2 KORINICA 4

1Sa solia vei keitou na Kalou na i tavi oqo e na nona loloma levu, ia keitou sa sega ni datuvu kina. 2Keitou sa biuta tani na veitovo ni butobuto ka vakamadua, keitou sa sega ni cakacaka vaka i lawaki se vakatanitaka na vosa ni Kalou. Ia na neitou tusanaka vakadodonu na ka dina, keitou sa vakaraitaki keitou yani kina vaka i keitou ki na nodra lewa e loma e na mata ni Kalou. 3Kevaka e laurai ni vunitaki na neitou i tukutuku vinaka, sa vunitaki ga vei ira era sa rusa tiko. 4Sa vakamatabokotaka na nodra vakasama na tamata tawa vakabauta na kalou ni vuravura oqo, me ra kakua kina ni raica na rarama ni Tukutuku Vinaka ni lagilagi i Karisito, o koya na i yaloyalo uasivi duadua ni Kalou. 5Keitou sa sega ni vunautaki keitou ga; keitou sa vunautaka ni sa Turaga ko Karisito, kei keitou na nomuni dauveiqaravi e na vuku i Karisito. 6Ni sa i koya ga na Kalou e a kaya: “Sa na cila mai na rarama mai na butobuto” sa i koya tale ga na Kalou sa vakacilava mai na nona rarama ki na lomada, me kauta mai vei keda na rarama ni kena kilai na i serau ni Kalou e na mata i Karisito. 7Ia ko i keitou sa tu vei keitou na i yau oqo, keitou sa vaka na kuro qele, me vakaraitaki kina ni sa nona na Kalou na kaukauwa levu, ka sega ni neitou. 8Keitou sa dau vakacacani e na ka kece ga, ia keitou sega ni vakaleqai sara, keitou dau loma leqa, ia keitou sega ni vakaleqai sara. 9Keitou vakararawataki ia keitou sega ga ni vakanadakui sara. Keitou sa dau mavoa sara vaka ca e na so na gauna, ia keitou sa sega ni vakarusai sara. 10Keitou sa dau colata voli ga e na yago i keitou na mate i Jisu, me laurai tale ga kina na bula i Jisu e na yago i keitou. 11Drna ga ni keitou bula fiko, keitou sa soli yani me vakamatei e na veigauna kece ga e na vuku i Karisito, me vakaraitaki kina na bula i Jisu e na yago i keitou sa na rawa ni vuca. 12Sa cakacaka tiko e na neitou bula na mate, ia na bula sa cakacaka fiko vei kemuni. 13Ia sa tu vei keitou na vakabauta. Me vaka sa volai, “Au sa vakabauta, sa i koya gona au vosa krna.” Sa tu tale ga vei keitou na vakabauta, sa i koya gona keitou vosa krna; 14ni keitou sa krla, ni ko koya e a vakaturi Karisito cake tale mai na mate e na vakaturi keitou cake tale ga kei Jisu, ka kauti keitou vata yani kei kemuni me da tu e matana. 15Sa caka na veika kece oqo e na vukumuni ka na tete trko yani na loloma ni Kalou me yacovi rra e vuqa vakavuqa na tamata, me levu sara kina na vakavinavinaka me vakalagilagia na Kalou. 16E na vuku ni ka oqo keitou sa sega ni datuvu kina. Kevaka sara mada ga e sa vuca mai na yago ga e sau, sa dauvakavoui na noda bula e loma e na veisiga yadua. 17Na noda rarawa mamada oqo e na kauta mai vei keda e dua na lagilagi vakaitamera ka tawa mudu, sa levu cake mai na noda rarawa. 18Ni da sega ni vakaraica tiko ga na ka e laurai, ia na ka ga sa sega ni laurai. Na ka sa laurai sa sega ni ka tudei, ia na veika sa sega ni laurai sa ka tudei ka tawa mudu.

will be added

X\