1 KORINICA 13

1Kevaka au rawa ni vosataka na nodra dui vosavosa na tamata, kei na nodra vosa na agilosi, ka sega vei au na loloma, au sa vaka wale ga na kaukamea sa tatamelamela se na lali sa tataqiriqiri. 2Kevaka sa tu vei au na i solisoli me'u parofisai, ka kila na veika vuni keee ga kei na vuku kece ga, kevaka sa tu vei au na vakabauta me'u kauta tani kina na veiulunivanua ka sega vei au na loloma au sa ka wale ga. 3Kevaka au solia yani na veika keee ga sa tu vei au ka solia na yagoqu me vakamai ka sa sega ni tu vei au na loloma sa sega na kena yaga vei au. 4Sa dauvosota vakadede ka yalovinaka na loloma; sa sega ni dauvuvu se dokadoka na loloma. 5E sega ni viavialevu se daucakava na ka sa sega ni kilikili, sa sega ni dau qara na ka me nona ga, sa sega ni daucudrucudru, ka sa sega ni dauloma ca. 6Sa sega ni dau rekitaka na ca, ia sa daurekitaka na dina. 7Sa sega ni druka rawa na loloma, sa vakabauta na ka kece ga, sa nuitaka na ka kece ga ka vosota na ka kece ga. 8E na sega ni oti rawa na loloma. Na parofisai e na takali ga, na veimataqali vosa e na mudu ga, na vuku e na oti ga. 9Sa vakatikina ga na noda kila ka, ka sega ni ka taucoko sara na noda parofisai, 10ia ni sa na yaco mai na ka sa taucoko e na qai takali na ka sa vakatikina ga. 11Ni'u a gone au a dau vosa me vaka na gone, au a kila ka me vaka na gone, ia ni'u sa yaco me'u tamata bula, au sa biuta tani na i tovo vagonegonea. 12E daidai au sa kila vakatikina ga, ia mai muri au na kila vakaoti me vaka na kilai vakaoti ni Kalou. 13Sa tudei na ka e tolu oqo: na vakabauta, na i nuinui kei na loloma, ia sa uasivi cake duadua vei iratou oqo na loloma.

will be added

X\