2 KORINICA 2

1Au sa vakadeitaka oti e lomaqu me'u kakua tale ni cakava e dua na veisiko e veivakararawataki vei kemuni. 2Ia kevaka au sa vakararawataki kemuni ko cei sa qai vo me vakamarautaki au? Sa i ira ga na tamata au sa vakararawataka! 3Sa i koya sara ga na ka oqo au a vola yani vei kemuni e liu me kakua ni vakararawataki na lomaqu ni'u sa kila vakaidina, ni kevaka au marau, ko ni na marau tale ga. 4Au volavola yani vei kemuni e na rarawa levu kei na yaluma ni lomaqu, ka lako vakayauyau na wai ni mataqu. E sega ni ka mo ni rarawa kina, mo ni kila ga kina na levu ni noqu loloma vei kemuni. 5Kevaka e dua na tamata e vakavuna na nona rarawa e dua tale na tamata, e sega ni vakararawataki au taudua ga, ia au sega ni via vakabibitaka sara, ni sa vakararawataki kemuni kece sara tale ga. 6Na tamata sa vaka oqo sa ganita na i totogi mai vei ira na lewe vuqa. 7Ia sa dodonu mo ni vosoti koya ka vakacegui koya, de na qai bikai e na rarawa bibi sara. 8Sa i koya oqo au sa vakamasuti kemuni kina mo ni vakadeitaka na nomuni lomani koya. 9Ni sa i koya sara ga oqo na vuna au volavola yani kina; me'u vakatovolei kemuni ka me'u kila, ko ni sa dau talairawarawa e na ka kece ga se sega. 10Ni ko ni sa vosota e dua na tamata, au na vosoti koya tale ga. Ni'u sa vosota e dua na tamata, au sa vosoti koya dina; au vakayacora oqo e na vukumuni e na mata i Karisito. 11E da sa kila na veivadi ca nei Setani, ia me da kua sara ni laivi koya me rawai keda. 12Ni'u sa yaco yani ki tiroa me'u vunautaka na i Tukutuku Vinaka, au sa raica ni sa dolava tu vei au na sala na Turaga. 13Ia sa sega ni nuiqawaqawa na yaloqu ni'u sa sega ni kunei Taito na wekaqu. Au sa mai tatau yani vei ira ka lako sara yani ki Masitonia. 14Me da vakavinavinaka vua na Kalou o koya sa dau liutaki keda me da qaqa e na vuku i Karisito, ka sa vakateteya ki na veivanua kece ga e na neitou cakacaka na i rogorogo vinaka ni veikilai kaya. 15Ni keitou sa vaka na ka boi vinaka sa vakama na Karisito vua na Kalou ka sa lako yani vei ira era sa vakabulai kei ira era sa sese tiko. 16Vei ira era sa sese tiko, sa i boiboi ni bula me ra bula kina. Ia ko cei sa veiganiti kei na i lesilesi oqo? 17Keitou sa sega ni vakataki ira e so era sa dau vakatanitaka na vosa ni Kalou, ia keitou sa vosa me vaka na tamata yalodina sa talai mai vua na Kalou, keitou sa dau vosa e na yaca i Karisito e na mata ni Kalou.

will be added

X\