1 KORINICA 8

1Ia, e na vuku ni kakana sa vakacabori oti ki na veimatakau: e da sa kila “sa tu vei keda kece na vuku” Na vuku sa vakavuna me qaciqacia kina na tamata; ia na loloma sa dau veivakatataki cake. 2Kevaka e dua na tamata sa nanuma sa kila ka, e sa sega dina ni kila e dua na ka me vaka e dodonu me kila. 3Ia ke dua sa kila na Kalou sa kilai tiko ko koya mai vua na Kalou. 4E na vuku ni kena laukana na kakana sa vakacabori ki na matakau, sa macala tu vei keda “ni sega na bula e tu vua na matakau” ka “sa duabau ga na Kalou, ka sega tale e dua.” 5E so na tamata era nanuma ni vuqa na kalou kei na turaga era trko mai lomalagi, ka vaka tale ga krna e vuravura. 6Ia vei keda sa duabau ga na Kalou, na Tamada, o koya sa vu mai vua na ka kece ga, ka da sa bula tiko e na vukuna; sa duabau ga na Turaga, ko Jisu Karisito, ka sa vu mai vua na ka kece ga, ka da sa bula tiko e na vukuna. 7E sega ni da kila kece na ka oqo. E so era sa lasa tu ga e na matakau. Era kania na kakana e na nodra okata ni sa vakacabori oti ki na matakau. E sa malumalumu na nodra lewa e loma ka ra nanuma ni ra sa dukadukali e na vuku ni kakana. 8Ia na kakana e na sega ni vakavinakataki keda vua na Kalou. Kevaka e da sega ni kania, e na sega ni yali kina vei keda na noda vakabauta; e na sega tale ga ni kuria na noda vakabauta kevaka e da kania. 9Ni qarauna me kakua ni vakatarabetaki ira na malumalumu na nomuni galala oqori. 10Ke ko iko e dua na tamata vuku ka raici iko e dua e malumalumu na nona lewa e loma ni ko sa kana tiko e na vale ni soro ni matakau, e na sega li ni doudou kina na yalona me kania na kakana e vakacabori oti ki na matakau? 11Sa na qai vakarusai na wekamu malumalumu oqo, o koya e a mate na Karisito e na vukuna e na vuku ni nomu vuku. 12Ni ko ni sa cala vaka oqo vei ira na wekamuni ka vakamavoataka na yalodra na malumalumu, ko ni sa cala vei Karisito. 13O koya gona kevaka sa vakatarabetaki na wekaqu e na kakana, au na sega sara ni kana lewe ni manumanu tale me'u kakua kina ni vakavuna na nona bale na wekaqu.

will be added

X\