Ni-Roma ây 3

1Jâ tâage hòmda ni-Yude ây da ni-riiy ây kana ya? Malla ji ge mbira daw rrèpnum gi ya? 2Hòmda waw dii dèy cewci lang! Ngam Fay hîi dawge yèk wàa. 3Kà ya? Eca gòyrra waw da nit ây tâa aw gòy a goosum ba, a ge atnjifa gòyrra mbâr Fay gi yi? 4Oow, ge tâa hû go ba sam! Fay lò ge lòt Fak mbâri takundi ɗi, amma a nit ây pî a nit rèengda rèeng ây ɗi, kà yey gàa a defterre wàa: Fak mum sey mu tâa ɗèm a yèk wey, mu suni daw a ye gaw hiitum gi. 5Amma to tèem makta worro a èca gòyrra ɗèm lònirre go gòyrra Fay ɗèm gi, kà got gàa ya? Fay èe gòyrra ɗèm ye iina kiita gi yi? Mi yèerre kà nirri. 6Ge tâa hû go ba sam! To Fay èe go ngin gòyrra ɗèm gi, kà ge hiiti kparri gi ya? 7Amma to rèeng mum iisirra go jàk 'mita a takundi wàa gi, ngam jâ tâami saktiya kà nit mbita jàk maarra gi ya? 8Ngam jâ tâa got gàa «dàan ot tèe jàk makta ha jàk mbâri e lòt gi» ba ya? Ngam a nit maasum ây kana aw gàamde mi gàarre hûy. A nit ây gàage kà yey gi, takundi aw aw gesi yaarra a kiita. 9Kà ya? Orro ot ni-Yude ây ot hòm daw della da yòot ni-riiy ây kana yi? Ti tâa hû go ba sam. Ngam mi ɗàa 'maarra yèy a hak ni-Yude ây ni ni-riiy ây kana, nge aw pî aw sàay jàk maarra ɗi. 10Gàarre kà yey a defterre Fay: Cen nit gòyrra ɗèm koo kpolo ba. 11Cen nit cèngnum jày ba. Cen nit kàmda Fay ɗa ba. 12Aw pî aw jòle, aw mboye. Cen nit tèerra jàk mbâri koo kpolo ba. 13Mîrngi waw dii kà geb kuplumya, ni rèeng ta waw rûfrinin tirûfni. Yèk ây anga a mgbelyèk waw dii kà larri jòoy. 14Mgbelyèk ta waw mûu ni maasum ngaktiya. 15Kàn ta waw kîtɗe a ɓàta nirri. 16Aw woorre fòon ni jàk gbeesum ây a ot ây hòmin gi pî. 17Aw cèngni ot tâam mbâri ba. 18Tolnji Fay ceni daw ba. 19Ot cèngni, nge jày gàa yèk mgbèngda gi pî yèerre da nit ây tâage ûunumya a yèk mgbèngda, ngam ha e fanti daw mgbelyèk waw da nit ây pî, ta aw hàanji ba, ha kparri pî e lòt dii ni mamji a ɗàm kpees Fay. 20Ngam koo nirri kpolo ge kpàaw gòyrra ɗèm a ɗàm kpees Fay ni tèem yèk mgbèngda ba. Yèk mgbèngda hîirre cèngnum jàk maarra di nirri gbè. 21Amma kòsòng Fay lòna dot ot gòyrra ɗèm cen yèk mgbèngda. Defterre yèk mgbèngda ɗàa nà yèerra yèk maan, 'mèmsa ni nit lònum ây. 22Fay ge gòyni daw ɗèm da nit ây pî ni goosum di Yeesu Kristu, to aw goosi go gi. Ngam 'nangjum ti tâa a tîim waw ba, 23aw pî aw mbire jàk maarra, aw èe 'mita yey gesi e tâa daw a gin Fay gi. 24Amma a mbâr wàa hîi daw gòyrra ɗèm ni sàasum yey sàasi daw Yeesu Kristu gi. 25Fay gòynu a kparri e tâa nit hûta jàk maarra, ni njîim wurra wàa da nit ây goosu gi. Hû go Fay yiɗi e kàlni ɗèm wàa, ye tâa èfe tinîir wàa, woofa dawge iirra kiita da nit ây ngam jàk maarra waw mbirin nà mgban gi. 26Yiɗi ɗa a tâarra yey e kàlni ɗèm wàa ni gòynum ɗèm da nit ây goosu di Yeesu. 27Ɗo u hâ tâa 'misum hay gi ya? Cen ba sam! Ngam jâ? Ngam yèk mgbèngda hâ? Ngam yèk mgbèngda yey kàlge tèerra tèem di nirri yi? Oow, amma ngam yèk mgbèngda a goosum. 28Orro ot cèngni, nirri kpàa ge kpàa gòyrra ɗèm ni goosum, ti tâa ni tèem yèk mgbèngda ba. 29Fay Fak ni-Yude ây ɗi gbè yi? Ti tâa Fak waw da yòot ni-riiy ây kana ba yi? Eeye, Fak yòot ni-riiy ây kana ɗi ɗa. 30Ngam Fay Fak kpolo ɗi, gòyni daw ɗèm ni goosum da nit ây rrèpni gi, ni nit ây tâa aw rrèpni ba gi ɗa. 31Hû go ot mboysifarre yèk mgbèngda ni goosum yi? Oow, ti tâa hû go ba sam! Amma ot gòynirre jày gàa yèk mgbèngda gi.

will be added

X\