2 TIMOCI 3

1Mo kila tale ga ni na yaco e so na veigauna dredre e na veisiga mai muri. 2E ra na dau lomani ira vaka i Ira na tamata ka ra na dauvosa veivakacacataki; e ra na sega ni dokai ira na nodra i tubutubu, ka sega ni dau via vakavinavinaka, e ra na sega ni lotu, 3ka sega ni tovo vakatamata, e ra na i tovo kaukauwa, dauveibeitaki vakailasu, ka i tovo ca ka butobuto. E ra na cata na ka kece ga e vinaka. 4E ra na sega ni vakabauti, e ra na sega ni ririko ni ra cakava e dua na ka, ka ra na dokai ira ga vakai ira. E ra na lomana vakalevu cake na marau ka lomana vakalailai na Kalou. 5E ra sa vakayacora me ka vakarairai ga na nodra lotu ka sega ni ka mai na yalodra dina. Kakua ni dau veitokani kei ira na tamata vaka koya. 6E so vei ira era sa dau lako ki na veivale ka rawai ira na yalewa era sa bikai tu e na nodra i valavala ca e liu ka kau vakatani e na gagadre ca e vuqa. 7E ra sa dau saga na yalewa oqo me ra bau vuli, ia era sa sega ni kila rawa e dua na ka dina. 8Me vaka na nodrau saqati Mosese ko Jani kei Jabari, era sa saqata vaka kina na ka dina na tamata oqo. Sa tauvimate na nodra vakasama ka sega ni vakadonui na nodra vakabauta. 9E na sega ni balavu sara na nodra toso, baleta ni ra raica na tamata kece na nodra lecaika. Sa i koya ko ya na ka e a yaco vei Jani kei Jabari. 10Ia ko a sa muria na noqu i vakavuvuli, na noqu i tovo, na noqu i naki^ Ko ^a kiia kece na noqu vakabauta, noqu a vosota na 11noqu vakararawataki kei na noqu sota kaya na veika dredre ma vaka au a sota kaya mai Anitioki, Ikoniona kei Lisitira. Io na veivakararawataki dina, ia sa vakabulai au na Turaga mai na veika kece oqori. 12Ko ira yadua era vinakata me ra bula e na bula va-Karisito era na vakacacani; 13ia ko ira na tamata ca kei ira na dauveitemaki era sa na qai ca matua sara. Era na vakacalai ira e so ka vakacalai ira vakai ira tale ga. 14Ia ko iko mo tu dei e na veika dina ko sa vakavulici kina, ka vakadinata baleta ni ko sa kilai ira sa vakatavulici iko. 15Ni ko sa kila na i Vola Tabu mai na gauna ko a gone kina sa vakavukui iko na ka oqo me nomu rawa kina na bula ni ko sa vakabauti Karisito Jisu. 16Ni sa ceguva na i vola Tabu kece ga na Kalou ka sa yaga me i vakavuvuli, me veivunauci, me veivakadodonutaki ka me veituberi e na ka dodonu. 17Me rawa kina vua na tamata ni Kalou me cakava na veicakacaka vinaka kece ni sa vakarautaki oti.

will be added

X\