EFESO 2

1E liu ko ni a mate tu vakayalo e na talaidredre kei na i valavala ca. 2Ko ni a muria na i tovo ca ni vuravura oqo; ko ni a muria na nodra i liuliu na veikaukauwa vakayalo e na maliwa lala, sa i koya na yalo sa lewai ira tu na tamata era talaidredre vua na Kalou. 3Ko i keda kece eda a vakataki ira tale tu ga e liu e na noda muria na gagadre ca ni yagoda, ka vakayacora na dodomo ni yagoda, kei na noda vakasama, ka sa dodonu me da sota kaya na cudru ni Kalou me vakataki ira ko ya. 4Ia na Kalou o koya sa sinai e na loloma sa ka levu sara na nona lomani keda, 5ka sa kauti keda lesu mai e na noda mate tu vakayalo e na noda talaidredre me da bula vata kei Karisito. Ko ni sa vakabulai e na loloma soli wale ni Kalou. 6Sa vakaturi keda cake vata kaya ka vakatikori keda vata kei Karisito e na veiyasana vakalomalagi. 7Me vakaraitaka kina e na veigauna e muri ni sa sinai sara e na loloma na Kalou, ka yalo vinaka vei keda e na vuku i Karisito Jisu. 8Ni sa loloma wale ga ni Kalou ko ni sa vakabulai kina e na vuku ni vakabauti Karisito. Ko ni sega ni cakacakataka; ia sa i solisoli wale ga ni Kalou. 9E sega ni vua ni cakacaka, me kakua ni dua e dokadokai koya kina. 10Ni sa i keda na cakacaka ni liga ni Kalou ka sa qisi keda me da i valavala vinaka e na noda tu vata kei Karisito, sa i koya na ka e vakarautaka taumada na Kalou e na vukuda. 11E dodonu mo ni kila ni ko ni a kai matanitu tani, ka vakatokai mo ni tawa cili mai vei rra era cili, ko ya ko ira na Jiu. Na veicilivi sa i koya na ka e dau caka ki na yagodra na tagane. 12E na gauna ko ya ko ni sa bera ni tu vata kina kei Karisito. Ko ni sa bera ni matanitu vata kina kei Ira na IsIreli, ka sega kina ni nomuni na ka e yalataki e na veiyalayalati. E a sega na nomuni i nurnui ka sega ni vakabauta na Kalou drna e vuravura. 13Ia edaidai ni ko ni sa tu vata kei Karisito; ko ni sa voleka mai, ko i kemuni ka yawa e liu e na vuku ni mate i Karisito. 14Ni sa i koya na vu ni noda veivinakati tale, ka qisi keda vata na Jiu kei na kai veimatanitu tani me da duavata ga, a basuraka kina na bai dauveitawasei ni veicati. 15A sa muduka sara e na yagona na Karisito na Lawa kei na kena i vakaro vata kei na kena i valavala, me buli cake kina mai na rua na mata tamata e dua ga na uma tamata vou e na nodra tu vata kei Karisito, me yaco kina na veivinakati. 16Me vakaveivinakatitaki rau ruarua vua na Kalou e na duabau ga na yago, ka me muduki vakadua sara kina na veicati e na vuku ni kauveilatai. 17E a lako mai kina me vunautaka na i Tukutuku Vinaka ni veivinakati vei kemuni ka a yawa tu, e liu mai vua na Kalou ki vei rra tale ga era voleka ko ya ko rra na Jiu. 18Ni sa i koya ga eda sa rawa ni toro ruarua kina na Jiu kei na kai matanitu tani vua na Tamada e na Yalo e duabau ga. 19Ko ni sa sega krna ni qai vulagi tiko ga se kai tani, ia ko ni sa kaivata kei Ira na nona tamata na Kalou, ka lewe ni nona matavuvale. 20Ko ni sa tara cake e na nodra yavu na i apositolo kei rra na parofita ka sa kena vatu i vakadei ko koya na Karisito. 21Sa i koya sa sema vata kina na vale taucoko, ka sa tara cake krna me vale tabu ni sa tiko kina na Turaga, 22o koya ko ni sa tara tale ga kina vata kei rra na kena vo me i trkotrko ni Kalou ni sa fiko kina na Yalo Tabu.

will be added

X\