IPERIU 4

1O koya gona ni sa bula tiko vakaoqo na vosa ni yalayala ni Kalou me rawa kina ni da curu ki na nona, vakacegu, me da sa qarauna vakavinaka de lakolako era qai sega ni yaco rawa kina eso vei kemuni. 2Ni a yaco mai vei keda na i Tukutuku Vinaka me vaka ga na kena a yaco vei ira; ia na i tukutuku era a rogoca e sega ni yaga vei ira ni ra a sega ni rogoca e na vakabauta. 3Ia ko i keda eda sa vakabauta eda sa curuma na vakacegu koya me vaka ga ni a sa kaya oti tu vaka oqo na Kalou: “Me vaka au a yalataka e na noqu cudru, era na sega sara ni euru ki na noqu vakacegu.” E dina ga ni a sa oti na nona cakacaka e na gauna e a buli kina na vuravura. 4Ni a sa kaya oti tale tu ga ko koya e na dua na tikina me baleta na i kavitu ni siga, “A sa vakacegu mai na nona eakaeaka kece ga na Kalou e na i kavitu ni siga.” 5A kaya tale ga e na tikina koya ko koya: “Era na sega sara ni curu ki na noqu vakacegu.” 6Ko ira era a rogoca taumada na i Tukutuku Vinaka ka ra qai sega ni vakabauta era a sega ni curu me ra vakacegu vata kei na Kalou, ia e so e a qai soli vei ira e muri me ra curu me ra vakacegu vata kei na Kalou. 7Ia sa qai lokuca tale e dua na siga na Kalou ka vakatokai me “E daidai”, ka tukuna e na gusu i Tevita e na dua na gauna sara mai ki muri na vosa sa kainaki oti: “E daidai, kevaka ko ni sa rogoca na domona, ni kakua ni vakaukauwataka na lomamuni” 8Ia kevaka e a sa solia vei ira na tamata ko Josua na vakacegu ni Kalou ke a sega ni tukuna na Kalou e dua tale na siga e muri. 9Ia oqo e sa tiko ga na vakacegu me nodra na tamata ni Kalou me vaka na vakacegu ni Kalou e na i kavitu ni siga. 10Ka ni ko koya yadua sa curu ki na vakacegu ni Kalou sa vakacegu mai na nona cakacaka me vaka e a vakacegu mai na nona cakacaka na Kalou. 11Me da sa gumatua sara me da la'ki vakacegu vata kei na Kalou, ka me kakua ni dua e bale e na vuku ni talaidredre me vakataki ira koya. 12Ni sa bula ka kaukauwa na vosa ni Kalou, ka sa gata cake mai na i seleiwau batirua. Sa suwaka rawa na vanua e rau sota kina na lomada kei na yaloda, na i sema ni yago kei na uto ni sui, ka sa dau vakalewa rawa na nanuma kei na i naki ni lomadra na tamata. 13Sa sega ni dua na ka e vunitaki rawa vua na Kalou. Sa rairai ka luvawale na veika buli kece e na mata i koya eda na la'ki vakatusa i keda vua. 14Ia me vaka sa curu oti ki lomalagi na noda Bete Levu, ko Jisu Karisito, na Luve ni Kalou, me da sa taura dei tiko ga na noda vakabauta. 15Ni sa sega ni noda Bete Levu e dua ka sega ni lomani keda e na noda malumalumu, ia e dua ga ka a dau veretaki e na veitikina kece sara me vakataki keda, ia e a sega sara ni bau i valavala ca ko koya. 16Me da sa toro vakadoudou gona yani kina vua na Kalou ki na i tikotiko vakaturaga ni loloma, me da lomani kina ka kunea tale ga na kaukauwa vakayalo me vukei keda e na gauna e yaga kina.

will be added

X\