Ni-Hebra ây 3

1Ngam maan un kor ta mum tâage nit della ta wàa di Fay, 'naasunu un 'mèmsi a tâam faktiturum gi, raptuwan di Yeesu tèewra Fay, tâage nit ɓèl daprum, sakna nîir wàa gi! 2Ey mòoye mbâra a tèem yey hîiw Fay gi, kà yey mòo Muusa tèem wàa mbâra a àay Fay pî. 3Amma Yeesu hòmu 'mita di Muusa, kà nit jâarra àay hòmgu 'mita di àay gi. 4Koo àay hâ jâarriya ɗi ni kàn nirri. Amma Tooy yey jâage jày pî, Fay ɗi. 5Muusa nit mòorra mbâra ɗi a tèem a àay Fay lang, ey nit tèerra tèem seedamku ɗi, ha e lòni da nit ây jày gàaw Fay. 6Amma Yeesu Kristu mòo mbâra a tèem, ngam ey Hàm ɗi gi, Fay iiwe e tâa hay a àay wàa. Orro tâage àay maan, to ot gòyrre go kpèw, ot mòorre go tinîir wot a kâwum jàk dànda yey 'misina hak worro ngam maan gi. 7Ngam maan Fay gàa ni Jungci Delliya: Unji yey to un rak go gûn mum, 8ta un ndèksi tinîir wun ba, kà yey mbirin nà a wosom ta wun a unji yey anin yèy a gin mum, haawimin a tîim nûri gi, 9ha sokrimin, gopnimin, koo ye tâa aw rapɗe tèem mum yeri ra naan gi. 10De anim ni ngòlnji a gin yòot nit ây mgbàr maan, de gàami: Dànda tinîir waw gbeerriya ɗi, aw aw cèngni ot mum ba. 11De hàami ni ngòlnji mum de gàami: Gaw lek a gin tiwuysum mum ba. 12Un kor ta mum, faasin hak wun, ta nirri kpolo a tîim wun e tâa ni tinîir maktiya a èca goosum, ha e woofa Fak beengiya ba. 13Amma kpèwsinjin a tîim wun unji pî a mgbàr yey gàa «unji yey» gi, ngam ta nirri kpolo a tîim wun e ndèksi tinîir wàa ni rûfrum jàk maarra ba. 14Ngam orro ot nit ây 'mèmse ni Kristu ɗi, to ot gòyrre go kpèw ha gbèeni a dànda tinîir worro iina a gin wàa a ɗaarra goosum worro gi. 15Amma Fay gàa nà: Unji yey to un rak go gûn mum, ta un ndèksi tinîir wun ba, kà yey mbirin nà a wosom ta wun ye anin ni yèy a gin mum gi. 16A wun tâage nit ây rake yèk Fay, ange ni yèy a gin wàa gi ya? Ti tâa a nit ây pî yuuni daw Muusa a dees Ejip gi ba yi? 17Da wun anda Fay ni ngòlnji yeri ra naan gi ya? Ti tâa da nit ây mbirge nà jàk maarra, wutke a nûri woogifa is waw a farra gi ba yi? 18Da wun hàa Fay, gàa gaw lek a gin tiwuysum wàa ba ya? Ti tâa da nit ây hàwge rakta tuy gi ba yi? 19Hû go ot rage, aw aw kpàa lekta a gin tiwuysum maan ba, ngam aw goosi ba.

will be added

X\