IPERIU 5

1Sa dau digitaki na bete levu mai vei ira na tamata ka lesi me qarava na Kalou e na vukudra. Sa nona i tavi me dau vakacabora na i madrali kei na i soro ni valavala ca. 2Sa rawarawa vua me lomani ira era sa sesewa ka cala, me vaka ni sa malumalumu tale ga ko koya e na vuqa na ka. 3Me vaka ni sa tu tale ga vua na malumalumu sa ganita kina me vakacabora na i soro ni nodra i valavala ca na tamata kei na nona i valavala ca vaka i koya. 4Ia e sega ni dua e tutu ga ka sa taura vaka i koya na i tavi dokai oqo, sa lesi koya ga na Kalou me vakataki Eroni. 5Sa vaka tale ga kina ko Karisito, ni a sega ni vakacerecerei koya vaka i koya me buli me bete levu, ia e a lesi koya ga na Kalou ka kaya vua: “Ko iko na Luvequ, au sa yaco me tamamu edaidai” 6E a kaya tale ga e na dua na tikina: “O iko na bete tawa mudu e na matabete i Melikiseteki” 7Ia e na gauna ni bula vakatamata i Jisu e a dau vakacabora ko koya na nona masu kei na kerekere e na tagi domoilevu vakararawa vua na Kalou o koya sa rawata me vakabulai koya mai na mate. Ia e na vuku ni nona yalomalumalumu kei na nona yalodina, e a rogoca kina na nona masu na Kalou. 8E dina ga ni Luve ni Kalou ko koya ia e a vulica na talairawarawa mai na veika rarawa e sota kaya. 9Ia ni sa oti na nona vakarautaki sa yaco me vu ni bula tawa mudu vei ira kece ga sa talairawarawa vua: 10ka sa lesi koya na Kalou me bete levu e na matabete i Melikiseteki. 11E vuqa na ka e tu me keitou kaya me baleta na ka oqo, ia e dredre na vakamacalataka vei kemuni, ni sa berabera na nomuni taura. 12E na gauna oqo sa dodonu mo ni sa dauveivakatavulici, ia e se ganita tiko ga me dua me vakavulici kemuni e na veivakavuvuli taumada me baleta na Kalou. E sa ganiti kemuni tiko ga na sucu me vaka na gone lailai ka sega ni dina. 13Ko koya yadua e sa gunu sucu tiko ga e sa sega ni vakaduiduitaka rawa na vinaka mai na ca, ka ni sa gone lailai tiko ga. 14Ia na kakana dina sa ganiti ira sa qase, ko ira era sa vakavulica na lomadra ka sa rawa me ra vakaduiduitaka na vinaka mai na ca.

will be added

X\