Matta 1

1Yey tâage yèk futnjum Yeesu Kristu anga a yòot Dawda ni Abraham. E rri yey kày futnjin a wosom ta wàa: 2Abraham tâage too wàa di Isak, Isak ngaa too wàa di Yakob, Yakob too wàa di Yuda ni kaa rra wàa, 3Yuda too waw di Farès ni Jara, nuu waw ngaa Tamar. Farès tâage too wàa di Hesorom, Hesorom too wàa di Aram, 4Aram too wàa di Aminadab, Aminadab too wàa di Naaso, Naaso too wàa di Salmon, 5Salmon too wàa di Boos, nuu wàa ngaa Rahab. Boos tâage too wàa di Yobe, nuu wàa ngaa Rut, Yobe tâage too wàa di Yessa, 6Yessa too wàa di Dawda wûun, Dawda too wàa di Salomu, nuu wàa ngaa tâage nà kin Uriya. 7Salomu tâage too wàa di Roboyam, Roboyam too wàa di Abiya, Abiya too wàa di Asaf, 8Asaf too wàa di Yosafat, Yosafat too wàa di Yoram, Yoram too wàa di Ojiya, 9Ojiya too wàa di Yoyatam, Yoyatam too wàa di Akas, Akas too wàa di Hejekiya; 10Hejekiya too wàa di Manasse, Manasse too wàa di Amos, Amos too wàa di Yosiya. 11Yosiya tâage too wàa di Yekoniya ni kaa rra wàa, a ye 'maan daw da ni-Israyel ây a Babilon. 12A dat ye 'maan daw a Babilon gi, Yekoniya kpàaye Salatiya. Salatiya tâage too wàa di Jorobabel, 13Jorobabel too wàa di Abihu, Abihu too wàa di Eliyakim, Eliyakim too wàa di Ajora, 14Ajora too wàa di Sadok, Sadok too wàa di Akim, Akim too wàa di Eliyu, 15Eliyu too wàa di Eliyaja, Eliyaja too wàa di Mattan, Mattan too wàa di Yakob. 16Yakob tâage too wàa di Yosef nit yey tâage maa wàa di Mariya. Mariya tâage nuu wàa di Yeesu înuwan Kristu gi. 17Mûsa yòot ây diga Abraham ha Dawda tâa ra sàm naan. Mûsa yòot ây diga Dawda ha ye 'maan da ni-Israyel ây a Babilon ngaa tâa ra sàm naan. Mûsa yòot ây diga mgbàr maan ha kpètke Kristu ɗa tâa ra sàm naan. 18E rri yey kày tâa yèk kpàarra Yeesu Kristu. Mariya nuu wàa ye tâa nà Yosef ûrgu gi, ɗoko e 'mèmsi ey kpàawe fûri ni Jungci Delliya. 19Yosef maa wàa nit ɗèm ɗi, ti yiɗi e lòni yèk maan a ɗàm kpees nit ây ba, dàne e woowfa ni fûucu. 20Ye tâa Yosef dànde kà yey, malayka Tooy Ɓèl lòrrurra ni àyrra ndaram, de gàaw: Yosef hàm Dawda, ta mu tol ata Mariya maanji wey ba! Ngam himni yey ii gi fûri ni Jungci Delliya. 21Kpàa ge kpàa hàm nihun, mu înu nîir wàa Yeesu, ngam saa ge saani da nit ta wàa a jàk maarra waw. 22Jày pî mbire kà yey, ngam ha jày yèe nà Tooy Ɓèl ni mgbelyèk nit lònum e gbèe ye gàa: 23E rri yey sapri fû ge fûri, kpàa ge kpàa hàm nihun, aw înu nîir wàa Immanuyel kà gàarra Fay tâanjirre ni orro. 24Yosef ye mûye, de mbire kà yey gàaw malayka Tooy Ɓèl gi, de arre Mariya kin wàa. 25Amma ti cèngni is nihun ba, ha de kpàa hàm nihun. De înu nîir wàa Yeesu.

will be added

X\