika kaukauwa ni lomalagi. 27Era na qai raica na Luve ni Tamata ni sa lako mai e na o e na kaukauwa kei na i serau levu. 28Ia ni sa tekivu me yaco na veika oqo, dou tacake, ka vagelegelei kemudou, ni sa voleka mai na nomudou vakabulai.” 29Sa qai tukuna vei iratou ko Jisu e dua na vosa vakatautauvata, ka kaya, “Dou raica mada na vunilolo kei na veivunikau kece ga. 30E na gauna ga dou sa raica kina ni ra sa vakadrauna mai, dou sa kila sara ni sa voleka na vula i katakata. 31Sa vaka kina, ni dou sa raica ga ni ra sa yaco na veika oqo, dou kila sara ni sa voleka mai na matanitu ni Kalou. 32“Au sa kaya vakai dina vei kemudou, era na yaco kece sara mada na veika oqo ni bera ni takali yani na i tabatamata oqo. 33E na takali ko lomalagi kei vuravura, ia na noqu vosa e na sega ni takali.” 34“Dou qarauni kemudou mo dou kakua ni vakasinaita na nomudou bula e na kana kei na marau vakalialia, kei na mateni, kei na lomaocaocataka na ka ni bula oqo, de na qai yaco vakidacala vei kemudou na siga koya 35me vaka na cariba ni dai; ka ni na yaco mai vei ira kece era tiko e dela i vuravura raraba. 36O koya oqo mo dou qai yadra tiko ga kina, ka masu me soli vei kemudou na kaukauwa mo dou kakua ni rawai e na veika oqo, ka mo dou na tu sara e na mata ni Luve ni Tamata” 37A sa veivakatavulici tiko ko koya e na veisiga e na Valenisoro, ia e na bogi, sa dau lako ka la'ki moce e na Delana Veiolive. 38E na mataka lailai ni siga ka tarava, era sa dau lako ki vua ki na Valenisoro na tamata kece ga me ra vakarogoci koya.

will be added

X\