1 KORINICA 4

1Me vaka oqo na nomuni vakasamataki keitou: keitou sa i talai i Karisito ka dauniyau ni veika vuni ni Kalou. 2Ia me kena i kuri ko ya sa kilikili kei ira na dauniyau me vakadinadinataki ni ra sa tamata yalo dina vei ira na nodra turaga. 3Ia vei au vaka i au e sega soti ni ka bibi vei au na noqu vakalewai mai vei kemuni se mai na dua na vakalelewa vakatamata. Au sega mada ga ni vakalewai au vaka i au. 4Ni'u sega ni kila vaka i au e dua na ka me'u vakalewai au kina; ia sa dina, e sega ni vunia oqo me'u vakadonui kina. Na Turaga ga sa i koya ka sa dau vakalewai au. 5Sa i koya gona ko ya na vuna mo ni kakua kina ni vakalewa e dua na tamata ni sa bera na kena gauna, ko ya ni sa na lako mai na Turaga. E na vakaraitaka mai ko koya na veika sa vunitaki tu e na butobuto, ka vakalewa e dua na tamata ni sa bera na kena gauna, ko ya ni sa na lako mai na Turaga. E na vakaraitaka mai ko koya na veika sa vunitaki tu e na butobuto, ka vakatakila mai na i naki ni lomadra na tamata. Ia sa na qai solia na Kalou ki na tamata yadua na vei vakacaucautaki sa veiganiti kaya. 6Kemuni na wekaqu, au sa vagolea na veika oqo vei keirau kei Apolosa, me kena i vakaraitaki vei kemuni. Au vinakata mo ni vulica mai na ka e baleti keirau na i balebale ni kena dau kainaki tu mo ni “muria na kena lawa dodonu” ka kakua ni vakadokadoka e dua ka beci koya ka dua. 7Ko cei sa qisi iko mo uasivi cake mai vei ira na kena vo? Se cava sa tu vei iko ka a sega ni soli vei iko? Ia kevaka a soli vei iko, a cava ga ko qai la'ki dokadoka voli kina me vaka a sega ni soli vei iko? 8E vakaevei e sa tu kece li oqori vei kemuni na veika e ganita na nomuni bula? Ko ni sa vutuniyau li? Au diva mada ga mo ni sa tui dina sara, me rawa ni keitou bau laki wili tale tu ga yani vaka tui vata kei kemuni! 9Ka ni vaka e kena i rairai vei au ni sa solia vei keitou na i apositolo na Kalou me keitou i murimuri sara me vakataki ira sa lewai tu me ra mate, me keitou ka ni sarasara ki vuravura, ki vei ira na agilosi kei ira na tamata. 10Keitou sa lialia e na vuku i Karisito; ia ko ni sa vuku e na nomuni tu vata kei Karisito; keitou sa malumalumu, ia ko ni sa kaukauwa. Keitou sa beci, ia ko ni sa dokai. 11Me yacova mai na gauna sara ga oqo keitou sa viakana tu ga ka viagunu; keitou vakaisulu vaka ca; keitou vakamavoataki; e sega na neitou i tikotiko tu dei, 12ka keitou sa dau vakaocai keitou e na cakacaka ni liga i keitou. Ni keitou sa vakasewasewani, keitou vosa vinaka ga; ni keitou sa vakacacani keitou vosota ga; ni keitou sa vakacacani keitou vosota ga. 13Ia ni keitou sa vosa vakacacataki, keitou sa dau sauma e na vosa vinaka. Me yacova mai na gauna oqo era sa raici keitou na tamata me vaka na duka veluvelu ni vuravura oqo, ka vaka na i benubenu. 14Au sega ni vola yani na veika oqo me'u vakamaduataki kemuni kina, ia me'u vakasalataki kemuni ga kina me vaka na luvequ lomani. 15Ni veitalia ga ke mani sivia e tini na udolu na nomuni dauveituberi e na bula va-Karisito, e sega ni lewe levu era tamamuni. Ni'u sa yaco me'u tamamuni e na vuku i Karisito e na noqu a kauta yani vei kemuni na i Tukutuku Vinaka. 16O koya gona au sa vakamasuti kemuni kina mo ni vakadamurimuri au. 17E na vuku ni ka oqo au sa talai Timoci tiko yani kina, na luvequ lomani ka yalo dina e na ka ni Turaga. Sa na tukuna tale ga vei kemuni ko koya na noqu i vakarau ni bula vou ni keirau sa tu vata kei Karisito me vaka au sa dau vakatavuvulitaka vei ira na veisoqosoqo lewe ni lotu e na veivanua kece. 18Era sa yaco tiko e so vei kemuni me ra viavialevu ni ra nanuma niu sa na sega ni lako yani vei kemuni; 19ia kevaka sa vaka kina na loma ni Turaga au sa na lako yani vei kemuni e na dua na gauna wale ga oqo; ka me'u na raica vakataki au sara ga na ka e rawa ni ra cakava na tamata viavialevu oqori, ka sega ni ka ni nodra vosa wale ga. 20Ni sa sega ni ka ni vosa wale ga na matanitu ni Kalou, ia sa ka ga ni kaukauwa. 21A cava e vinaka vei kemuni? Me'u kauta yani vei kemuni na noqu kuita se me'u lako yani e na yalo loloma kei na yalo e malumu?

will be added

X\