Ni-Roma ây 11

1Kà yey mi gàarre: Mba Fay 'màktifa daw da nit ta wàa yi? Oow, ti tâa hû go ba. Ngam miy ɗa mi ni-Israyel ɗi anga a kpàam Abraham, a yòot Benyamin. 2Fay ti 'màktifa daw da nit ta wàa cèngni daw diga màrra gi ba. Un cèngni jày gàa defterre a yèk Eliya ye waa Fay ngam ni-Israyel ây ba yi? 3Gàa: Un ɓàre nit ây lòni yèk wey, aw aasifa gin gûurra jàk gurfum ây tâage woy wey, miy kpolo mum ngaskirra, aw kàmde aw ɓàrimi. 4Amma ji gàawra Fay ya? Gàawra: E rri yey mi woonjirra ngam mum nihun ây ujinè jòròs tâa aw gbâygi a ɗàm kpees mâr Bayal aw coow ba. 5Kà yey ngasɗa ɗa kòsòng ngirra nit ây càa, cat daw Fay a mbâr wàa gi. 6Carri daw ngam mbâr wàa, ti tâa ngam tèem waw ba. To naa hû go ba, mbâr wàa ge tâa ngin mbâri ɗi ba. 7Ɗo ji got gàa ya? Jày kàmin ni-Israyel ây gi, aw kpàa ba. Amma da nit ây a tîim waw carri daw Fay gi, aw kpàa jàk maan. A ngirra nit ây kana tinîir waw ir daw ndèktiya. 8Dii kètiya kà yey, gàa: Fay hîi dawge jungci nistikûum, ta aw rap ni nis waw ba, ta aw rak ni tuk waw ha niyey gi ba. 9Dawda ɗa gàaye: Nge siir waw e ir daw tidokri ni jàk timòoni, ha aw yaa aw kpàa kiita. 10Nis waw e kupti daw kulpiya, ngam ta aw rap ba. Mârngi waw ngaa e tâa daw ûurriya koo ningàa. 11Kà yey gu gim guni: A ni-Israyel ây ye mgbòlin gi, aw gbeeye yi? Ti tâa hû go ba sam! Amma ngam yèk yaarra waw saarra de dàara daw da nit ây èege yèk Fay, ha e aanji daw ngèeri da ni-Israyel ây gi. 12Ye tâa yaarra waw 'maara daw mbâri dèy da nit ây a kparri, gbeerra waw ngaa 'maara daw jàk bèebi da nit ây èege yèk Fay, sakko kà ge tâa mbâr maan a isum waw pî a gin Fay gi ya? 13Kòsòng mi yèenurre dun nit ây èege nà mgban yèk Fay, ye tâa mi nit tèerriya ɗi ngam nit ây èege yèk wàa. Mi raptirre tèem mum jàk 'mitiya ɗi, 14mi yiɗi koo kà ya mi aanji daw ngèeri da yòot ta mum ni-Israyel ây gi, ha mi saani daw da nit ây kana a tîim waw. 15Ngam ye tâa 'màktum waw 'maara raknjum Fay ni nit ây a kparri, kà ge tâa ngota waw a gin wàa, sonaa gûysum a wurra gi ba ya? 16To cèerra tàat màrra tâa go jàk delliya ngam Fay, woy ngaskirra ɗa jàk delliya ɗi ngam wàa. To sisi jày tâa go delliya ngam wàa gi, kàn jàk maan ɗa delliya ɗi ngam wàa. 17A ni-Israyel ây aw aw dii kà korrom còktiya tâage kàn ta wàa kana njaarriya. Muy mu nit yey èege nà yèk Fay, mu dii kà kàn njaarra a korrom nûri, aw leknumda a gin yey njaan nà kàn ây kana a korrom còktiya gi. Hû go mu 'mèmsi ɗa ni jàk mbâra anga a sisi korrom maan. 18Kà yey ta mu 'misi hak wey ngam kàn ây njaan gi ba. Kà ge tâa 'misum hak wey ya? Ngam ti tâa muy mòogu di sisi ba, amma sisi mòogum dum. 19Mba gàa gum gàa: Amma a kàn ây kana gi aw dii njaarriya, ha aw leknimda a farra. 20Hû go ɗi, Fay njaa dawge ngam aw goosi ba, e leknumda a farra ngam muy mu goosige. Koo hû go ta mu 'misi hak wey ba, amma toli. 21Ngam ye tâa Fay ti woo daw njaarra da kàn ây mgban tâage kàn takundi gi ba, ge woom dum ɗa njaarra ba. 22Rapti mgbergum Fay, ni ndèkta wàa ɗa! Ey dii ndèktiya a gin nit ây yaage a jàk maarra gi, amma dii ni mgbergum a hak wey, to mu gòyrre go a mgbergum wàa koo ningàa. To naa hû go ba, njaa ge njaam dum ɗa. 23Aw a ni-Israyel ây gi ɗa, to aw hàanjisirra go goosum bak ba, le ge leknisi daw a korrom a gin yey tâan nà mgban gi. Ngam Fay dii ni mbinum e mbir kà yey. 24Ngam ye tâa njaame a korrom nûri amma leknumge a korrom còktiya gi, sakko kà tâa ge leknisi daw da kàn mgban ây a korrom còktiya, korrom sisi waw ba ya? 25Un kor ta mum, ngam ta un dàn yèk kana ni hak wun ba, mi yiɗi un cèngni yèk yey tâage nà fûurriya gi, nge tinîir ni-Israyel ây kana ir daw ndèktiya, ha a mgbàr yey mûsa nit ây èege yèk Fay aw lekɗa. 26A dat maan a ni-Israyel ây pî saa gaw saa, kà yey gàa a defterre Fay: Nitsaanum a ge ana a Siyona, hèe ge hèenifa tèem makta a gin hàm ta Yakob. 27Yey tâage yèk wasta gim ii ni aw gi: A gim atfa daw jàk maarra waw. 28A hàwrra Yèk Kâwrra a ni-Israyel ây aw a nit yiir ta Fay ɗi ngam yèk wun. Amma a cata wàa cat daw gi aw a nit yiɗum ta wàa ɗi ngam yèk wosom ta waw. 29Fay ge asi jày hîi gi ba, ge ini yèk wàa a gin nit ây 'naase gi ba. 30Ngam mgban un un nit ây èege nà yèk Fay un ragu tuy ba, amma kòsòng un kpàa 'maton wàa ngam èca rakta tuk waw da ni-Israyel ây. 31Kà yey aw aw hàwrre rakta tuy kòsòng, ngam ye tâa un un kpàarre 'maton Fay gi, ha aw ɗa aw kpàa 'maton maan. 32Ngam Fay fanti dawge da nit ây pî a èca rakta tuy, ha e ii daw 'maton da nit ây pî. 33Kay, gbaarra bèeb Fay 'mirre, còycum wàa ni cèngnum jàk wàa yengge! Wun ge gatki yèk kiita ta wàa ya? Wun ge cèngni tèem ta wàa ya? 34Ngam gàa a defterre Fay: Wun ge kpàa cèngnum jàk dànda Tooy Ɓèl ya? Wun ge tâa nit yèenjum wàa ya? 35Malla wun ge hîiw jày, ha e kpàa jàk kana a gin wàa ya? 36Ngam a gin wàa ana jày pî, jày pî dii ni ey, jày pî dii ngam wàa. 'Mita e tâaw di Fay ha tâam timgbàri! Amen.

will be added

X\