CAKACAKA 28

1Ni keimami sa cabe bula ki vanua, keimami sa qai kila ni yaca ni yanuyanu koya ko Molota. 2Era sa lomani keimami vakalevu sara ko ira na i taukei. Era a kidavaki keimami kece, ka vakawaqa e dua na buka ka ni sa tau mai na uca ka sa batabata sara na draki. 3A la'ki cava mai e dua na i vesu buka ko Paula, ka la'ki tuva sara ki na buka waqa; sa qai dolo mai kina e dua na gata e na vuku ni katakata, ka vivica na ligana. 4Ia ni ra sa raica ko ira na i taukei ni sa lili tiko na gata e ligana, era sa veikayaka vakai ira, “Sa tamata daulaba dina ʻo la 'qo. E sa cabe bula mai wasawasa, ia e sega ga ni laivi koya me bula ko Lewa Dodonu.” 5Ia sa qai kuretaka tani na gata ko koya ki na buka waqa, ka sega ni dua na kena leqa e yaco vua. 6Era namaka na i taukei me na vuce na yagona se me bale ka mate vakasauri. Ia ni ra sa waraka toka vakadede, ka raica ni sega ni dua na leqa e yaco vua, sa veisau tale na nodra vakasama ka ra kaya ni sa dua na kalou ko koya. 7E sega soti ni yawa mai kea na veitiki ni qele nei Papiliu, na turaga ni yanuyanu koya. E a kidavaki keimami e na yalo vinaka ka keimami nona vulagi tiko e na tolu na siga. 8Ia e a tauvi tama i Papiliu tiko na katakata kei na coka dra. Sa qai curu ki na vanua e davo koto kina ko Paula ka masu, ka tabaki koya e na ligana, ka vakabulai koya. 9Ia ni sa yaco oti oya, era sa qai lako yani na vo ni tauvimate e na yanuyanu koya ka ra sa vakabulai. 10Era a solia vei keimami e vuqa na ka ni loloma, ia ni keimami sa vakarau soko tale era sa qai vakavodoka ki waqa na veika e na yaga vei keimami. 11Ni sa oti e tolu na vula, keimami sa qai soko e na dua na waqa ka kele koto e na yanuyanu koya e na vula i liliwa. E waqa mai Alekisadria, ka vakatokai na “Drua Tagane” . 12Keimami sobu mai na koro ko Sairakiuse, ka tiko kina e na tolu na siga. 13Mai kea keimami sa qai veicavuyaki ka yaco ki na koro ko Rejiumi. E na siga ka tarava, sa qai liwa toka mai na ceva, ka oti e rua na siga keimami sa yaco yani ki na koro ko Putioli. 14Keitou a sota e kea kei na so na tamata era sa vakabauta, ka ra kerei keitou me keitou tiko mada kei ira me dua na macawa. Oti oya keimami sa qai lako ki Roma. 15Era a sa rogoca mai na ka e baleti keitou ko ira na vakabauta mai Roma, ka ra mani mai tatavaki sara tu ki na Makete i Apiusi kei na koro ko ^uretolu. Ia ni sa raici ira ko Paula sa vakavinavinaka vua na Kalou, ka sa vakayaloqaqataki vakalevu ko koya. 16Ia ni keimami sa yaco ki na koro levu ko Roma, sa qai soli vei Paula me sa tiko tani ga, vata kei na sotia e vakatawai koya tiko ka me kua ni tiko vata kei ira na vo ni kaivesu. 17Ni oti e tolu na siga, sa qai kacivi ira vata na nodra i liuliu na Jiu e kea ko Paula. Ni ra sa soqoni vata yani, sa qai kaya vei ira ko koya. “O i kemuni na wekaqu, e dina ga ni'u a sega ni cakava e dua na ka ca vei ira na noda qase, ia au a vesu ga ka soli vei ira na kai Roma mai Jerusalemi. 18Ia ni ra sa vaqaqai au na kai Roma, era a via sereki au ni a sega na ka e dodonu me tau kina na i totogi mate vei au. 19Ia e na nodra cata ga na ka oqo ko ira na Jiu, au a mani vakauqeti kina me'u cavuta na Sisa me mai lewai au; e sega ni baleta ni dua na ka au beitaki ira kina na kai noqu. 20Sa i koya oqo na ka au sa via raici kemuni kina ka veivosaki kina kei kemuni, ni'u sa vesu tu e na sinucodo oqo e na vuku i koya na noda i nuinui na Isireli” 21Era sa mani kaya vua, “Keimami se sega ni taura e dua na i vola mai Jutia me baleti iko, ka se sega ni dua vei ira na wekada e lako mai kea me tukuna se cavuta e dua na ka ca ka baleti iko. 22Ia keimami i gadreva me keimami rogoca na nomu i vakamacala, ni keimami kila ni sa vosa vakacacataki na lotu tani oqo e na veivanua kece ga” 23Era sa mani lokuca vua e dua na siga, ka ra sa lewe vuqa era lako yani kina ki na i tikotiko i Paula e na siga koya. Sa qai vakamacala ko koya ka tukuna vei ira na Matanitu ni Kalou, ka vakadinadinataki Jisu mai na Lawa i Mosese kei ira tale ga na parofita. E a vakamacala tiko ko koya me tekivu e na mataka ka yacova na yakavi. 24E so ga vei ira era a vakadinata na nona vosa, ka so e sega. 25Era a sega ni lomavata vakai ira, ka ra sa mani mai dui lako yani. Era qai dui lako oya ni sa kaya oti ko Paula na vosa oqo: “Sa dodonu dina na ka e kaya na Yalo Tabu e na vosa i Aisea na parofita vei ira na nomuni qase. 26Ni sa kaya na Kalou: ʻLako vei ira na tamata oqo ka kaya, Ko ni na rogoca dina ka lecava tu ko ni raica dina ka sega ni kunea. 27Ni sa kaukauwa na lomadra na tamata oqo, ka sa didivara na daligadra, ka bobo na matadra. De na qai rai rawa na matadra, ka rogo na daligadra, ka kila na lomadra, ka ra saumaki mai vei au, me'u vakabulai rra.ʼ “ 28“O koya gona oqo mo ni qai kila fiko kina, ni sa kau na i tukutuku ni veivakabulai ni Kalou ki vei ira na kai veimatanitu tani. Era na vakarorogo kina ko Ira.” 29Ia ni sa tukuna oti na ka oya ko Paula, era sa mani lako tani na Jiu ka veileti sara vakalevu vakai ira.] 30E a tiko e kea ko Paula, e na vale ka sauma tiko ga ko koya, ka rua taucoko na yabaki. A sa dau vakacegui ira kece ga kina era lako yani vua. 31A sa vunautaka tiko ga na Matanitu ni Kalou, ka veivakatavulici vakadoudou sara e na ka e baleta na Turaga ko Jisu Karisito, ka a sega ni dua na tamata e tarovi koya kina.

will be added

X\