1 KORINICA 6

1Ni dua vei kemuni e tiko e dua na leqa e na kedrau maliwa kei na dua na wekana lotu e doudou beka vakacava me kauta na leqa koya me rau la'ki veilewai kina e na matadra na turaganilewa tawa lotu, ka sega ni kauta vei ira na tamata ni Kalou? 2Ko ni sega beka ni kila ni ra na lewai ira na tamata e vuravura oqo na tamata ni Kalou? Ia kevaka ko ni na lewai ira na kai vuravura, e na sega beka ni rawa ni ko ni vakataulewa e na veika lalai sara? 3Ko ni sega tiko li ni kila ni da na lewai ira na agilosi? Ia sa na qai vaka sara li e vei na veika ni bula oqo? 4Kevaka ena kau cake mai eso na ka vaka koya, o ni na kauti ira li vei ira era sega tu ni dua na ka ena lotu mera la'ki vakatulewa kina? 5Sa vakamadua dina! E vakaevei sa sega sara ga na tamata yalomatua ena kemuni maliwa me vakatulewa ena nodra veiba e lewe rua na lewe ni lotu? 6Ia oqo ko ni sa qai la'ki veibeitaki vakaikemuni ena mataveilewai me ra veilewaitaki kemuni na turaganilewa tawa vakabauta. 7Na nomuni kauta na ka ki na mataveilewai sa vakaraitaka sara ga na malumalumu ni nomuni vakabauta. A cava ko ni sa sega ni vosota rawa kina na veivakacacani? A cava ko ni sega kina ni rawa ni vosota rawa kina na veivakacacani? A cava ko ni sega kina ni rawa ni vosota ni ko ni kovei? 8Ko i kemuni sara ga ko ni dauveivakacacani tiko ka dau kovekove vei ira sara ga na wekamuni. 9Ko ni sa kila beka ni ra na sega ni taukena na matanitu ni Kalou ko ira na tawa yalododonu? Ni kakua ni vakacalai; era na sega ni rawata na matanitu ni Kalou na dau i valavala velavela, na dauqarava na matakau, na dauveibutakoci, na veimoceri vakatagane se vakayalewa, 10na daubutako, na daukocokoco, na daumateni, na dauveivakasewasewani kei ira na daukovekove. 11E so vei kemuni e a vaka tu koya e liu. la oqo ko ni sa savai ka vakasavasavataki; ko ni sa vakadonui, e na yaca ni noda Turaga ko Jisu Karisito kei na Yalo ni noda Kalou. 12“Sa tara vei au na ka kece ga,” ia sa sega ni ra yaga kece. “Sa tara vei au na ka kece ga,” ia au na sega sara ni laiva me lewai au e dua na ka. 13“Sa ka ni kete na kakana, ka sa ka ni kakana na kete,” ia e na vakarusai rau ruarua na Kalou. Ia na yago sa sega ni ka me caka kina na veibutakoci ia me nona ga na Turaga, kei na Turaga me nona na yago. 14Ia na Kalou, o koya ka a vakatura cake na Turaga e na vakaturi keda cake tale ga e na nona kaukauwa. 15Ko ni sega beka ni kila ni sa veitiki ni yago i Karisito na yagomuni? Me'u na kauta li na tiki ni yago i Karisito ka cakava me ra veitiki ni yago ni yalewa dautagane? Me kakua sara. 16Ko ni sega beka ni kila ni ko koya sa la'ki kabita e dua na yalewa dautagane, sa yago vata kaya? Ni sa volai tu e na i Vola Tabu, “E rau sa na dua bau ga.” 17Ia ko koya sa kabita na Turaga e rau sa duavata kaya. 18Ni kakua ni dau veibutakoci. Na veivalavala ca kece tale e cakava e dua na tamata e cakava e na taudaku ni yagona, ia ko koya sa ia na veibutakoci sa i valavala ca ki na yagona. 19Ko ni sa sega beka ni kila ni sa vale ni Yalo Tabu na yagomuni, o koya sa curumi kemuni, o koya ka a solia vei kemuni na Kalou? O koya gona ko ni sa sega kina ni nomuni vaka i kemuni. 20E a sa sauma oti na Kalou e dua na i sau levu sara e na vukumuni. Mo ni vakalagilagia na Kalou e na yagomuni.

will be added

X\