LUKE 19

1A sa curu ki Jeriko ko Jisu ka sa toso sara tiko na nona i lakolako ki na loma ni koro. 2E a tiko kina e dua na tamata ko Sakiusa na yacana; e dua ko koya na i liuliu ni daukumuni i vakacavacava, ka sa tamata vutuniyau sara. 3A segata ko koya me raica se vaka tu evei na i rairai kei Jisu, ia e a mani sega ni raici koya rawa e na vukudra na lewe vuqa, ka ni sa tamata lekaleka. 4Sa qai cici ki liu ko koya ka kabata e dua na vunilolo me raici Jisu kina, ka ni na lako voleka e kea ko koya. 5Ia ni sa yacova yani na vanua koya ko Jisu, sa qai tacake ka kaya vua, “Sakiusa, vakatotolo, kevu sobu mai! Au na tiko e na nomu vale edaidai.” 6A siro sara vakatotolo ki ra ko Sakiusa ka la'ki kidavaki koya e na marau. 7Ia ni ra sa raica ko ira na tamata, era sa vosa kudrukudru kece ga, ka kaya, “Sa la'ki vulagi ni dua na tamata i valavala ca na tamata oqo.” 8Sa qai tu cake ko Sakiusa ka kaya vua na Turaga, “Turaga, au na solia na veimama ni noqu i yau vei ira na dravudravua; ia kevaka au a kovea e na veibeitaki vakailasu e dua na ka e nona e dua na tamata, e na va na kena i sau au na solia lesu vua.” 9Sa qai kaya vua ko Jisu, “Edaidai sa yaco na veivakabulai e na vale oqo, ni sa dua tale ga na Luve i Eparaama ko koya oqo. 10Ni sa lako mai na Luve ni Tamata me vakasaqara ka vakabula na ka sa yali” 11Ia ni ra sa rogoca tiko na veika koya ko ira na tamata, sa qai tukuna ko Jisu e dua na vosa vakatautauvata. Sa voleka sara tiko ni yaco ki Jerusalemi ko koya, ka ra sa nanuma na tamata ni sa vakarau basika vakasauri e na gauna koya na matanitu ni Kalou. 12ʼOya na vuna e a mani kaya kina ko koya, “E a lako e dua na turaga ki na dua na vanua yawa me la'ki buli kina me tui, ka me qai lesu tale mai. 13Sa qai kacivi ira e lewe tini na nona tamata, ka solia vei iratou e tini na paodi, ka kaya, ʻDou veivolitaka tiko na i lavo oqo me yacova na noqu lesu mai.ʼ 14Ia era a cati koya na nona lewe ni koro, ka ra a tala e dua na mata me muri koya, ka la'ki kaya, ʻKeimami sega ni vinakata me lewai keimami na tamata oqo.ʼ 15“Ia ni sa buli oti me tui ko koya sa qai lesu mai. Sa qai vakarota me ratou kacivi yani vua na nona tamata ka a soli i lavo vei iratou; me kila kina se cava e ratou sa dui rawata e na veivoli. 16Sa qai lako yani na i matai ni tamata, ka kaya, ʻTuraga, sa rawa e tini tale na paodi mai na dua na paodi ko ni a solia vei au.ʼ 17Sa qai kaya vua ko koya, ʻVinaka na gumatua! Tamata vinaka! Ni ko sa yalo dina e na ka lailai sara, ko sa na lewa e tini na koro.ʼ 18Sa qai lako yani na i karua ni tamata, ka kaya, ʻTuraga, sa rawa e lima tale na paodi mai na dua na paodi ko ni a solia vei au.ʼ 19Sa qai kaya vua ko koya, ʻKo iko tale ga, mo lewa e lima na koro.ʼ 20“Sa qai lako tale yani e dua, ka kaya, ʻTuraga, oqo na nomuni paodi, ka'u a vunia tani toko ga e na dua na i tavoi; 21ni'u sa rerevaki kemuni, ni ko ni sa tamata dredre; ko ni dau la'ki taura na ka ko ni a sega ni biuta koto, ka tamusuka na ka ko ni a sega ni kaburaka.ʼ 22Sa qai kaya vua ko koya, ʻTamata ca! Au na lewai iko e na vuku ni nomu vosa! Ko sa kila ni'u tamata dredre, ka dau la'ki taura na ka au a sega ni biuta koto, ka tamusuka na ka au a sega ni kaburaka? 23Na cava ga ko a sega ni biuta kina na noqu i lavo ki na baqe, me rawa ni'u qai taura kina kei na kena tubu ni'u sa lesu mai?