2 Ni-Korintu ây 7

1Un nit ây yiɗina gi, ye tâa orro ot dii ni yèk ây a yèk mòonjum kàn kà yey, dàan ot ɓetini hak worro a 'miskum isi koo a 'miskum jungci, ot gbèesi tâarra delliya a tolnji Fay. 2Faarinan tinîir wun! Orro ot mbir jàk makta koo di wuna ba, ot mboysu koo di wuna ba, ot iiw burma koo di wuna ba. 3Ti tâa ngam mi yaanunu a kiita gàam kà yey ba. Ngam mi ɗaanu nà gàarra nge un dii a tinîir worro, koo ot wutnjirre go ni un, koo ot gûynjirre go ni un. 4Mi mòorre tinîiri dèy yèk wun, mi râanirre dèy yèk hak wun. Koo a 'màar hâriina gi pî mi mûu ni suunji tinîiri, kâwum iisimdarre ɗa dèy. 5A ye kpètna a dees Makedoniya gi, is worro ti kpàa wuysum ba, amma ot riiye 'màari cewci pî, ot dii ni tilètnjum ni nit ây, ot dii ni tolnji a mîis tinîiri. 6Amma Fay Tooy suusum tinîir nit ây ûuni daw jàk àyrra gi, ey suusinage tinîir worro a kpèta Titus. 7Ot kpàa suusum tinîir worro a yèk kpèta wàa gbè ba, amma a yèk yey gàana kày kpàa suunji a gin wun gi ɗa, kày yiɗunu un rabim gi, kày tâanu ni àyrra tinîiri a jày mbirge gi, kày kàmnu gòynum yèk mum a ɗàm kpees nit ây. Hû go kâwum iisimda dèy. 8Ngam koo ye tâa ɗerrewol mum àysunuge tinîiri gi, ti tiisim kòsòng ba. Mgban tiisimge nà, ngam mi kpàaye ɗerrewol maan àysunu tinîiri unji càa. 9Amma kòsòng tinîir mum kâwimde, ti tâa ngam mi àysunu tinîiri ba, amma ngam àyrra tinîir wun 'maanu a lònum jàk maarra wun. Ayrra tinîir wun tâaye kà yey yiɗi Fay gi. Orro ot mboysunu koo jâ ba. 10Ngam àysum tinîiri tèe Fay gi 'maa ge 'maa a inum tinîiri, a saarra yey tâa ge tiisu di nirri ba. Amma àysum tinîiri kà yey tâa a kparri gi, 'maarre a wurra. 11E rri yey àyrra tinîir wun tâage kà yey yiɗi Fay gi tèeye jày dèy, 'maanu a hâta dèy, a goosum yèk hak wun, ni ngòlnji a jàk maarra wun, ni tolnji dèy, ni yiɗum dèy ha un rabimi, ni rîirra kpèw dèy a hiitum jàk maarra. Hû go un lòni hak wun a jày pî un dii ɓet ɓet a yèk maan. 12Ye kèrmifa dun ɗerrewol maan, ti tâa ngam nit yey mbirge jàk makta koo ngam nit yey riige 'màari a jàk makta gi ba, amma ngam hâta yey tâagunu ngam worro gi e lòt a ɗàm kpees Fay. 13Ngam maan ot kpàa suusum tinîir worro. Ji hòmge di yey, tinîir worro ɗa kâwna dèy a kâwum Titus, ngam jungci is wàa kpàa wuysum a gin wun pî. 14Ngam ye tâa mi râanige yèk wun a gin wàa gi, un mòosim lawsam ba. Amma kà yey tâa jày pî yèena a gin wun takundi ɗi, hû go ɗa râanum yey râanina a gin wàa takundi ɗi. 15Yiide wàa ngam wun iisirrage 'mita, ye tâa ɓaysirre yèk rakta tuk wun, kà yey ngoru un ɗa ni tolnji ni timalni isi gi. 16Mi dii ni kâwum, ngam mi kpàa iirra dànda tinîir mum a gin wun a jày pî.

will be added

X\