2 Ni-Korintu ây 4

1Ngam maan orro ot nit ây kpàage tèem yey a 'maton Fay gi, ot tâa ni tinîir tolnji ba. 2Ot woofage tèem lawsam fûurriya, got dik a tèem gâra ba, got mboysi ɗa yèk Fay ba, amma ot lònirre yèk takundi. Hû go ot gòynirre hak worro a gin dànjum tinîir nit ây a ɗàm kpees Fay. 3Amma to Yèk Kâwrra yey sakna gi tâa go fûurriya, dii fûurriya gbè da nit gbeerra ây. 4Da nit ây gi Seyɗan wûun tâarra yey yisifa daw dànda waw èege goosum gi, ngam ta kayang Yèk Kâwrra yèege yèk 'mita Kristu tâage tirèenjunum Fay gi e fin daw ba. 5Ngam orro ot sakɗe yèk hak worro ba, amma yèk Yeesu Kristu tâage Nitcoorra gi. Orro ngaa ot sàay rra wun ɗi ngam nîir wàa. 6Fay gàage «kayang e fin a tîim kulpi» gi, ey finsina tinîir worro, ha ot cèngni kayang 'mita wàa finge a nis Kristu gi. 7Amma ot nit ây tâage ni bèeb yey delliya gi, ot dii mu gàa taang ây gbuurriya, ngam mbinum ɓèl gi e lòt ana a gin Fay, ti tâa a gin worro ba. 8Orro ot riirre koo 'màar hâ, amma ot gbee ba. A jàk ây aw kpulsinarre jungci isi, amma tinîir worro ti 'nun ba. 9Aw ɗàanarre ɗàari, amma Fay ti woofa dot ba. Aw lutkinarre, amma ot wut ba. 10Koo ningàa ot tokɗe wurra Yeesu a is worro, ngam ha gûyrra wàa e lòt a is worro ɗa. 11Koo ningàa ot nit ây gûyge gi ot dii gaarra a wurra ngam Yeesu, ngam ha gûyrra wàa e lòt a is worro ge wut gi. 12Kà yey wurra tèerre a hak worro, amma a hak wun gi gûyrra tèerre. 13Orro ot tâa ni jungci goosum kpolo kà nit kèta yèk yey gàage: Mi goosige, ngam maan de yèemi. Hû go orro ɗa ot goosu di Fay, ngam maan de yèena. 14Ot cèngni nge Tooy Ɓèl gûysu di Yeesu Nitcoorra a wurra gi, gû ge gûysina dorro ɗa ni ey, gò ge gòynina ni un a ɗàm kpees wàa. 15A jàk ây gi pî aw mbire kà yey ngam wun, ngam ha mbâr Fay e iisirra yeskum, ha a nit ây gàage mbew di Fay gi ɗa aw iisirra mûurra, aw 'misu a 'mita wàa. 16Ngam maan orro ot tâa ni tinîir tolnji ba. Koo ye tâa is worro gbeerre gi, jungci yey kpàana a gin Fay insinarre fûuya unji pî. 17Kòsòng ot riirre 'màar yey tâa ti ày dèy ba unji càa, amma mbangsinarre gbaarra 'mita tâam timgbàri, hòmu dèy di 'màar yey riina gi. 18Orro ot iirre hakkilo worro a jày rabe nirri ba, amma a jày tâa nirri ti rap ba gi. Ngam jày rabe nirri gi tâarrarre sey unji càa, amma jày tâa nirri ti rap ba gi, tâa ge tâam timgbàri.

will be added

X\