ʼ 24“Sa qai kaya ko koya vei ira na tu voleka e kea, ʻDou taura mai na paodi e tiko vua ka solia vei koya e tu vua e tini.ʼ 25Era sa qai kaya vua, ʻTuraga sa tu rawa tu vua e tini na paodi!' 26ʻAu sa kaya vei kemudou, ko koya yadua sa tu vua na ka, e na qai soli vakalevu tale yani vua; ia ko koya e sega ni tu vua na ka, e na kau tani tale ga mai vua na ka e sa bau toka rawa toka vua. 27Ia me baleti ira na noqu meca oqo ka ra sega ni vinakata me'u lewai ira, kauti ira mai ki ke, ka vakamatei ira e mataqu!ʻ” 28Ia ni sa cavuta oti na veika koya ko Jisu, sa mai lako sara yani e na nona i lakolako ki Jerusalemi, ka ra mai muri koya fiko yani na kena vo. 29Ni sa toro voleka ki Pecifaki kei Pecani, e na delana sa vakatokai na Delana Veiolive, sa tala e lewe rua vei rratou na tisaipeli, 30ka kaya, “Drau lako ki na koro koya; ni drau sa curu krna, drau na raica e dua na luve ni asa ni vesu tu, ka sa sega ni bau vodoki mada e liu, drau sereka ka kauta mai ki ke. 31Kevaka e tarogi kemudrau e dua ka kaya, ʻNa cava drau sereka tiko kina?ʼ mo drau na kaya, ʻE vinakata na Turaga.ʼ” 32E rau sa mani lako sara ko i rau ka a talai ka kunea me vaka ga e a tukuna vei rau ko koya. 33Ia ni rau sa sereka tiko na luve ni asa, e ratou a qai kaya vei rau ko Iratou na kena i taukei, “Na cava drau sereka krna na luve ni asa?” 34E rau sa qai kaya, “E vrnakata mai na Turaga” 35E rau sa mani kauta vei Jisu, ka rau tevuka na nodrau i sulu e na daku ni luve ni asa, ka vakavodoki Jisu kina. 36Ia ni sa toso trko yani ki liu ko koya, era sa qai tevuka na nodra i sulu e na gaunisala ko ira na tamata. 37Ia ni sa toro voleka yani ko koya, me sa srrova sobu trko na baba ni Delana Veiolive, era sa tekivu me ra reki na i lala tisaipeli levu koya ka vakacaucautaka na Kalou e na domo levu, e na vuku ni cakacaka mana kece ga era sa raica oti. 38Era sa kaya, “Sa kalougata na Tui sa lako mai e na yaca ni Turaga! Sa tu mai lomalagi na veivinakati, kei na vakarokoroko e na yasana cecere sara!” 39Era sa qai kaya vua e so na Farisi ka ra tiko e na kedra maliwa na lewe vuqa, “Na i Vakavuvuli, tarovi Iratou mada na nomuni tisaipeli” 40Sa qai sauma ko koya, ka kaya, “Au sa tukuna vei kemuni, kevaka era fiko lo ko rra oqo, era na qoqolou mai na veivatu!” 41Ia ni sa toro voleka sara yani ko Jisu, ka raica na koro, sa qai tagicaka, 42ka kaya, “Isa, ke ko kila wale mada ga edaidai na veika e na vuna na nomu vakacegu! Ia oqo era sa vunitaki e matamu. 43Ni na yaco mai vei iko na gauna era na vrribaiti rko kina na nomu meca, ka vakavolivoliti Iko, ka sogoti Iko e na veiyasana kece ga, 44ka talaraki Iko ki ra; ko Iko kei Ira na luvemu era tiko vei Iko, ka ra na sega ni laiva me vo vei Iko na veivatu era veitaqataqai tu, baleta ni ko a sega ni kila na gauna sa mai sikovi Iko k.na na Kalou me vakabulai Iko!” 45Sa qai curu ki na Valenisoro ko Jisu ka vakatekivu vakasavi ira tani era veivoli tiko kina, 46ka kaya vei ira, “Sa volai tu, e na i Vola Tabu ni kaya na Kalou, ʻA noqu vale e na vakatokai me vale ni masu!' Ia ko ni sa cakava me nodra qara na daubutako” 47A sa veivakatavulici tiko e na veisiga e na Valenisoro ko Jisu. Ka ra a saga tiko ko ira na bete levu, kei ira na daunilawa, kei ira na turaga lelevu me ra vakarusai koya; 48ia era a sega ga ni kunea e dua na ka e rawa me ra cakava, ka ni ra vinakata keee ga na tamata me ra rogoci koya.

will be added

X\