2 Ni-Korintu ây 9

1A yèk tèem mgbaanjum da nit della ta wàa di Fay tâage a Yerusalem gi, gayam ti cenim ha mi kèrfa dun yèk maan ba. 2Ngam mi cèngni yèk yiɗum tinîir wun mbâra, de râanim yèk maan a gin ni-Makedoniya ây mi gàa: A ni-Akaya ây aw mbangsi ngam tèem mgbaanjum diga yer yey hòmge gi. Hû go yèk hâta wun kpèwsi daw da nit ây dèy a tîim waw. 3Amma mi tèefa daw da kor goosum ây gi a gin wun, ngam ta râanum worro a hak wun a yèk yey e tâa ɓa hû go ba, amma ha un mbangsi a tèem maan kà yey gàami nà gi. 4Ngam to a ni-Makedoniya ây aw diknjifa go ni miy gi, aw kpàanu go un mbangsi a tèem maan ba, lawsam mòo ge mòona a dànda worro mbâra a hak wun gi, ta mi yèe kan yèk lawsam wun ba. 5Kà yey mi dàne, gesi mi waa daw da kor ây gi aw ɗàafa dikta a gin wun, aw gbèesi kimjum hîir mbâr yey gàanu diga mgban un hîi gi, ngam a kpèta mum e tâa mbangsumya kà hîir mbâri, naa ni gbokri. 6E rri yey jày ɓaysim dun gi: Nit yey còke càa, ri ge rip càa. Nit yey còke dèy, ri ge rip dèy. 7Sey koo wuna e hîi kày dàne a tinîir wàa, ta e tâa ni ngòlnji a tinîiri koo ni ndakcu ba, ngam Fay yiɗi nit yey hîige ni kâwum tinîiri gi. 8Fay dii ni mbinum e hîinu koo mbâr hâ dèy ni ɓèlla, ha un kpàa jày pî a gayam wun koo ningàa, ha e ngasɗa dun ɗa ngam tèenum tèem mbâri pî. 9Gàarre kà yey a defterre wàa: Ey mîinjige hîir ây, hîiye da nit èca ây. Ɗèm wàa tâa ge tâa koo ningàa. 10Fay Tooy hîige yòoci di nit còkta ni tàarri ngam riirra gi, hîi ge hîinu dun ɗa yòot ây pî a gayam wun, mûu ge mûusu dèy, ii ge iisirra dun jàk repta ây a gòyrra wun ɗèm gi. 11Hîi ge hîinu koo bèeb hâ, ha un kpàa hîirra hîiri koo ningàa, ha a nit ây dèy aw gàa mbew di Fay ngam yèk hîir wun got 'maafa daw gi. 12Ngam tèem mgbaanjum yey tèenu a ɗàm kpees Fay gi, ge gbèesi fòon waw da nit della ta wàa di Fay a Yerusalem gbè ba, amma 'maa ge 'maa ɗa da nit ây dèy a gàarra mbew di Fay. 13To un kàlnirre go hak wun mbâra a tèem yey, a nit della ta wàa di Fay 'mi gaw 'misi nîir wàa ngam yèk rakta tuk wun a lònum Yèk Kâwrra Kristu, ngam tèem mgbaanjum wun ni tinîir mbâra a gin waw ni nit ây kana ɗa. 14Aw waa gaw waa Fay ngam wun, lu gaw luknu nisi yèk mbâr Fay hîinu a gbaarra mbâr wàa gi. 15Dàan ot gàaw mbew di Fay ngam hîir wàa, yey tâa nirri ge kpàaw yèerra ba gi.

will be added

X\